نصيحة متواضعة إلى أخواتي العوانس والمطلقات ......&
 

السلام عليكم ورحمة الله وبركاته .

أحب أن أوجه نصيحة إلى أخواتي المطلقات والعوانس (مع تحفظي على مصطلح عوانس لأنكن ان شاءالله راح تتزوجن بس أهم شيء الصبر والدعاء ).

نصيحتي هي : أول شيء لازمن تعرفن إن الزواج قسمة و نصيب وان الله قسم الأرزاق من قبل لا نخلق وان ما احد ميت إلى وهو اخذ نصيبة كامل ولا احد اخذ نصيب الثاني .

ثانياً: تجنبن الحسد والغيرة إذا شفتن غيركن من أقرانكن متزوجات ومعاهن أولاد وعايشات بسعادة مع أزواجهن لأنه يمكن من سوء نيتك يعاقبك الله بالحرمان من الزواج ومايجيكي نصيب فإذا شفتي وحده مبسوطة مع زوجها ادعي لها بظهر الغيب أن الله يديم عليها السعادة ولا يكدر بينها وبين زوجها وورد في الحديث أن من دعاء للمسلم في ظهر الغيب آمنت الملائكة على دعائة وقالت لك بالمثل أو كما جاء في الحديث النبوي.

ثالثاً : تحلي أختي الكريمة بصفات الإسلام سواء بالمظهر أو المعاملة أو العبادة لأنه إذا عرفو الناس انك خلوقة ومتدينة على طول راح يطمعون فيك الرجال لأنه الوقت هذا الرجال بحاجة إلى زوجات يثقون فيهم ولا تفهمون كلامي إن الوحدة تتدين عشان تتزوج ماهوب تتدين لله بالعكس أنتي التزمي لله والله راح يسهل أمورك ...وانتبهي من إتباع الموضة في كل شيء ولا تكثرين طلعات وروحات للأسواق والمطاعم والمتنزهات لأنه الناس ما راح يخطبون وحده لأولادهم وهي كل يوم حاطه عبايتها على رأسها وطالعة من البيت فلا تصيرين أختي كما جاء في الحديث (خراجة ولاجة ). الزمي بيتك احسلك.

رابعاً : ابتعدي عن ما يثير الشهوات من مسلسلات وأفلام ماجنة وأغاني جذابة لأنها قبل كل شيء حرام ولازم نعتز بديننا عشان الله يعزنا ويرزقنا وثاني شيء راح تتحسرين لأنك ما عندك زوج تفرغين حبك وغرامك له .

وأيضا لا تدخلين المنتديات والمواضيع الخاصة بالزواج وطريقة المعاشرة الزوجية والكلام إلي من هذا القبيل لأنه راح يشوقك أكثر للزواج ويمكن ما قدر الله انك تتزوجين إلى بعد كم سنة فحاولي انك ما تدخلين على المواضيع هاذي إلا بعد ما تتزوجين أو قبل الزواج بشهر على الأقل.

خامساً: غضي البصر عن الرجال سواء بالأسواق أو بالتلفاز لان يمكن تشوف الو حده واحد يعجبها وتتحسر لاهي إلي تقدر تتزوجه ولا هو إلي يبي يرضى فيها وبعدين امشي باعتدال خاصة بالأسواق ولا تخضعي بالقول خصوصا للباعة إلي بالسوق لان كل هذا محسوب عليك قدام الله وقدام خلقه فمو معقول وحده تمشي بالأسواق متبرجة وتكلم هذا وذاك ويبي يجوون الناس يطقون بابها ويخطبونها !!!!

سادسا: انتبهي ياختي إذا جاء لمك احد يخطبك لا توافقين على طول حتى ولو كنتي مطلقة من زمان أو خايفة من شبح العنوسه لازم أختي تسالين عن خطيبك وش هو وايش هي أخلاقه ماهوب الو حده بس تبي الزواج تتزوج أي احد يخطبها يمكن يطلع زوجك هذا مدمن مخدرات والى مريض نفسي وألا عصبي يقوم يضربك ويعذبك ويمكن يخنقك حتى الموت فانتبهي أختي الركاده زينة وكوننك ببيت اهلك ماتزوجتي ابرك لك من زوج يمتهنك ويذلك .:30:

هذه نصا يحي المتواضعة لأخواتي إلي والله العظيم أني كل يوم ادعي لكن وأنا صحيح ما تزوجت لكن الرجل عادي لو ما يتزوج إلا وعمره أربعين لا عنده سن يأس ولاشي ثاني.
بس والله العظيم انه يضيق صدري لا سمعت وحده تطلقت وألا بلغت الثلاثين
--------

اللهم ياحي يا قيوم يارب السماوات والأرض اللهم ارزق أخواتنا المطلقات والعوانس أزواجا صالحين مصلحين وارزقهم اللهم الذرية الصالحة التي تؤمن بك وتعبدك انك على كل شيء قدير


اخي الفاضل
ان شاء الله تكتب كما سبق

شكرا لكي اختي حورية البحر

فانا اهتم للعوانس كثير لاني اعرف مشاعر المراة ماهي مثل الرجل تتحمل وتعبر عن مايدور بصدرها دائما تكتم وتكتم لين يجيلها حالة نفسية.
انا الحمدلله عندي سبع خوات وكلهن متزوجات ومعاهن عيال بس اشوف كثير من معارفنا ماتزوجن ويضيق صدري والله لكن ماقول الا مايرضي ربنا .

جزاك الله خيرا اخي الكريم وحقيقه انت رابع واحد بهذا المنتدى الذي يحس بمشاعر المتاخرات عن الزواج
الكبير
فهد
صاحب راي سديد
واخير قزاز
شكرا لكم اخواني على الأهتمام
وبارك الله فيكم وسدد خطاكم

واخيرا اخي قزاز اسمح لي ان اعلق على نقطه اشرت اليها وهي فيما معنى ان الرجل لا يحب البنت اللي كل يوم طالعه
يا ليت يكونون الشباب عندنا يحبون اللي جالسه، الحين صاير العكس
الحين الشباب يبي بنات ستايل ومتدينه ظاهريا للأسف
البنت اللي تخاف ربها وما تبي معاكسات وما تطلع يسمونها منعزلة وانطوائيه
انا اهل ابي يعاتبوني على عدم ذهابي للسينما
أسال الله رب العرش العظيم ان يرزقني واياك وبنات وشباب المؤمنين الأزواج الصالحين

أخوي مع احترامي الشديد لك ولمشاعرك

نصيحتك الأولى الله يجزاك خير وكل شي نصيب فعلا

* نصيحتك الثانية: تجنبن الحسد والغيرة؟ يعني عشانا تأخرنا بالزواج بنحسد بنغار؟!!

انا اعترف اني أغبط << فرق بين الحسد والغبطة

والله لواني صخر شي اتمناه واشوف نماذج قدام عيوني اكيد بفكر بنفسي!!

مثلكم لو واحد منكم سيارته مدردعة وشاف لكزس مثلا طار عقله صح ولالا؟؟

ولا بس صار الحسد عندنا؟!!!!!! ولا شفتو واحد بأعماركم متزوج وعنده بيت ملك وانت توك ببيت ابوك حتى مهر مامعك!!

نصيحتك الثالثة: والله ياخوي ماراح سجن نفسي كني عصفور بقفص عشان رجل منغلق؟!!

ولو بطلع الحمدالله متسترة وكل شي تمام وش المشكلة؟؟

مرة تقدم لي واحد ويوم عرف ان عندنا سواق علما بأني ماقد ركبت معه لحالي ولاقد ركبت مع خواتي لحالنا لازم الولدة معانا او اخوي

يوم عرف انه عندنا سواق انسحب والله حمدت ربي قلت اشوى ماصار نصيب كان مليون بالمية انفصلنا بعد الزواج!! لازم يكون فيه توافق بين االاثنين!!

والرجال اللي يحبسني في البيت والله ماأتمناه

والنوعية من الرجال هذي قليلة الحمدالله!! كل مارحت سوق شفت متنزوجين اروح مطاعم منتزهات كل مكان اشوفهم

يعني ماظن له علاقة بالزواج ابد!!

نصيحتك الرابعة الله يجزاك خير عليها. والتحسر والتفكير بالزواج ماهو قاصر بس عالمسلسلات والاغاني . المجتمع هو الاساس اشوف قدامي وفي الواقع صور زواجاات!!

نصيحتك الخامسة صدقت فيها

السادسة الركادة زينة؟؟؟ اخوي لاتحسب عشانا متضايقات لتأخرنا معناها بنطيح انفسنا عاللي يسوى واللي مايسوى

بالعكس البنت كل ماكبرت كل مانضج تفكيرها وتدقق أكثر

[صدقتي اخت night2005 الحين الواحد لاشاف البنت محتشمة قال هذي معقده وكئيبة لكن مانقول الا لاحول ولاقوة الابالله بدا الاسلام غريبا وسيعود غريبا فطوبى للغرباء.


الاخت شوبارد انتي يبيلك قعده شوي انتي تقولين:
لا ماقلت انكن راح تحسدن بس انا اقول ابتعدن عن الغيرة ومقدماتهن وبعدين هذي نصيحة يعني الله يوم نهانا ان ناكل الربا هل معناه اننا حنى اهل ربا وجشعين لا بس هذي مبادىء ونصايح تقبليها بصدر رحب لا تتهجمين علينا وكأننا نستهزئبك انك لسا ماتزوجتي.


ياختي انا ماقول اسجني نفسك بالبيت لكن لاتطلعين من البيت الى للضرورة اما كل يوم طالعة للاسواق والا للمتنزهات الي فيها اختلاط اكيد راح تتعرضين للفتنة وبعدين الحين الي ينصح صار منغلق ماسمعتي قول الله تعالى (وقرن في بيوتكن ولاتبرجن تبرج الجاهلية ) اخر زمن صار الي ينصح وخايف على بنات المسلمين منغلق ومتزمت ويمكن يصير ارهابي بعد ........الله يهديك ياشوبارد .

انا ماقلت ان الرجال يحبسك بالبيت تزوجي وبعدين روحي انتي وزوجك للي تبين نصيحتي هذي للي ماتزوجن ارجو ان تكون وصلت المعلومة.

اخيرا اخت شوبارد تحلي بالاخلاق الجميلة وتعلمي ادب الحوار البرىء بعيدا عن الهمز والغمز وايضا اكثري من الاستغفار والتوبة والصلاة والصدقة لانها من مسببات الرزق.

اسال الله الكريم رب العرش العظيم ان يرزقك الزوج الصالح .

أخوي الله يجزاك خير

تحلي بأدب الحوار والأخلاق!!!

ارجو انك تنقتي ألفاظك وتحترم نفسك!!

وعادي انا قبلت وجهة نظرك لكن وضعت وجهة نظري بدون ماأغلط عليك!!

وانا رايي المرأة عادي تطلع تروح تجي لكن متسترة وماقلت طلعاتها مثل الرجل أبدااا لكن تطلع عادي!!

وفعلا فيه رجال منغلقين جدا وفيه متفتحين وفيه محافظين!!

اخوي ملتزم لااغاني لاتلفزيونات ومع ذلك دايم هو وزوجته طلعات شفيها؟!!

وانا ادري انك ناصح ودعيت لك ياخوي وماقلت انك منغلق ابداا!!!!

وعليكي بالتوبة؟؟!! لاحول الله وش قلت انا

من الأدب تقبل وجهات نظر جميع الأطراف وان لم تعجبك تطرح وجهة نظرك دون التمادي والخطأ على الغير !!

والاختلاف في الرأي لايفسد للود قضية!

الله يهديك اخوي

شكرا لكي اخت شوبارد يمكن فهمت غلط انا حقك علي
مافيها شيء بس انا انصح الي مايتزوجن لايكثرن الطلعة
الرسول عليه الصلاة والسلام كان يتوب لله باليوم اكثر من سبعين مره وهو الي مغفور ماتقدم من ذنبه وماتاخر مافيها شيء تجديد التوبة يوميا من صفات الصالحين.
الله يرزقك بابن الحلال الي يخاف الله فيك ويسعدك اللهم امين

اخواتي المطاقات أو العوانس أحب ابشركم إن مو كل متزوجة تغبط بل فيه متزوجات تحمدون ربكم إذا شفتو عيشتهم أو سمعتو عن حياتهم اللي قصر العمر والعيشه ببيت أهلكم على بالكم نها عذاب إلى أن يأتي الزوج المنتظر...أسمحولي اقولكم إنكم غاطانين مو كل رجل يستاهل انك تبكين على تأخره عليك وخصوصا في الوقت الحاضر الأزواج الذين يتحملون المؤوليه ويقدرون الحياة الزوجيه ويفهمون المرءه كما يجب ويحرصون على تربة ابنائهم مثل الشييب بالشعر.... ولاحول ولاقوة إلابالله..... وسلامتكم ..................
......................على فكره انامعلق (معقده من الرجال)......