منتدى عالم الأسرة والمجتمع - لكل امرأة تريد إسعاد نفسها وزوجها

السلام عليكم ورحمة الله وبركاته
أولا عندي لكم شوية نصائح و حركات تساوها في البيت صدقوني راح تدعولي ( ترى أنا مجربتها كلللللللللللللللللللها وبأقولها عن خبره):22:
1: جيبي زعفران أصلي وحطي عليه مويه دافيه وأشربيه كل يوم
حتقوليلي ليش حأقلك عشان تسير ريحة ال..........إحم إحم
مره حلوه وتراها مجربه
2: فرشي أسنانك 3 مرات بليوم وياريت تمضمضي بالشاي الأخضر لأنه يقتل كل الجراثيم إلتي بالفم
3: إنتبهي علي رائحة جسمك لأنه في مقتبل الزواج غالب البنات مايعرفو هذا الشي ويبدء الزوج بالنفور منهم
4: حطي قاعده في رأسك إنك ماتنامي جنب جوزك إلا وإنتي مستحميه وكأنك رايحه فرح يعني التريتب والقميص وتكوني معطره السرير بالبخاخ الخاص لذلك وتكوني إنتي متعطره وريحة فمك حلوه وحاطه بس بلشر خفيف وجلوس عشان يعطيكي منظر جذاب
5: حاولي كل يوم تبخر بيتك ولما تخلصي حطي البخور في دولاب الثياب حق زوجك وبخي علي الثوب مثبت البخور تلاقيه عند محلات بيع البخور
6:لاتخليه يخرج للعمل وإنتي نايمه ويرجع وإنتي نايمه لأنه في يوم من الأيام حيقول عنك عديمة فائده ومو بعيد يقولك نامي حبيبتي وأرتاحي ومع أول مضاربه يقلب الموضوع ضدك:29:
7:إذا جاتك أم زوجك وجا وقت الصلاة قبل ماتعطيها الشرشف والسجاده بخيهم بمثبت البخور وبخريها ( حتفرح منك مره وماراح تخلي أحد ماراح تقوله :22: أسأليني أنا:d )
8:لاتستقبلي زوجك ببوز شبرين لأنه وربي راح يهج من البيت :30:
9:لما تضااربو لاتبوزي في وجهه ولا تضحكي كأنه مافي شي صار خليكي عادي يعني كانو هوه مو فارق معاكي بس لاتبوووووزي:29: لأنه برااااااحه حيخرج ويسبلك البيت ومارجع غير أخر اليل
10:دايما خلي بيتك نظيف ومرتب كأنو حيجوكي ضيوف وإنتي كمان خليكي طول الوقت مرتبه ومشيكه ومتمكيجه حتي لو خفيف لأنه ماتعرفي يمكن تكون أم زوجك من النوع الملقوف وتبغي تشوف إنتي مرتبه ولا لأ تقوم تجيكي علي حين غره :d فتكوني إنتي مستعده وتخليها تحلف بحياتك :17:

هذا ياحبايبي كل إلي عندي وتراه وربي من تتجربتي :17: ياربي يعجبكم وفي كمان 3 أشياء باقيه مره مهمممممممممممممممممممممممممه بس ماراح أقولها غير لما أشوف تفاعلكم في الردورد معايا

تحياتي : العسوله