|
ما هو القرارالصائب؟؟؟؟
بسم الله الرحمن الرحيم انا بصراحه من المتابعين للمنتدى الأكثر من رائع و هاذي اول مشاركه لي فيه الموضوع باختصار اني مخطوبه لولد عمتى من سنتين و كان هاذا التأجيل مني عشان الدراسه على ان زواجي يكون هالصيف بس الوضع تغير ارسلي خالته و تكون عمتي بنفس الوقت تقول انه يبي رايك عشان يأجل الزواج و يقول هو عادي عنده و ما تفرق معاه>>>>قهرتني هالكلمه:mad: قلت اني ما اقدر اقرر من دون راي الوالد هو الي يقرر و يتفاهم معاه الوالد مرررة مشغول و ماكلمه.. يعني انا ضايعه هل اأجل الزواج او اخليه هالصيف مع انه ماودة>>>>>>هاذا الي انا فاهمته الصيف قرب و انا مرررررة مشغوله في الدراسه يعني ما عندي وقت و تعبت من الوالد و انا اقول له خلص الموضوع عشان اشوف وش وضعي... ولا شي تغير سؤالي: هل اكلم عمتي و اقول لها خلاص بأجله و لا وش اسوي مرررة ضايعه ..... ابغى رايكم مع العلم باقيلي سنتين عشان اخلص دراستي و تخصصي مرة صعب |
لأي حين سيكون التأجيل ؟
وما سببه ؟ ثم لم هذه الوساطات ؟ لم لا يكون الاتفاق على موعد الزفاف بينك وبين زوجك ؟ هي حياتكما وأنتما أفضل من يقرر لا الأهل |
لتأجيل راح يكون لين الصيف الجاي
اما بالنسبه للسبب ما فيه سبب مقنع يقول عشان يستقر هو راتبه مرة كويس و لا شي ناقصه..... هذا الي مخوفني و الواسطات هاذي لأني مخطوبه بس بدو ن ملكه (عقد قران) ما اقدر اكلمه الواسطه هي الحل الوحيد هل اقرر من دون الوالد ولا غلط انا لازم احدد هل راح يكون زواجي هالصيف او الي بعدة في هالمدةلأني مرة مضغوطه محتاااااااجه لأرائكم......... |
رأيي خير الأمور الوسط
اقترحي على أهلك أن تكون الملكة في هذا الصيف والزواج ليكن إلى أجل غير مسمى انتهزوا فرصة الإجازات العيد الحج بين الفصلين *** وهناك أمر استغربه هل ستتزوجين دون تعارف في فترة الملكة يسبق الزواج ؟ *** أما اتخاذ القرار دون استشارة الوالد فهذا كان مقصدي إن كنتما زوجين شرعين ولستما مخطوبين فقط أما والحال هكذا فلا بالطبع وألف لا *** أما سبب التأجيل فبعد الملكة تنجلي أمامك كل السحب ما رأيك ؟ هل يناسبك هذا الاقتراح ؟ *** الله يوفقك يارب ويسعدك |
إذا كان سبب التأجيل مقنع ومن أجل مصلحتكم فما المانع ..
أفضل من أن يتم وتجدي بعدها بعض المعوقات أو المشاكل لا قدر الله .. ولا أعتقد أن عمتك وخالتك في نفس الوقت تكره لكِ ولإبنها الخير .. |
اقتباس:
اختي الكريمة بما انكِ اخبرتِ عمتك انكِ ستخبرين والدك فلا أرى من المناسب ان تعودي لتخبريها بنفسك عن قرارك لان الامر سيبدو وكأنك تجاوزت والدك او همّشتِ دوره . كل ما عليك هو الصبر الى ان تتحدثي الى والدك وتخبريه وتتناقشي معه في موضوعك وبعد ان تتوصلا الى قرار فليخبر هو عمتك بذلك القرار . |
ما فيه ملكه الا قبل الزواج ب3 شهور اكثر من كذا اهلي ما يرضون و بالنسبه للتأجيل راح أجل الزواج ما راح اكون متحمسه و هو عادي عنده المشكله الناس الي حولي يا كثر ما يسألوني ليش توكم ما تزوجتوا وش ناقصكم و من هالكلام...... بالنسبه للوالد الله يهديه هو مشغول لدرجه يحس ان الموضوع عادي لو ما يتناقش قيه الا قبل الزواج بشهر اما بالنسبه لي صعب لازم اعرف وش راح أرسي عليه قبل فترة اكثر من كذا عشان يمدي على التجهيز البتول....... كلامك صح بس انا مالي الا عمتي عشان تخلص لي الموضوع الوالد مستحيل مو فاضيلي ................... كلامك صح و هذا الي مخليني اتردد ما ودي اسوي شي من وراه ابحاول و الله يسهل........ مشكورين و ماقصرتوا و ما تخيلون وشلون ريحتوني بهالكلام اشكركم مرة اخرى |
استخيري أولاً
ثم إن ارتحت للتأجيل فأجلي وذاك أفضل ثم استغلي الإجازة الصيفية للتجهيز اشتري مستلزماتك التي لا تخضع للموضة اضمني بعض الأغراض ولا تتكلي على تحديد الموعد حتى إن فاجئوك وجدوك مستعدة *** وأخيراً تجاهلي الموضوع تماماً وكأنه لا يعنيك واهتمي باختباراتك واتركي تحديد الموعد على الأهل *** الله يوفقك يارب ويسعدك |
هذا اللي راح اسويه مشكووووووورة يا عبير الأحلام
الله يكتب الي فيه الخيره |
| الساعة الآن 02:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©