عائد من السفر وارغب بارائكم(عاجل)
 

اول مره زوجي يسافر عني ومو عارفه وش اسوي بالبيت ابيه ينبهر لما يرجع فتكفون ساعدوني بافكاركم

سوي حفله وفا جئيه فيها بلبس جديد وعطر حلو ومكياج وخللي نفسك ملكه في هااليوم اللي بيرجع فيه زوجك با السلامه ان شا ْ الله واداتبين تفاصيل وافكار حفلات حاضره بس مو الحين لأني بنااااااام تصبحين على خير والله يرجع لك زوجك با السلامه

هلا اختي ام سطام حلو اسم ولدك خخخخخخ فاضيه صح.......المهم ابقولك يلي يحضرني
تملين البيت بالون او شموع ولا كلهن..تغيرين مفرش السرير تعرفين النجوم يلي ينورن لاطفيتي النور حطيهن بالجدار الغرفه.....فيه حركه مره حلوه بس خلي اخوك اواحد يساعدك فيها نومسيه مدري وش تسمونها تركبينها فوق السرير نازل منها تول داير على السريرونازل لين الارض...سوي عصير كوكتيل او طبقات شي ماعمره شافه الاعندك
وانتي لااوصيك اكشخخخي وابدعي بشكلك.....واذا تذكرت شي بقولك

ياجعلكم تسلمون والله يعطيكم الف عافيه واتمنى من البقية المزيد

اليك اختي بعض الأفكار
جيبي أوراق حلوة ملونة واكتبي عليها عبارات غزل مثل, أحبك , مشتاقة لك , غريبة من دونك , بدونك أنا جسد بلا روح , غالي ورجوعك أغلى , ..........وترمينها على الأرض مقلوبة وتكتبين خلف الورقة كلمة اقرأني ..
يعني ترمينها في طريقه من أول ما يدخل لين يوصل باب الغرفة اللي راح تكونين فيها
طبعا قبل يفتح باب الغرفة راح تكونين مجهزة له باقة ورد وكارد مكتوب عليه الحمد لله على السلامة
هو راح ياخذ البوكية ويدخل على أحلى عروسة تنتظره لابسة أحلى لبس وفارشة أجمل مفرش ومتعطرة بأحلى عطر وكل شي جديد طبعا
عندي حركات كثيرة بس أحس انك مليتي
عاااااااد هاه ما اوصيك انتي بعد ابدعي بالافكار



ويارب يوصله لك بالسلامة ويديم عليكم الحب
آمييييييييييين

طبعا غير الشموع والورود والحركات الرومانتيك
والكيكة اللي مكتوب عليها عبارة حلوة

وترى ممكن تغيري بأماكن بعض الأثاث علشان يتغير البيت يعني جيبي معك احد خواتك تساعدك

صدقيني راح ينبهر لما يشوف كل هالتغيير عشانه

ما راح امل من ارائكم بالعكس اتابعها اول باول وجالسه اخطط لها وتسلمووووووووووووووووون واتمنى المزيد (طماعه)
(:

وش دعوه وين البقية يعني ما فيه وحده بتستقبل زوجها الا انا وينكم يابنات حواء ابد ماسافروا رجالكم ولا قد استقبلتوهم
تصبروا معي بيجي بعد بكره واليوم اخر فرصه لتنفيذ الافكار

حاولي تغيري من شكل البيت حتى لو ما غيرتي الاثاث بس بلمستك الجميله واهم شئ غرفة النوم حاولي تكون غير شقلبيها فوق تحت وغيري اماكن الاشياء جيبي لك كم طقم حلوين للسرير وكمان لبس اقل شئ حق اسبوع وهو يشوفك جديده ويحس بالفرق وبيوم جيته خلي كل شئ جديد حتى صحون الاكل اللي بياكل فيها تكون جديده وطبعا ماتنسي الاكل اللي يحبه واصناف جديده
؟أسفه طولت عليك بس احاول اساعد الله يعينك ويوفقك