|
أختي والخاطب الجديد
اخواتي و أخواني أضع بين أيديكم مشكلة اختي .. وهذا ما تقوله على لسانها لم أجد إلا هذا المنتدى الرائع حتى أسطر فيه كلماتها .. لأنها تعبانه ومتعبتني معاها :29: أتمنى منكم النصح لها .. وماهي آرائكم حول ما حصل لها السلام عليكم ورحمة الله وبركاته عندي مشكله مضايقتني وااااايد .. مادري هي مشكله أو لأ .. مادري انا مكبره الموضوع و لا هو كبير المهم اني أبي أرتاح وبالي يصفى و يهدى لإني متضايقه وايد فوق ما تتصورون من كم أسبوع صديقة أختي الكبيره اتصلت عليها و قالت انها تبيني لإبن اختها اختي بلغتني .. وانا ما عطيت اختي رد لأني ماأعرف عنه إلا أمور سطحيه من اختي يعني أعرف دراسته وشغله وقبيلته و هالسوالف بس وكان يهمني وايد أتطمن لأخلاقه ودينه طبعا المهم اختي قالتلي انا بوصي ناس يسألون عنه زين وانتي استخيري ربك ما كذبت خبر قمت أستخير يوميا وكل ماأقدر لمدة أسبوع تقريبا وكنت كل ما أستخير وأنام أصحى مرتاحه كثير وبمره من المرات صحيت وانا مبتسمه وقلبي منشرح كثييييييييييييير لدرجة اني تفاجأت من نفسي لأنها أول مره تصيرلي بعد كذا اختي قالتلي الشاب يبي يشوفك .. وبالفعل تحدد اليوم اللي يشوفني فيه وانا كان كل ظني اننا بنشوف بعض من بعيد مو أكثر وتنتهي السالفه بس لما شافني كانت خالته معاه وانا معاي اختي .. أصر يكلمني ويسولف وياي رفضت وايد بس اختي قامت تهديني وقالتلي كلميه دقيقه شوفي ايش يبي وسووا فيني مقلب .. اختي و خالته راحوا وخلوني محتاسه وياه كنا بمكان عام انا طبعا ماني قادره أرفع راسي و لا أتكلم وهو بعد مستحي وهو يكلمني قام يسألني عن أحوالي ووين أدرس ومن هالكلام وحاول ينكت عشان يطري الجو بس انا أبتسم شوي وأسكت .. ما نطقت إلا كم كلمه قلتله بروح خلاص .. هم 5 دقايق وهربت بسرعه مالحق يسلم علي اليوم الثاني الصباح أول ما قمنا اتصلت خالته على اختي تقولها الولد يبي يكلمها بالتلفون انا رفضت قلتلها ما أقدر وما أبي .. اختي قالتلها خليه يتصل عليها ويكلمني من تلفونها وبالفعل اتصل وقعد يسولف تقريبا ساعتين وانا كنت وايد مستحيه وماني قادره أتكلم قاللي يبي يشوفني بروحي قلتله مستحيل طبعا ( حسيت يبي يختبرني) كذا أو كذا مستحيل أشوفه من ورا أهلي المهم هو ما سكر الخط إلا لما احد دخل عليه الغرفه واضطر يسكر وقاللي أبي اتصل مره ثانيه بس انا قعدت أفكر وأدور كلامه براسي واليوم الثاني الصباح رسلتله مسج وقلتله اني حاسه انه متردد تجاهي واني ما راح أقدر أكلمه من ورا أهلي وقلتله انسى الموضوع لأني بالفعل حسيت انه متردد تجاهي .. مادري ليش رغم ان خالته بعد ما شافني قالت لأختي ان والدته تبي تشوفني و تتعرف علينا يعني كان واضح من كلامها انه هو وأهله مرتاحين من ناحيتي بس لما كلمني حسيت كأنه استجواب .. كان بس يسألني أسأله عاديه و لا قاللي حتى انه أعجب فيني مع اني الحمدلله خلوقه ومتدينه و جميله بشهادة الكل انا بصراحه ماني عارفه نفسي موافقه أو رافضه رفم اني صليت استخاره يعني أخواني سألوا عنه وطلع شخص محترم كثير وماعليه كلام حاسه انه مناسب من كل النواحي الحين هو بعد ما رسلته المسج .. رسلي يعتذر .. يظن اني زعلانه لأنه ما اتصل علي بالليل ويقولي انه لما كلمني ما كان قصده إلا انه يعرفني أكثر بس انا ماني زعلانه ورسلتله مسج قلتله مافي داعي للإعتذار واني أنام بدري وماكنت منتظره اتصاله (بالفعل هذي الحقيقه) وقلتله دامك متردد انسى السالفه وامسح الرقم .. وبسسسس انا أبيه ياخذ قرار .. قلتله ما راح أكلمك من ورا أهلي .. المهم هو من يومها لا حس و لا خبر صارله يومين وخالته لا اتصلت في أختي و لا شي مادري وش معنى هالتصرف!!!!!!!!!!!!!!!!!! انا حاسه واااايد متضايقه ومتلخبطه انصحوني وفسرولي ايش اللي يصير ليش انا حسيت اني مرتاحه بعد الإستخاره؟؟ وليش صار كذا تكفون تعبانه وايد!! :( اعذروني على الإطاله هذا كلامها أحطه بين ايدكم .. وأملي فيكم كبير انكم تطلعوها من اللي هي فيه |
أختي الكريمة الأستخارة عظيمة والحمد لله مادام إستخرتي وتوكلتي على الله فهو حسبه
لكن الكلام والمقابلة من وراء الأهل هذا لايجوز ولا تفتحين مجال لنفسك لكن إنتضري رده وإن شاء الله خير والله يوفق |
اخي/ اختي مستوى عالي
أشكرك على ردك .. وهي بعد ما ودها تفتح هالمجال و صدته على طول ........................... في انتظار باقي الأخوات و الأخوان |
اختي هل انت محجبة !!
كيف شافك في مكان عام ؟؟ |
أيوه طبعا محجبه بس مو منقبه
يا أخوي مو هذا الموضوع ليش تلتفتون لأمور ثانيه وتنسون المقصد الأساسي من طرحي لمشكلة أختي أتمنى التفاعل الجاد وأشكرك |
يمكن هو يبغي يتعرف على شخصيتك ويعرف طبعك قبل ماياخذ قرار ويريد يعرف عنك كل شي وعن اسلوبك و
طبعك يعني يبغي ياخذ انطباع عنك ويتعرف عليكي .......... المفروض وحده من اهله تكون تعرفك وتقوله عنك كل شي |
أختي الغالية دامج استخرتي فإلي الله كاتبيه بيصير واكيد بيكون خير لج صدقيني .. بالتوفيق
|
أخوي ضاحي وانا أقولها كذا بعد .. يمكن يبي فتره يشاور نفسه ويسأل أكثر
ويمكن يبي يستخير .. بس هي صايره متوتره كثير .. الله يعينها مشكور أخوي اختي fajer202 والله ردك يبرد على القلب .. مشكوره |
السلام عليكم
اختي الكريمة الاستخارة هس كل شئ .... دام هي استخارت وارتاحت ما عليها الان هي ان توصيه ايضا يستخير ولا تتحير ؟.؟ ثاني شئ هو اذا أراد يتعرف عليها من دون علم اهلها ؟؟؟؟؟ فهذا غلط كبير يعني يتعرف عليها في وجود الاهل يعني ما تكون خلوة وتفتح له فرصة ترى شبابنا اليوم الله يهدي الجميع يريدون يتعرفون على زوجاتهم ...لكي لا يلقي اللوم على احد ؟؟؟ لذا اذا رادت اختك وفقها الله ان تفتح له المجال ويتعرف عليها وهي ايضا تتعرف عليه ما فيه مشكل يعني هذا جد يجب ان يبنى على الجد .... انا ايضا لما اريد خطبة وحدة ضروري ارسل امي اختي كل واحد يقول رأيه لكن الرأي هو رأي يعني ايضا اريد اتعرف عليها واكلمها سواء بالهاتف او مباشرة واحسن مباشرة ؟؟؟؟؟؟؟؟؟ مع وجود اخوها لا اختها ؟؟ وفق الله الجميع وان شاء الله نسمع عن اختك اخبار سااارة يا رب |
أشكرك أخوي ismail86
هو لما كلمها قالها أبي انا وانتي نتفق بروحنا .. ونقرر .. ما يبي تدخل الأهل انت تقول خليها تطلب منه يستخير .. بس هم ما صار بينهم كلام من آخر مسج رسلته هي اختي تقول دام انه ما رد يمكن يكون هون خلاص أو زعل .. مادري عنها والله عييييت وياها .. متوتره وعصبيه على طول بسبب هالموضوع وبصراحه ما ندري هالشاب وش نيته بالضبط الله يستر بس |
| الساعة الآن 04:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©