منتدى عالم الأسرة والمجتمع - الله يخليكم ارشدوني انا في حيرة

أنا متزوجة ولي اثني عشر سنة عندي أربعة أطفال والخامس في الطريق
حياتي الزوجية مستقرة وسعيدة والحمدلله لدرجة إني اشعر بأن من حولي يحسدني بل الحقيقة وليس شعور
متفانية في إرضاء زوجي
لكن يغير الله من حال الى حال
مشكلتي قبل أسبوعين كان زوجي جواله ناسيه فأتت رساله فيها تفعيل عضوية موقع زواج المسيار قرأت الرسالة وأنا مستبعده انه يكون مسجل قلت جايه بالخطأ وبعدين لما جا مثلت عليه إني زعلت من الرسالة وتفاجئت برده يقول ما عليش حب استطلاع وأنا الموقع قالي عليه أحد زملاء العمل ومافيها شي اذا الواحد ما يبغا يزعل زوجته ويتزوج عليها الثانية هذي المسيار تكفي يوم ويومين في الشهر انا ذهلت لأني اول ماشفت الرسالة استبعدتها عنه وأقول أنها جايته بالغلط لدرجة اني كنت أتريق عليه بداية حملي لان في حملي هذ ا تعبني الوحم وأقول أتزوج مسيار ويقول أعوذ بالله ومن ها لكلام وغير كذا كلامه عن الزوجة الثانية إذا دار بينا حديث عنها يقولي لو مدري ايش لا يمكن إني أتزوج عليك ويقول إن زملائه وعيال عمه إذا جابوا سيرة الزواج الثاني يقول لهم إني مستحيل أتزوج عليها
فأنا من كثر ما اسمع كلامه ذا خلاني اكذب عيوني وأقول الرسالة جايه بالغلط وانه بتاتاُ مستبعده هذا الموضوع عنه من خلال كلامه معي اذا جا سية زواج ثاني او اي احد متزوج على مرته ..المهم بعد رده علي قلت وش اللي نقصته عليك ؟
قالي بالعكس انك مكمله ومن ها لكلام ....وانه شهوته قوية ورغبة في التغيير وانأ حالي حال الرجال اللي من حولي
بعد كلامه ذا ما قدرت امسك نفسي لدرجت إني انفجرت بكاء وصراخ من غير شعور وعيالي حسوا فيني وكانوا مفجوعين من ما حصل .. فحاول انه يهديني ويقول إذا كان هذا لموضوع يضايقك أنا ماني مافكر فيه وبانساه علشانك .. رديت عليه إني أريد أن انسحب من حياتك والله يستر عليك لأني لايمكن إني أقف عقبه بينك وبين ما تريد ولا يمكن إني ارضي بأن هذا الشيء يصير
بعد كلامي له زعل وقال لو على موتي ما راح افرط فيك
بصراحة بعد الكلام اللي دار بينا قلت له خلاص انا باحاول إني انسي الموضوع بناءً على طلبه وأنا في قرارة نفسي زعل وحقد على الرجال أجمعين
لأني أحس اني قدمته على نفسي وعلى عيالي وكان حبي له أحس ماله وصف أيضا محاولتي إرضائه والتجديد بالأفكار اللي أقرأ عنها أو أسمع عنها ومساعدتي له ماديا في شؤؤن المنزل وفي مشاريعه
والله ذلك الأسبوع اللي حصلت فيها الحادثة كانت ثقيله علي لم أذق وأهنأ لطعم النوم طبعا من غير ما يحس أو يشعر وكنت أحاول إني انسي وكنت أشاور نفسي هل اكتب لكم وأطلب توجيهاتكم أم ماذا أفعل لأن طيلة الأسبوع كنت متوترة وعصبية أمام أبنائي وضايق خلقي لدرجة إن بنتي الكبيرة حست إن في شي وكل شوي تسألني لأن دموعي ماجفت ..
طبعاُ أمام السيد ماأبين أن في شي ..
لكن قررت إني أنسى اللي حصل الأمر وقلت خلاص احاول ابعد الأفكار والوساوس عن راسي وهو مو أول واحد يفكر ولا أخر واحد .

المشكلة البارحةوعلشان كذا قلت مالي الا الله ثم انتم لازم "اكتب وأفضفض واستشير بأخواتي واخوتي " شفت بريده الإلكتروني مراسله موقع زوجه انه فيه تفعيل العضوية أنا خلاص صعقت كان هو يشاهد التلفزيون وأنا محتارة هل أواجهه بالرسالة أم ماذا أفعل أنا ما تحملت وريته الصفحة وقعدت أبكي وأترجاه انه يطلقني وقلتله انك مادام الفكرة إلى الآن الفكرة في راسك أرجوك إنا نتفا رق بالمعروف والطيب لأنه مومعقول قبل أسبوعين منتهين من الموضوع وقعد يحلف انه موقصده بس كذا وانه سجل في هذا الموقع وقت تسجيله في الموقع الآخر اللي من أسبوعين وتوه يجي تفعيل العضوية "يعني صحيح كلامه انا اللي اعرفه إن التفعيل يجي بعد التسجيل مباشرة" لكن انا خلاص انهرت وقعدت ابكي بكاء شديد حسيت انه أتأثر منه ويحاول انه يراضيني ويقول انه مو ناقصة أي شي بس تجديد قلتله ياحبيبي زواج الثاني ارحم عندي من المسيار وأنا ماني إنسانه زيك لها أحاسيس ومشاعر على الأقل عوض أيامنا الأولى اللي كان فيها عقلك متحجر ماتحب لاروحات ولاجيات وكنت راضيه بهذا الوضع علشانك على إني كنت اسمع من قريباتي وأخواتي وأخواتك واللي حولي كل وحده وين تخرج مع زوجها للمطاعم والمنتزهات وكله هذا ما أثر فيني علشان رضاك رغم صغر سني . بس كان تفكيري منصب في راحتك واللي ما يضايقك . بصراحة كل ما تذكر أيامي تلك أحس بألم بعد معرفتي لنمط تفكيره انه وده يغير ويجدد" استمريت ابكي وهو يحاول انه يراضيني لدرجة" انه قال تبغيني اسلم على رجولك وترضين عني سلمت وتكفين عن البكاء وتنسين الأمر" المفروض اني ماقول كلامه هذا هنا بس انا في حيرة يعني اصدقه ولا لا احس يوم قالي هالكلام انه صادق وحتى كني لاحظت عيونه حمرت والله أعلم لأني ماحاول أطالع فيه وحتى ما نام الا ان انام معه طبعا كيف يجيني النوم خليته الى ان نام وقمت والله الى وقتي هذا وانا ماني قادره انام يعني انا يوم اشوف تصرفه هذا احس اني ماهنت عليه
وعلى حسب سمعي بعض الرجال ماهمته حرمته زعلت ولالا اذا فتح سيرة الزواج معها
يعني انا محتارة

هل انسى ولا لا

يقول المثل ضربتين في الراس توجع

أرجوكم أرشدوني ماذا أفعل انا بيني وبين نفسي إني ودي إذا ولدت وخلصت الأربعين واعزمه في فندق عزيمة تعويض أعوضه عن أيام الوحم لأني في حملي هذااول مره يجيني وحم متعب وأحس اني قصرت معه ووداع اتفاهم فيها اني احاول معه اني انسحب من حياته واخذ عيالي واسكن عند أهلي واربيهم لأني ماني ماتصور أني استمر معه أحس إني انجرحت وانطعنت وأي كلمه حلوه يقولها او فعل احس إنها كذب وزيف

ماعليش طفشتكم بالموضوع الطويل بس والله والله والله الذي لااله الا هوماجعلني اكتب إلا ودي افضفض عن نفسي لأني ما حب أقول أي شي يحصل بيني وبين زوجي للأحد من أخواتي او أمي
والله إني حيرانة ارجوكم ارشدوني وادعولي

.................................................. .................................................. .............

رفقاُ بقلبي أيتها الأقدار ...فاءن قلبي ضعيف لايتحمل الأخطار
فمن المؤلم أن تحب بصدق...وتخلص بصدق ...وتقدم التضحية بصدق.
فتنصدم بنهاية .تخذل كل الصدق الذي قدمته...
ولكن سأرحل ..سأرحل...
وأترك الذكريات الماضية واليالي الدافئة ..
سأرحل لكن لن أنساك ...نعم مستحيل أنساك.