|
لنواجه الحقيقة؟
كعادتنا في العمل
اجتماعاتنا وسوالفنا لا تخلو من ذكر الزواج والعنوسة كل من يدلو بدلوه وكل من يقترح الحل اغلب الحلول سبق وان ذكرناها في هذا المنتدى لكن احدى زميلاتي قالت كلمة لازلت اذكرها الى اليوم قالت: (( لا يوجد حل للعنوسة؟؟ والسبب من وجهة نظرها ان اغلب البنات اللواتي لم يتزوجن السبب هو انهن لسن جميلات بل حتى لسن مقبولات كشكل) ومهما وضعنا من حلول لن تنفع في جعل الرجل يقبل على الزواج بمن حظها قليل من الجمال فالرجل او ل ما يبحث عنه هو الجمال طبعا كعادتي كنت اول المعارضين كنت اقووول لها انا اكبر مثال امامك عانس لكني جميلة وانتي من يشهد بذلك قالت لكل قاعدة شواذ وربما حالتك استثنائية لكن الغالبية من العوانس هن من ذوات الجمال القليل تأملت في كلامها وجدته صحيح فأنا لدي بنات عم وخالة عوانس ( قاربن على الاربعين ولم يتزوجن) والله انهن من افضل البنات دين واخلاق وسنع لكن لا احد يلتفت لهن بسبب اشكالهن فعلا ما ذنبها ان تحرم البنت من الزواج بسبب شكلها؟؟؟ وماذا يفعلن؟؟ احدى الخطابات قالت ان البنات اللي عندها من الصعب تزويجهن بسبب اشكالهن فالرجل مهما بلغت فيه العيوب يظل يبحث عن الجمال جتى الرجل المتدين لا يمكن ان يتنازل عن هذا الشرط؟؟ |
ان كنت تعتقدين أنه ليس هناك رجال يبحثون عن التعدد بأخرى ولو كانت غير جميلة ..فأنت مخطئة ..
لي قريب تزوج من كسيحة ثانية ... وصديق آخر تزوج من كفيفة البصر ثانية .. والكثير من الرجال أنا شخصيا أعرفهم يرديدون التعدد للأجر .. |
ما اعتقد ذلك .....الموضوع قسمه ونصيب؟؟
والرسول داعي للغير جميلات .............والله اعلم |
والله فيه شيون وحالتهم صعبه ومتزوجين وفيه غيرهم مو متزوجين صحيح الحلوه ماتطول في بيت أهلها دائماً لكن اللي مو حلوه ممكن تتزوج وممكن تعنس لكن مو كل الشينات مو متزوجات وبعدين مو بس الجمال الاهتمام بالشكل له دور كبير والثقه بعد ..
|
بس تصدقون اكثر الجميلات مو مبخوتات بزواجهن ومايشوفوا جمالهن ازواجهن......
|
والله العظيم اني اعرف شيف مو بس قبيحات ومتزوجات زواجات الهنا واعرف اجمل الجميلات متزوجين زواجات الله يكفينا
ياخاينين يامعقدين يامادري ايش يعني مو شرط ولامقياس يمكن انه سبب من الاسباب لكن مو الكل واذا تعرفين بنات تاخرو بالزواج عشان جمالهم متواضع والله العظيم ان بنات من عائلتي جميلات جدا واجمل مني بكثير والى الان ماجاهم النصيب يعني مكتوب من رب العالمين لكن الواحد ياخذ بالاسباب يعني تهتم الوحده بنفسها من كل شي شكل تعليم ثقافه اداره منزل وتهتم بمن حولها يعني اعرف الكثيرات ماتطلع الوحده من البيت وبعدين تشتكي ماحد تقدم لها ..........طيب كيف يتقدمون لها ناس ماشافوها ولاتكلمو معها الزمن تغير .......اول كل الناس يعرفون بعض الحين شقتين قباله بعض بنفس الدور مايدرون عن جيرانهم من وين يجون العرسان في مثل هذي الحالات من الفضاء ويبقى دعاء رب العالمين اهم الاسباب الله يرزق كل محروم ومحرومه بما يتمنون يارب |
زمن
عجيب |
اقتباس:
لأنه مثل ماقالت ليدي ... اللي حظها قليل من الجمال ...فرصة زواجها اقل ... مدري ليه عند الكل قناعه ان البنت اللي تتواجد في كل مناسبه وكل زواج هي اللي تتزوج فقط ... ومن جهه ثانيه وفي نفس الوقت يقول الزواج قسمه ونصيب .. ماتلاحظون فيه تناقض بالكلام ؟؟؟؟ الي تزوجت هي اللي تواجدت في المناسبات ؟؟؟ والا اللي كتب لها الله النصيب ؟؟؟؟ |
ياحبيبتي لولو
انا قلت الزواج قسمه ونصيب لكن ياخذ الواحد بالاسباب يعني اعقلها وتوكل |
والله احس كلامك صحيح عزيزتي ليدي ...
انا اعرف خمس اخوات ماشاء الله دين واخلاق وسمعه طيبه وشهادات وووظايف قمه ... ولا وحده فيهم تزوجت لأن حظهم من الجمال قليل ... لكن والله ان فكرت فيها احسه خير لي ... لأني لو كنت في غايه الجمال اللي يبي يتزوجني يبغى جمالي فقط .. والجمال كم سنه ويزول وراح يبدا الرجل يبحث عنه في واحده ثانيه والأغلب يرجعني لأهلي علشان الجميله الجديده ماتزعل ...والله خير لي ... اللي مايبي نفسي وروحي ويدور شكلي انا ماابيه اصلا ومستعده اعيش عانس طول عمري وانا اضحك بما ان الرجال طلبهم الأول والأخير الجمال .... |
| الساعة الآن 11:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©