كلامكم كأنه خيال
 

بسم الله الرحمن الرحيم

السلام عليكم ورحمة الله وبركاته يا رواد وأعضاء المنتدى

و الله أنا من يوم دخلت هذا المنتدى وأنا أحس أن كل الأفكار اللي فيه خيال ..

طبعا كل إمرأة تحتاج زوج يبادلها الحب والأحترام وإذا عملت عمل يثني عليها و يوجهها بطريقة لبقة ..

أنا أحب زوجي جدا ولكني للآسف وصلت معه لمرحلة عدم الشوق القديم واللهفة بل على العكس أفرح في اليوم الذي لا يكون موجودا فيه ...

زوجي له زوجة سابقة وأنا طبعا زوجة ثانية لذلك أشعر بأنه ليس لي الحق في أي تصرف لا رحلات ولا زيارات خاصة طيب ليش يا ابو فلان ؟؟؟

أوووووووه طفش إذا طلعت لازم أطلعها ؟؟

طيب جب لي معاك من السوق غرض ؟؟
أوووه لا إذا جبت لك لازم أجيب لها !!!

و على هذه الطريقة لحد ما حسيت أن الحياة صارت مجرد روتين لا أكثر ولا أقل .....

بصراحة ملل ...!!!!!!!!!!!!!!!!!!!!!!!!!!!!!!!!!!!!!!!!!!!!!

الله يعنيج يا أختي ، و أنا أقترح إنج تسوين جلسة مصارحة مع زوجك و تصارحينه بللي بخاطرج وهو كذلك و انشاءالله راح تنحل مشكلتج . و حاولي إنج تستخدمين اسلوب في الكلام يناسب تفكيره عشان تقديرين توصلين إللي تبينه و كثري من الكلام الحلو معاه و انشاءاالله بتشوفين النتيجة بنفسك.

قوي علاقتك بالله , واستعيني به, واستخدمي سحرك الأنثوي
لتعيدي ترميم العلاقة , لاتكوني سلبية , ونافسي ضرتك 0

اول شي انتي ما وضحتي عمرك وعمر زوجك لكن ابجاوب حسب ما اتخيل.

ابداي من جديد اول شي جلسة مصارحة انك تبي تحسينبحياتك انه كل يوم هو يوم عرسكم بحيث يكون سعة صدر ووناسة( ووضحي بشكل غير مباشر انه مو قصدك الجنس) .

بعدين قولي له من اليوم وطالع تبي تدخل البيت تبي تلقى علي اللبس الفلاني-لباس مغري- .
وقولي له ما راح تسمعمني الا كلام ينقط عسل , وقولي له ابغاك تعيش داخل عيوني وش تبي اسوي لك امرني بس

يعني اشتري زوجك بكلامك خليه يحس انك محتاجه له من جهه ومن جهه انه مقصر عليك .

ثانيا : تجاهلي انه عنده زوجه اولى بأي حال من الاحوال ولكن لا تبخسينها حقوقها, بس حسسيه انك انتي له بس وهو لك بس من دون تجريح لاحد وصدقيني مايقدر يقول غير هالكلام .وصدقيني تبي تكبرين بعينه لانك اذا حسستيه بالغيرة منها يبي يقول هذي حرمة ناقصة عقل ومن هالكلام لكن العكس تبي تكبرين بعينه .


احس انك ما لك ميول من خلال الحب(الجنس) ما ادري بس حسيت كذا
انتي تبين وناسه وسعة صدر وبالعربي مثلك مثل اي بنت طلعات وسفرات .

اختي استغلي انه مو كل يوم عندك بشي لصالحك يعني اطلعي انتي مع زميلاتك, او خلي زميلاتك يجونك , هذا من جهه الطلعه والدخله

وانصحك تسوين جدول :
اذا بالشهر يسهر عندك 15يوم طلعي 3ايام حقت الدورة

هذي 12 ليله بالشهر
رتبيها انتي واياه قولي له وش تبي نسوي فيها ,
مثلا يوم الخميس تاريخ كذا نبي نسهر بالبيت ونستانس وابرقص وازين وابفعل ,
يوم السبت ابسوي لك عشاء مثلا مرقوق(رومانسي مرقوق ؟ ما اظن بس انتي ابخص) وابيك تجيب لنا فلم نتفرج عليه,
يوم الاثنين هذا راحة

يوم الاربعاء : وش رايك نطلع لحديقة او للبر او البحر

..............الخ

بكذا تحجرين عليه, لو يبي يرفض يبي يحس بالتقصير وتأنيب الضمير.

والله الله بالصبر والطاعة وسعة الصدر , يعني لو يبي يرمي عليك كلمة اكتميها بصدرك وقولي له سم اللي تبيه يصير من عندي اغلى منك بهالكون , صدقيني يبي يستحي من نفسه ولا يقدر يرفض لك طلب من جهه , ومن جهة صدقيني يبي يشوفك شي ثاني وتبي تلقينه يجاملك ويسوي اللي تبين لو ما له رغبة.(ولا تكابرين تقولين ما ابي شي مجاملة)

وانتي ابخص اذا هو كبير بالسن وبينكم فارق لا تحاولين انك تنزلينه بشي ما يقبله مثلا تقولين له نبي نرقص او نطامر او ...الخ مع ان هذا شي حلو بنظري .

ولعلمك انا امي الزوجة الثانية يعني فاهم كل اللي تقولينه لكن عندنا العكس امي هي اللي دايم مع ابوي وخالتي- الزوجه الاولى- دايم تطلع وتروح وتجي مع عيالها بحكم انها كبيرة سن وامي اصغر .

اتمنى من كل قلبي لك حياة سعيدة

جزاك الله خير سنافي و بصراحة كفيت و وفيت .

و أنصحج يا أخت رتاج إنج تاخذين بنصيحة أخونا الحبيب سنافي .