|
اكره اللي اسمه زوجي كرهي للموت
السلام عليكم ورحمة الله وبركاته انا سبق وكتبت مشكلتي بالمنتدى وماقصرتوا معاي بالرد بس انا طلبت من المشرف انه ينسى مشكلتي لان زوجي ماينفع معه شي بعد ماجربت اسوي الي نصحتوني فيه مالقيت منه الا الرد اللي خلاني اكرهه اكثر واكثر بس الحين قررت اكتب اللي بقلبي عشان ارتاح محتاجه افضض لاي حد ابي حد يسمعني لان كل من حولي مشغول عني حتى هلي وانا بصراحه خايفه من نفسي على نفسي تخيلوا عايشه معاه وانااكرهه بس مجبوره عشان عيالي مع انه مايسوي لهم اي شي ولايدري عنهم ولاعني ماكنهم عياله ولاكني زوجته هاجرني من سنين هو في غرفه وانا بغرفه يشرب ليل ونهار ولايصرف علي ولا على عياله بل العكس انا اللي متحمله كل المصاريف على البيت والخدم والعيال وعليه وانا اللي اسفر العيال وهو يسافر لحاله لنزواته مايعرف ربه ولا عمره ركع ركعه لربه مايعترف بالله وبالاسلام والعياذ بالله بخيل في كل شي ماديا ومعنويا مقصر معاي ومع هلي حتى في المناسبات مايتصل فيهم لو بالتلفون الحين مابيني وبينه حتى كلمة صار له كم سنه ما نتكلم مع بعض يعني اغراب في بيت واحد وربي اني كرهته واتمنى له الموت وعايشه معه على امل انه يموت او اني انا اموت وارتاح والي قاهرني اني اصغر منه بخمسة عشر سنه وجميله وماعلي قصور جمال واخلاق ومهتمه بنفسي وشكلي واناقتي ولماامشي بالسوق الكل يلتفت لي الا ذا اللي اسمه زوجي فكرت اخونه لاني بصراحه انسانه ولي مشاعر وبعدين توني صغيره ومحتاجه للحنان والرومنسيه لاني انااعشق الرومنسيه فوق ماتتصورن وكنت اتمنى زوج حنون ورومنسي مثلي ولكني انصدمت بالزوج الطاغوت مايعرف ربه ولادينه ولاعنده غيره على هله تخيلوا زوج يقول لزوجته روحي للشباب بيريحونك انتي جميله وسوقك بيمشي لما كنت اكلمه واقوله انا محتاجه حنانك واطلب منه انه يكون بجنبي خوفا مني من المغريات الي اشوفها لمااطلع وربي لماامشي مع عيالي يظنوني اختهم ولما طلبته انه يوقف بجنبي ويعطيني حنانه قال لي روحي للشباب هو عاجز جنسيا والله اكتب لكم ودموعي تسبق حروفي لاني خايفه من نفسي ومقهوره على شبابي اللي يضيع مني مع واحد مايستاهلني بشهادة الكل حتى اهله محتاااااااااااااااره وش اسوي اكررررررررررررررهه واعذروني على الاطاله
|
عزيزتي...
ماذا تنتظرين من واحد ديوث مثله... تطلقي منه وتزوجي بالحلال تجدين بإذن الله الرجل الذي يعوضك عنه بالحنان ووووو... وإذا لم يرض أن يطلقك فأظن أن المحكمة ستقف في صفك... وإلا فاخلعيه... ولكن لا تبقي على حالك فتقعين في الحرام.... أحذري ثم احذري.. وتذكري أن عين الله التي لا تنام فوقك.... |
اختي بحرينيه مشكوره على الر بس احب اقولك اني فكرت بالطلاق منه ومن زمان بس ولدي الكبير (عمره13) بكى وقال لي لاتتطلقين من ابوي اسمه ابونا ولو انه مايسوي شي لنا وكلمته ذي تمت في بالي ووقتها ضميته وبكيت معه قلت له ترضى امك تندفن وهي حيه قال لا بس اسمه ابونا ومانبي نترك بيتنا عشان كذا عيالي مطوقيني من رقبتي وقلت بادفن نفسي بالحيا عشانهم والا انا كارهته واتمنى الموت على اني اعيش معه والله يجزيك خير اختي
|
** السلام عليكم ورحمه الله وبركاته **
لاحول ولاقوه إلا بالله .. الله يعينج ياقلبي .. تعوذي من بليس وشيلي عنج الوسواس .. مايصير تصلحين غلط بغلط أكبر منه انتي شكلج الحمدلله مؤمنه وعارفه ربج .. يعني عارفه إن رب العالمين راح يعوض صبرج خير .. حبيبتي بالنسبه لزوجج ,, الله يجازيه لكن انتي ياقلبي حطي حيلج بعيالج ربيهم أحسن تربيه عشان يبرونج ويذكرونج بالخير لما يكبرون .. رب العالمين عارف وشايف وماتخفى عليه صغيره ولا كبيره .. الله يهديلج زوجج ويصلح إللي بينكم ياااااارب
|
حبيبتي...
ولدك صغير ومايفهم... هو لو يعرف إن قعدتك مع أبوه ممكن تؤدي إلى الحرام... كان ما قال لك هالكلام... بس انا خايفة الشيطان يقص عليك وتقعين في المحظور... قولي له هذا أبوك وأنا مابمنعكم عنه.. |
ماأقول إلا الله يعينج حبيبتي وعليج بالصبر والله كريم يمهل ولايهمل
|
لا حول ولا قوة إلا بالله
قلبي معك أختاه اطرقي باباً لا يرد قاصده وتقوى الله في نفسك وأولادك أولاً وأخيـــراً |
اقتباس:
أي صبر.. تقول لكم سنين هاجرها.. وسنين مايكلمها.. ومايصرف عليهم ابدا... وإنسان سكير.. وهي صغيرة في السن... ليش دايما تقولون للمرة تصبر.. وماتقولونها للريال.. يعني مثل ماهو بشر هي بعد بشر... عندها مشاعر وأحاسيس.. عندها رغبات واحتياجات... تبونها تصبر لي متى... هذا عمر.. والعمر يمضي... ومن حقها تعيش مرتاحة في حياتها... |
اختي الغالية منبع الأحزان
ما دمت تكرهين زوجك كل هذا الكره واطفالك لا يحبونه..فألفظل لك ان تتركينة وتتطلقين منه فلا يوجد شيء يجعلك تحتاجين اليه فأنت تصرفين علاى البيت وتعطين لأاولادك كل ما يحتاجونه وبعد اللطاق لن يخسروا اولادك شيء لانه كما تقولين أصلا ما مهتم بهم ولا يعطيهم وقت..فوجوده أو عدمه نفس الشيء بالنسبة لهم كون ابنك الكبير يريده لأانه اسمه ابوه..سيبقى اسمه ابوه حتى بعد الطلاق ولو فكر يزور ابوه يستطيع بأي وقت (ولكن لا اعتقد انه سيحب بعدما تخلى زوجك عنكم) أختي الغالية..أنا مطلقة وطبعا الطلاق صعب ولكنني لست موظفة فطليقي كان يصرف علي من قبل فأحس بالفرق وأيضا احزن لانني خسرت كل ممتلكاتي ولكن كونك معتمدة على نفسك فممتلكاتكي هي لك أنت لان زوجك لم يساعد في تكلفتها فلن تخسري مثلما أنا خسرت وأنا ايضا رومانسية الى ابعد الحدود وطليقي كان قاتل الرومانسية فهو عكس الرومانسية وكنت كل ليلة افكر كيف ساقضي بقية حياتي مع رجل ما يشبع أي رغبة من رغباتي سواء كانت جسدية أو معنوية أو مادية فوجدت أن الطلاق احسن لعلي يوم من اليام اجد انسان اخر يهتم بي ويتزوجني لذاتي ويعوضني عن كل ما فقدته دعواتي لك بالسعادة والهناء وراحة البال وان يفرج الله كربتك وبعوضك بخيرا منه |
بنت الثويني -مريوم-عبير الاحلام-بحرينيه-مشمةعمري الله يجزيكم الف خير على الرد واحب اقولكم اني مو مقصره في الدعاء وحتى في الثلث الاخير من الليل ادعي ربي وابكي من همي على سجادتي لعل الله يفرجها علي وعلى عيالي وبعدين اخت بحرينيه والله انتي حاسه بالي فيني فعلا دوم يحملون الحرمه فوق طاقتها يعني هي اللي تتحمل وتصبر على كل شي حتى هلي اللي هم هلي من احاول بس اشكي لهم حالي قالوا لي اصبري انتي جبل وانتي تعودتي على حياتك معه وكاني مالي قلب ولامشاعر وعشان كذا صرت مااشكي لهم ولاحتى احاول اني المح لهم اني متضايقه بل العكس دوم بشوشه ولوتشوفيني ماتصدقين اني اعاني هموم
|
| الساعة الآن 07:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©