طفلي يرفض نوعية معينة من الطعام
 

السلام عليكم رحمة الله

عندي طفل له اربع سنوات تقريبا

ومن يوم مابداء الاكل وهو مستحيل يأكل جبن

اي نوع من الجبن سواء سائله او جامده

وكذلك انواع القشطه ،،

يعني فطوره يخلو من هالاشياء حاولت الين ماشاب راسي اني اوكله ورغبته

في اكثر من طريقه لكن دون فايده واذا بالمره ابي اغصبه يروح يستفرغ الله يعزكم

واذا ذاقها بطرف لسانه يبكي ويصارخ ويحاول يرجع ،،

ياليت اللي تعرف بدائل للجبن والقشطه تقولي بس تكون بنفس القيمه الغذائيه ..

ومشكلتي ليتها مقتصره على الجبن بس ،،

حتى انواع الاكل الباقيه هو ياكلها الحمدالله لكن اكله تقول اكل عصفور من يوم وهو صغير

يعني على الغداء اكله مايتجاوز ثلاث الى اربع لقمات ويقول شبعت وبعدين اجي اغصبه

واخليه ياكل احس انه بيستفرغ بس يقاوم ..

لاتقولولي حاولي ترغبينه بطرق انا والله ماخليت طريقه ماسويتها معاه

جبتله صحون اشكال والوان ،، اوكله وهو يتفرج على فلم كرتون مافيه فايده


المهم ماخليت ولاشي ماسويته ،، بصراحه احس انه وهو صغير (( منفوس ))

مادري تعرفون هاكلمه ولالا يعني احد منافس فيه وهو ياكل لانه يقولو

اذا الطفل خاصة احد نافس فيه خلاص مايعود ياكل ..

والله جيراني واهلي اذا شافوه يحسبوني انا مهمله واني متخليه عنه عااد انا ماشا ءالله صحتي زينه

وتخينه شوي لكن هو عصه يقطع القلب ،،

اتمنى ماكون طولت وثقلت عليكم بس والله من القهر اللي فيني

اللي عندها نصيحه ياليت ماتتخلى عني واللي ماعندها يكفيني دعائها لي ولولدي

وجزاكم الله خيرر

هكذا تكتب (ماشاء الله )عزيزتي

أخيتي

إذا كان ابنك طبيعي .. بمعنى

يركض ويلعب مع الأطفال .. وقلة طعامه لا تُـأثر على نشاطه

فلا تجبريه على تناول الطعام .. لأنه يأكل حسب حاجته وحسب حجم معدته .


في حال أنه يتناول الكثير من الحلويات التي يحبها الأطفال

انتبهي لهذه النقطة .. وحاولي أن تجعليها مقننة بكمية قليلة على فترات متباعدة

إذا لم تستطيعي منعه تماماً منها .

لأن هذه الحلويات هي التي تجعل الطفل يرفض الطعام المفيد .


ادخلي إلى غذائه العسل الطبيعي وأشدد على الطبيعي من المحلات المتخصصة لبيع العسل ..

فقد كان هدي النبي صلى الله عليه وسلم

شرب العسل المذاب في الماء .. كأول ما يدخل المعدة صباحاً قبل تناول أي طعام

بمقدار ملعقة عسل أو ملعقة ونصف + كوب ماء

واتركي طفلك يشرب الكمية التي يستسيغها حتى لو كانت كمية قليلة .. لا تجبريه .

وستلاحظين زيادة شهيته إن شاء الله تعالى .

إذا كان يشرب الحليب أو اللبن و الزبادي فهو كافي وبديل مفيد جداً عن الجبنة والقشطة .



لا تجعلي هذه المسألة تشغل هم كبير من اهتمامك .. لأن الطفل سيعاند أكثر ولن يأكل

كلما أجبرتيه على تناول المزيد من الطعام .

أسأل الله أن يوفقك ويعينك ويجعل ابنكِ قرة عين لكِ .

تحياتي .