|
لكل من تظن بأنه تأخر زواجها...لديها فرصه..
السلام عليكم ورحمة الله وبركاته
اخواتي..حبيباتي..والله اني اشوفكم مثل اخواتي ..واحبكم في الله ..واتمنى لكم الخير دايماً.. عندي اقتراح خاص لكم وودي اعرف رأيكم بصراحه...وايللي بيناسبها ياريت تسعى فيه ..ولا تخجل منه ..لأنه لمصلحتها.. حبيباتي.....الكل يعرف انه فيه مؤسسات خيريه لإستقبال طلبات الزواج وجمع راسين في الحلال ... ايش رايكم كل وحده منكم تتشجع وتقدم طلبها بمواصفات الزوج ايللي تتمناه ...بس ماتبالغ..(لأنه فيه أشياء صعبه او مستحيله..)يعني خليها في حدود الدين.. والاخلاق.. وحسن الخلقه.. ويمكن تقولولي عيب ..او نستحي ..او صعبه ..اوكيف انا بنت واخطب لنفسي.... لاكن والله مافيها شي انتي تعملي بالسبب وكله باذن الله ... ويمكن تقولولي ..لو بكره حصل نصيب وحصلت مشاكل بيستهين فيك ..ويقلل من قيمتك ..ويهينك..ومايفكر فيك ..لأنك انتي من تقدم بالطلب...وانتي من خطب.. بقولك لا والله ...لو احسنتي اختيار الزوج الصالح ..العاقل..المتدين...والله مايمسك بسوء لأنه يخاف الله فيك...وياما ناس تزوجوا بهذي الطريقه ..وعايشين أحلى ايامهم مع بعض ..مو احسن من ايللي اهله يختارو له عروسته ..وهي يطلب يدها عريسها ..وبعد الزواج مايكونو متفقين ...وتكون حياتهم عذاب وبعدها يمكن طلاق.. ولا تقولولي انه مافيه في هذي المؤسسات من طالبي الزواج من( الرجال طبعاً )إلا واحد حالته الماديه تعبانه ..او مافي وحده قابله فيه..اوفيه عيوب...اوبس يبغى وحده يتمتع فيها وبعدين يرميها..او..او..او.. بأقول لكم انا سمعت وقريت عن ناس حالهم كويس..لا وكمان ناس على مستوى عالي من الناحيه العلميه والماديه ..وكمان حسب ونسب..يكتبوا طلباتهم عن طريق هذه المؤسسات ... اخواتي في الله والله ماكتبت هذا الكلام وما اقترحت عليكم هذا الاقتراح الا حباً فيكم ..وأملاً لمصلحتكم.. وانتو لسى ماوصلتو لمرحلة العنوسه(ان شاء الله)..والحياه قدامكم ..الله يطول اعماركم في الطاعات.. وفي ظل أزواج صالحين ..وابناء باريين........... وسامحوني اذا اخطأت في حقكم..والله يوفقكم دنيا وآخره....ولاتنسوا تدعولي... اختكم في الله |
جزاك الله الف خير اخي الكريم
والله كلامك مثل البلسم على الجرح .... بالنسبه لي الخطاب موجودين الحمد لله ... لكن المشكله ان اهلهم وحتى الشباب انفسهم يقوولون في الأول ان ماعندهم شروط .... ولاهمنا الا صاحبه الأخلاق والدين ..... وبعد الرؤيه الشرعيه يتراجعون ومانعرف ايش السبب ..... انا مااملك الجمال المطلوب لشباب اليوم ... لكني مقبوله الشكل مافيني عيوب كبيره الحمد لله .....يعني تطلع الشروط بعد مايتسلون بمشاعري .... الله يسامحهم ... لكني فكرت في اقتراحك من قبل ونفسي اتجرأ واجرب .... على الأقل القى شاب بسيط ماعنده شروط صعبه مثل الي يتقدمون لي .... لكني ماني عارفه طريق الجمعيات الخيريه هذي ولا اسماءها ولا ارقامها ولا كيف القى طريقي لها ولا حتى الموضوع كيف ممكن يتم .... اتمني القى طرف خيط للموضوع هذا .... وجزاك الله الف خير اخي الكريم .... |
اسألوا عن جمعية بن باز رحمة الله عليه
بإذن الله راح توفقوا طبت حيا وميتا يا ابن باز |
شكراً لكى اختى على اهتمامك وحبك :22:
انا معك فان تقديم الطلب فرصه لكل من تاخر زواجها ...... وانا فعلاً قد فعلت .... ولكنى لم اقدمه لجمعيه او خاطبه بل قدمته للواحد القهار الذى بيده الخير كله وهو على كل شئ قدير .... وانا واثقه من انه سيعطينى اكثر مما استحق. ولك شكرى وحبى عزيزتى:) |
اقتباس:
غاليتي ثقي تمام الثقه بأنك جميله ..وانه كل ايللي تقدمو لك مالك نصيب معاهم..وان شاء الله يجيك من يستاهلك..ويشيلك فوق راسه..واذا عن الجمعيات الخيريه هذي ....والله نفسي اخدمك بعيوني واجيب لك تلفوناتها وعناوينها..لاكن والله ماأعرف منها غير اسماء 2منهم وهي(مشروع ابن باز..الله يرحمه.,والمشروع الخيري لمساعدة الشباب على الزواج وهذا كمان ماني متأكده يقدمو هذي الخدمه والا لا..)...وحبيت اني اقولكم على هذا الإقتراح حتى تستفيدوا منه..والله يرزقك الزوج الصالح... شاكره مرورك ومشاركتك |
اقتباس:
شاكره مرورك وشاركتك |
اقتباس:
ونٍـــعم بالله ....عليك بالدعاء اختي الغاليه ...وثقي بالله الكريم المنًــان عسى ان يمُن عليك بالزوج الصالح ... الف شكر على مشاركتك |
الله يجزاك خير اختي الساعة كم على مشاعرك ويسعدك
الفكرة صح محرجة جداا بس عاد الشكوى لله وعادي ماهو شرط الرجل يهين زوجته و وووووو لأن يمكن الوحدة تدق على الجمعية وتعطيه اكثر من اسم والبنات مايعرفون انا اعرف مشروع بن باز ومرة متعاونين بس مافيه قسم نسائي انا سمعت معلومات عن المشروع من الموظف وارتبكت مرة شلون لو بقوله عني!!!!!! مافي أمل!! ادق وحدةمن صديقاتي أعطته معلومات عنها ومابين فترة وفترة تدق وتسأل والموظف يقولها فلان يشتغل كذا و كذا وبعده تدق ويقول فلان كذا وهكذا.... تخيلو؟ والله احسها شينة بحقنا لو نسويها. انا صراحة لما بس دقيت استفسر. وسكرت السماعة جتني ضيييييييقة قلت الله يالدنيا ياشوبارد من داقة عليه!!! والله ياأختي فلانة شافتني بمكان وانخطبت وفلانة شافتني بالداوم وانخطبت وفلانة سمعت عني ووانخطبت وووووو وماصار نصيب لو صار اللي صار ولو حطيت اسمي عند الجمعية ولو ماحطيته ماراح يصير اللي الا اللي ربي كاتبه ^ ^ ادري كلامي مناقض لبعض.. لأني فعلا معك وضدك شوي!! |
اقتباس:
والله لا يوجد رجل فيه كل المواصفات(حالهم كويس..لا وكمان ناس على مستوى عالي من الناحيه العلميه والماديه ..وكمان حسب ونسب) ويتقدم للخطبة عن طريق هذه المؤسسات انا اتكلم عن واقع انا عايشته ولم اترك مؤسسة خيرية ولجان زواج الا وطرقت بابها لايوجد عندهم الا اردى اردى الناس لا شكل ولا مستوى علمي ولا مادي وفوق هذا متزوج ويدور زواج دون علم زوجته؟؟؟؟؟؟؟؟ واذا قلت له لازم علم الزوجة حتى لا يتحول الى زواج بالسر قال مع السلامة فيه الف وحدة غيرك؟؟؟وعذره انه يراعي شعور زوجته ولا يريد مشاكل معها؟؟؟ الى الان لم اجد من يبحث عن زواج علني؟؟؟ اغلب المتقدمين متزوجين يبحثون عن هذا النوع من الزواج
|
اقتباس:
حبيبتي ...صادقه والله لو ايش يصير ماتآخذي الا ايللي ربي كاتبه لك...بس انا أقول اعملي بالسبب...ويمكن تتوفقي ان شاء الله ويجيك نصيبك... وانا والله العظيم ما اقترحت عليكم هذا الشي الا حباً لكم ولمصلحتكم... والله يرزقك الزوج الصالح يارب ...ويسعدك دنيا وآخره شاكره مرورك ومشاركتك |
| الساعة الآن 08:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
