|
اريد الخروج من بيتهم !!!!!
بسم الله الرحمن الرحيم
اخوتي واخواتي اعز من في قلبي ...اتيت لكم كاتبة مشكلتي والتي اعجز عن التفكير فيها ...وانا عارفة ان انتوا اكيد بتساعدوني في حل جيد .... مشكلتي واللي اتمنى الكل يعطيني رايه فيها هي ... انا الحي متزوجة من 5 شهور والحين انا حامل ....في بداية زواجي كنت بشقة بعيد عن اهل زوجي ....وعلاقتي فيهم ممتازة ... بعد شهر من الزواج ....صارت مشاكل مع صاحب الشقة واضطرينا نطلع منها ...ومالقينا مكان بالسريع نسكن فيه غير بيت اهل زوجي .... وطبعا احنا تسرعنا في قرارنا ...بس الظروف احكمت علينا !!!! المهم ....الحين انا وزوجي عندنا غرفتين ودورة مياه .... يعني بوسط البيت ...مهو معزول ....والمشكلة انهم بنوا بالبيت علشاننا ..يعني خسروا فيه.....!!! يعني نطلع يدرون عنا ...مانقدر نشتري شي وندخله البيت براحتنا ...ما اطبخ لزوجي براحتي ...مانحتفل بمناسباتنا الخاصة !!! المهم ...والاعظم من كذا ....انه اغسل الملابس بنفس الغسالة .....وما اخذ راحتي يعني ما الحق احط الملابس بالغسالة الا ويجوا يشيلوهم ...من كذا انا ما البس على راحتي لزوجي يعني ملابس النوم والملابس المثيرة ,,,اصلا ما البسها من كذا!!! المهم :::الحين انا من يومين فكرت في اني انتقل من بيتهم ونروح شقة برا .....لكن زوجي عنده اقساط سيارة وقرض البنك ... ويقولي لازم اذا انتقلنا تراعيني في المصروف .....وانا الحين افكر اني لو انتقلت برتاح مع زوجي من ناحية الطلعة والطبخ وحتى تربية ولدنا بعدين ... بس انا اخاف ان زوجي يتضايق من ناحية الفلوس !!! والله زوجي وده نطلع ونكون بروحنا .....بس قرارنا كان سريع ....والحين هو وعدني نقوم مكان جديد واجاره زين ...بس اخاف تصير لي مشكلة من اهله ويقولون انهم خسروا بالبناء عشانننا ...وبعدين نقوم !!! بس صدقوني محنا مرتاحين بالبيت لان زوجي صار مايجلس معي بروحنا ..ودايما نطلع وين رايحين..؟؟جينا من وين جايين؟؟؟ وش الحل ....ما ابي ازعل اهله....يعني ابي طريقة ماتزعل اهله ....وعطوني رايكم بالمشكلة ..اللي اخاف انها تغير علاقتي مع زوجي!!! |
سوي اللي يريحك ويريح زوجك
ما اقول لك لا تهتمين لراي اهله بس اهم شي راحتكم انتوا يعني هم خسروا على البناء بس اذا انتوا طلعتوا هم ما راح يهدموا اللي بنوه يقدروا يستفيدوا من الغرف صدقيني انا عشت مع اهل زوجي 7 سنوات وافهم شلون تحسين اطلعوا في شقه بروحكم والله بيسهلها لكم |
السلام عليكم ورحمة الله وبركاته
مثل ما رديتي على مواضيعي هم بعد رايح ارد عليك ولي الشرف بعد أخت حائره أول شيء القضيه هذي متعلقه بزوجك ثاني شيء زوجك لو ناوي يطلع جد كان طلع لا تقوليلي أقساط ولا قرض ثالث شيء من حقك انك تطلبين راحتك شرعا وانا اتوقع ان زوجك مهو رايح يصبر رايح يدبر عمره من ناحية السكن رابع شيء و أهم شيء اهل زوجك انتبهي يشوفك او يحس زوجك انك متضايقه من اهله ...... لو حس بالشيء هذا مهو رايح يقولك أبد , والله لو أنك عبقرية زمانك ما تكشفيه , لكن تقعد بقلب الزوج , لا تنسين الكلمه هذي , ومثل ما قلت لك زوجك مهو رايح يصبر , أغريه انتي لبسي لبس يغريه , بعد كذا رايحه تدعيلي .......... تحيــــــــــــاتي لكــــــــــــــ يالغاليه |
مشكورين على مروركم وزوجي وعدني نطلع بس ابي طريقة ما اخسر اهله فيها!!!
|
دام أن زوجك قرر يطلع خلاص اطلعي من الموضوع انتي لانهم اذا ازعلوا بيزعلوا على زوجك خلي زوجك ياكلها لانهم أهله يزعلون منه ولا يزعلون منك ..............
تحياتي |
مشكور اخي الجنوبي ....واحسن شي اسوي نفسي ان القرار مو قراري وهذي رغبة ولدهم ....
|
قولي لهم هذي رغبة ولدهم ................ اخذولكم سكن ترتاحين فيه انتي وزوجك والله يسعدكم ان شاء الله
تحيـــــــــــاتي وتقديـــــــــــــــري لكـــــــــــــــــــــ |
|
الله يعينك ياختي احيان الناس وهمفي بيت اهلم مو مرتاحين شلون لين صارت في بيت اهل زوجها انصحك اطلعي منعندهم وتحملي تنقص الفلوس بس ما تخسرين راحتك ووضع الفلوس والاقساط ان شاء الله انه مؤقت مو على طول تحملي شوي قلي من مصروف البيت والله يعينك ويفرج كربتك
|
مشكورين كلكم لى مروركم وارائكم ...واعتقد ان هذا اللي بسويه بطلع سواء زعلوا او وش سووا لان اهم شي راحتي مع زوجي!!!
|
| الساعة الآن 08:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©