|
زوجي يحب النظر إلى النساء وأنا امراة غيورة
بصراحه منتداكم رائع وهذي اول مشاركه لي واعذروني بالاطاله انامشكلتي زوجي يحب النساء اذارحناامستشفى مع الممرضات الطبيبات ضحك وسوالف وجبت شغاله وصاريضحك ويسولف معاه يروح لهابغرفتهاالين سفرتها واذا شاف اي وحده مايقدر سواء اختي اومرةاخوه او ضيفه بالبيت لازم يبصبص ويتنح بعد ياليته نظره وبس لا اكثرمن كذا المشكله اناغيورة وماحب انه يستغفلني وصاريكذب علي اذاسالته سؤال يعطيني اربع اوخمس اجابات:( واذاقلت ابي اجابه وحده قال ههههههههه:d اناعطيتك اكثرمن اجابه ولانفعت بيجنني :( يعطيني اجابات متناقضه ويقول اختاري لاتقولون اهتمي فيه او جنس او تجمل اوجمال موناقصني شي بشهادةالجميع وبشهادته هو حاولت اثير غيرته :25: ولاشي مطنش اهم شي يريح باله بالله عليكم وش الحل له خصوصيات له اشياءماادري عنها
تم تعديل العنوان ليتناسب مع المضمون |
اقتباس:
الله يعينك عليه..... زوجك عديم احساس.... أنا زوجي (كان) يعملها بس مش لهالدرجة...:29: ((الشغالة... أختك ... مرت أخوك...؟؟؟)):29: أستغفر الله هذا مريض .... أنا زوجي ماتاب إلا بعد مازادت المشاكل وشاف إني ماعادت تفرق عندي أقعد معاه أو أنفصل... يعني لما حس إني بالفعل جادة وماراح اسامحه بغلطة ثانية....:29: :29: :29: أنا آسفة حبيبتي بس بصراحة ما اقدر أنصحك تسوين مثلي... لأن كل زوج يختلف عن الثاني... وأخاف زوجك يقول لك عادي زعلي مايهمني... |
اختي ريميه نجد
انتي وتبين الصراحه غلطانه ليش تغارين عليه طنشيه هو شافتك تغارين يزياده صار يثقل بالبصبصه والضحك مع الحريم اعملي حالك مو شايفته او قولي له ان هالحركه تقلل من قيمه الرجال صدقيني بيهدى وثم انتي تقولين مهتمه فيه وتلبسين وتكشخين ليش تغارين اتركي الغريه منك خليك وااااااااااااااااااااثقه من نفسك انا مدري ليه انتو تغارون على رجالكم انا مستحيل افكر مجرد تفكير اني اغار على زوجي لانه رجال كبير وفاهم اذا هو مهتوي الغلط هو الغلطان انا ليش احاسبه رب العالمين فوق يحاسب الناس كلها اذا هو ما خاف من ربه بيخاف منك |
الاخت ريمية ريمية نجد
كان الله بعونك حاولي أيضا تعاوني نفسك وتدربيها علي عدم الافراط في الغيرة لان الغيرة نار تحرق صاحبها أولا .. كوني معتدلة لو غازل واحدة في وجودك لاتنفعلي بل ابتسمي وكأنها طرفة أو نكتة فربما يكون بيعمل ذلك حتي يثير غيرتك أكثر وعندما يجد العكس سوف يقلع عن هذه التصرفات |
إحترت ويش أقول مو ناقصك شيء وبيطالع غيرك مشكلة
بس اخاف أختي أن هناك سلبيات خلقية تصدر منك معه مثل طول اللسان - سوء الظن - كره أهله - عدم القيام بحقوقه المنزلية - عدم إحترامه هذه أمور مهمة جداااااااااااااااااااااااااااااااااااااااااااااااا اا لدى الرجل كي لا ينظر إلى غير زوجته . وإذا بغتي تملكين الرجل ويصير خاتم في يديك ( حب أهله + القيام بحقوقه خير قيام + إحترامه جداااا ) هذه قاصمات الظهر لــــــه |
الرجل البصباص رجل مسكين يثير الشفقة ، والسبب :
لانه ضعيف غير قادر على تمالك نفسه وعلى التحكم بنظراته. وايضا هو مسكين لانه يشوه صورته بنفسه امام زوجته ، ويقلل من نظرتها له باحترام ، أليس بعد ذلك لا يكون مسكينا ؟ طنشي نظراته ولا تهتمي فلعله يرغب بلفت انتباهك لكي يشعر بأهميته ، وهنا اكرر :مسكين من يلجأ لتلك الاساليب لكي يشعر بأهميته . اما ان تجاوز الامر النظرات ، الفتي انتباهه بحزم وذكريه بالحلال والحرام وأن العين تزني وزناها النظر . |
جزاكم الله خيرعلى الردود والله بردتوا قلبي الله المستعان انافعلا الناحيه هذي متعبتني جدا احيانا حتى اذا تجملت وتزينت ضحكت بنفسي وقلت وش الفايده مايستاهل اذا حتى الشغاله يطالعه بصراحه مسبب لي حاله نفسيه وخايفه حتى اني انحرف واثبت له ان كثير املى عيونهم مو عينه هو بس بس اتعوذمن الشيطان واتراجع اااااااااااه واالله تعبت بكل حركه منه انجررررررررح احس كني ولاشي لوقلت له حرام النظرضحك وقال هذا للنساءفقط انا رجل والاقولك لبسيني برقع وصار يحاول قدامي يتجنب بعض الاحيان لكن اقول الله اعلم وش وراه بصراحه اشك فيه لدرجه مخيفه انا لي منه بنت عمرها3شهور افكرجديا بالطلاق
|
أختي ريمة نجد
ألأخوان والخوات ماشالله ما قصرو بالرد بس حبيت أقوللك شي لأني حاسه فيكي فانا أعاني نفس مشكلتك حبيبتي مافي أغلى من صحة الإنسان إذا لاقدر الله وأصبتي بضغط ولا سكر من التفكير صدقيني ماراح يسأل فيكي كوني أكبر من كذا إذاطلعتي معاه خليه وراكي حتى لآ تشوفيه وهو يطالع الحريم وتنقهرين إذا رحتي معاه أي مكان وقعد يكلم الحريم أدخلي في الموضوع بكل ثقه وأمزحي وكن الموضوع عادي عندك صدقيني إما راح يخفف إذا كان بيعاندك أوانه راح يبطل لأنه كل ممنوع مرغوب وإذا حس أنه حر مو مراقب أنا زوجي مره عيونه طويله وبردت على قلبي والله ما صرت أهتم خلي يطالع إيش حيا خذ منها إذا طالعها غير الذنب من الله وقلة القيمه من الناس الي تشوفه يبصبص وزوجته معاه وكليها على ربك وهو يهونها يا بنت الحلال |
|
اقتباس:
|
| الساعة الآن 01:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©