الي قالوا عن مشكلتي بسيطه تعالوا لتعرفوا ماذا حدث
 

السلام عليكم

انا طبعا كتبت لكم عن موضوع ممكن افضفض ... وكانت المشكله عن خاتم وما إلى ذلك ...

وطبعا بعض الاخوه والاخوات نصحوني .. .ان الموضوع بسيط مثل ما ذكرت وهم قالو ...

المهم ... الي صار يا اعزائي اني مرضت وانا ماكنت ادري ان سالفله الخاتم موضوعها متافقم للهدرجه عند والدتي .. مع اني ما فتحت معاها المووضوع مره ثانيه ابدا ,,

والدتي تشتغل بالمستشفى ,,, وامس قبل لا يخلص دوامها شوي تعبت واتصلت فيها وطلبت منها ان تاخذ لي موعد .. لأني تعبانه ..

المهم اخذني زوجي .. المستشفى وقبل لا ندخل قلت حق زوجي لو امي قالت لك كلمه ماعجبتك معلش طوفها عشاني يمكن للحين زعلانه .. قالي ولا يهمك ...... وانااعرف كيف اتصرف ..

والصراحه كان تصرف زوجي بالمستشفى شي رهيب .. ما توقعته ... او ما دخل الغرفه مع الدكتوره امي كانت بنفس الغرف ,, دخل وباس راسها جدام الغرب.... الصراحه كبرررر في عيني وما توقعته كذا ........... اما رد فعل والدتي .. :29:
فكان انها صدت عنه وعطته ظهرها ولا حتى عبرته :(

في ذمتكم هالكلام ما يزعل الا يزعل ونص ...ولمه طلبت من والدتي ان احنا نوصلها البيت رفضت انها تركب معانا السياره ,,,

المهم رجعت البيت وانااعتذر حق زوجي ,,, والصراحه زوجي كبر في عيني مره ثانيه لأن قالي انا بعد بروح لها واستسمح منها مع ان يا ناس زوجي ماله ذنب في شي ,,, وليش والدتي تتصرف جذي الصراحهانازعلت مره

المهم اليوم رحت حق والدتي , ,, واشتريت لها فطور وقعدت معاها ,, ولمه خلصت كلامها قلت لها ليش تعاملين زوجي بالطريقه هذي وبعدين اهو ما سوى فيج شي ... واذا المشكله بينج وبين والدته فأنتوا براحتكم بس زوجي ماله دخل ولمه دخل وسلم عليج وما عطته ظهرج وهو يحبج على راسج هذا غلط ,,, الي سويته ... توقعو شنو ردها ,,

تقول أيه ليش يوقف في صف أمه ..... عجل ويش وتبين يسوي يحرق امه عشانج:eek:

قلت لها الرجال ما قصر كلم امه ,,,, وخلاص ,, واذاامه ما جات واعتذرت عساها ما جات .. الريال مب مقصر معاي في شي ولا عمره جاب سيرتك في شي يضايقني ... توقعو تقول والله انا ما ابي اكلمه وخلاص ... هولا يسلم ولا يسأل صار له شهر

قلت لهاالريال مشغول اسبوعين صارت شهر .... وقعدت تفتح مواضيع مالها معنى .. الصراحه انا انهرت وقعدت اصيح ,,, وقلت لها انا ما اقدر اعيش بالحاله هذي مره انراضي امه ومره نراضيج ما يصير ....

ولااقدراعيش ,,, وانتي ما تبين تكلمين احد غيري انا كأني مو متزوجه ... اذا يريحج خليني اتطلق وخلاص واقعد انا عندج ولا اعيش بالحاله هذي .... ما تبين تكلمينه ولا تبينه يدخل البيت ,,, كل هذا عشان خاتم ,,, ان شاء الله ينحرق الخاتم وساعه الخاتم ....

والصراحه طلعت من البيت وانا قلبي يحترق من تصرفات والدتي حتى قلت لها ما في زوج يخلي زوجته قاعده في بيت اهلها كل يوم العصريه وكل خميس نايمه عندهم .... تقولي والله اذا ما تبين اتقعدين عندنا والله بكيفج ,,,,,:19:
شفتو شي يبط الجبد مثل هالشي ....

وتقولون المووضوع بسيط وسوالف حريم ,,, واذا في حريم مثل امي ما يطوفهم شي وحساسين زياده عن اللزوم .... عشان هالسالفه .. انا زوجي مالنا ذنب .... اخاف زوجي يروح لها مره ثانيه وتعامله معامله مب زينه الصراحه ما بتحمل هالشي ....لأن الموضوع ما يستاهل ياناس ,,,, انا حامل واعصابي كلش ما تتحمل ,, واليوم من طلعت من بيت امي وانا ما وقفت صياح

شاسوي ....افيدوني


عفوا : تعدل العنوان ليكون باللغة العربية الفصحى

يعني ما في حل .... ولا شسالفه :(

حبيبتي

عادي ولا يهمك

شكلعا الوالدة حابة تتدلل عليكي شوي
منيح انك صارحتيها بشعورك طبعا هي داخليا عم بتكابر واكيد عارفه حالها غلطانه وبترجع عن موقفها بس اهم اشي خلي زوجك شوي يبعد عشان ما يصير تصادم وساعتها ما بتعرفي شو ردة فعلو


ماشاء الله عليه زوجك عقله كبير وبفهم واكيد رايح يقدرلك موقفك واكيد لما يشوفك متأثره عشانو رايحه تكبري بعينو

وياما يا عمري رايحه تتعرضي لمشاكل سببها الستات

بس انت هدي شوي ( مش عشانك عشان الي في بطنك :15: ) ترى ولا اشي بيستاهل الزعل يا حلو :23:

نجي
انتي و زوجك اتركوا الوالده حتي تهدي و لكن استمري في زيارتها و دعي زوجك يبعد لفتره و انا اري ان مامتك مكبره الحكايه وايد علي رايكم اهل الخليج.
انا حاسس انكم بتدوروا علي المشكل و تصحوها.
انسي و اتركي الموضوع ولا تعطي احد فرصه فتحه تاني.
الله يوفقكم يارب
د.نبيل

اختى الكريمة
ابقى فى بيتك كم يوم و ريحى اعصابك فى هدة الاتناء كلمى امك على التليفون كم من مرة سامحينى لكن امك مشكلة فى حد داتها زوجك بارك الله فيه لا تدهبى الى بيت اهلك كل يوم حتى لا تتسبى فى احراج لزوجك انت فى غنى عنه استانسى مع زوجك فى بيتك الله يسعدكم يا رب و يسعدنى

والله شا قول لكم ,, اذا امتنعت عن زيارتها راح تكبر الموضوع ويمكن تفهم ان زوجي .... الي ما نعني عن الزياره .. يمكن ازورها مره ثانيه بس مش اليوم ..... لأن اليوم انا تحطمت نفسيا بالنسبه لزوجي يفكران يزورها يوم الجمعه ,,,,

ويا دكتور نبيل صدقني احنا ما ندور المشاكل بس الحموات هم الي يبون المشاكل دايما واعتقد سببها الغيره ....

والله يكون في عوني ..... وتسلمون

اتركي القيل والقال وركزي على زوجك
تعاهديه بالحب والاكرام لانك عرفتي انه رجل وزوج ممتاز يقدر امك
انسي موضوع الخلاف لفترة حتى لا يخرب علاقتك مع زوجك

تحياتي

جني
لا تنسي ان حماتك معتبره انك اخذتي ابنها منها و طبعا لازم تغير الفن انك تكسبيها و تاخديها علي عيبها بدون ان تدققي في كل كلامها و لا افعالها و ده سيسعد زوجك بيكي و شوفي انتي حسيتي بايه لما باس راس مامتك?
لا تجعلي من نفسك خصم لحماتك وا فوتي عليها الفرصه و زوريها و هي هتتغير معك ولا تخبري امك انك بتعمليها كويس لان ده هيزودها غضبا و زوريها و لكن لا تفتحي شيئ معها مما سبق و تكلمي في اشياء اخري
د. نبيل

اقصد انك تتصلين و تقولين انك مريضة و لهدا لم تدهبى اليها كم يوم فقط لا اكتر كونك حامل و تحتاجين الراحة التامة

اشكركم لكم ردودكم الكريمه ...

يااحبائي مشكلتي الحين مش مع ام زوجي ,.المشكله الي كانت مع ام زوجي خلاص .. انتهت ... وانا عرفت كيف اتعامل مع الموضوع ... والحين علاقتنا جيده نوعا ما ... .بس مشكلتي مع امي الحين ... حتى امي صارت ما تبي تكلمني ... والسبب هالمشكله ولأني زعلت ... ياناس المفروض انا الي ازعل من تصرف الوالده مع او بالمعنى الاصح زوجي .. بس ماشفت اي حل او رد والصراحه ما في حل غير ان امتنع عن زياره الوالده كم ... يوم ,,, ولا شفت ردود ثانيه او حل اخر ... ادري اني اثقلت عليكم ... وان هناك مشاكل تستحق اهتمام اكثر مني ... ولكن ماذا افعل ...

تحياتي