|
حدث خلاف بيني وبين خطيبي
السلام عليكم شخباركم عساكم بخير ..... انا بدش في الموضوع بدون مقدمات لان حاسه نفسي قاعده ارجف وانا اكتب لكم تهاوشت مع خطيبي امس وكلمنا بعض تقريبا 10 دقايق واهو طول الوقت ساكت تكلمت معاه مايعطيني اهتمام وكمان ظل ساكت اهو مو زعلان لكن هذا طبعه بعض الاحيان قلت له بسكر لانك مو راضي تتكلم >> كل يوم في الاسبوع تكون هذي سالفتنا المهم العاده يقول لي لا لاتسكرين هذي المره الوضع اختلف قالي اوكي تصبحين على خير (------) ومع السلامه انا انصدمت وظليت طول الليل ابكي ضرب لي مسكول مارديت عليه من القهر وسكرت تلفوني لين الظهر الساعه وحده ، شفته مطرش لي مسج مكتوب فيه فتحي التلفون بليز والله اذا صادني شي بكون انتي السبب ... انا لما قريت المسج ماقدرت اوقف على رجلي حسيت فيها ترجف حيييييييييل ،/ ولما اتصلت شفته مسكرت تلفونه ولله بمووووت مدري شو اسوي , |
ما تخافي اختي
ان شاء الله كوول شي بخير يمكن يدلع شوي حتى تحسي بالذنب |
حبيبتي لمسات هدي بالج ومايحتاي تسوين كل ذي نطري عليه شوي
وصدقيني بيفتح الجوال وبتكلمينه ماعليج حبيبتي هو يتغلى مو أكثر فلاتحاتين يعني مثلا وشو راح يصير فيه ؟ هدي بالج فديتج وماراح يصير الا كل خير واذا دق عليج انتي كلميه بأسلوب حلو وفيها حنيه على شوية حجي حلو وصدقيني بيرضى وبالتووفيق فديتج |
اختي الكريمه لمسات ناعمه
كثير من الفتيات يقعون بهذا الخطأ هو رجل وله احترامه وشخصيته وكرامته , هل من الادب اغلاق الهاتف في وجهه ؟ ما اكثر الفتيات الذين يعملون مثلكِ ويصبر عليهم خطيبهم ثم يمل منهم ويتخلص بعد ان يفقد صبره الرجل يتزوج وينتظر من زوجته رشيده ( عاقله ) تحسن التصرف في الازمات والشدات ولا يردها تهرب من المشكله من غير حل وانتِ باغلاقكِ للهاتف النقال تتهربي من المشكله وهذا يسبب له نفور وازعاج شديد قد يشعر بتكرر هذا الفعل ان زوجتي لا تفهمني ولا استطيع الاستمرار معها وستجلب لي المتاعب اعملي له مسج وعتذري منه واذا فتح الهاتف ووجد اعتذاركِ سيتصل بكِ ولا تكرري هذا الفعل يا أختي وانصح كل اخت في النتدى ان لا تفعل هذا الفعل ( اعقلــــــــــــــــــــــــــــــــــــــــــــــ ــــــــــــــــــــلو يا بنات ) |
معليش حبيبتي
يبي يعلمك درس في تفهم شخصيته لانه مستحيل تشكلينه مثل ما تحبين لي عوده مشغوله الان |
يا جماعه انا ماسكرت التلفون بوجهه بعد ماقلت له بسكر قال لي اوكي
يعني اهو مو فاضيلي ويبي يخلص مني ... مو زي عادته انا خايفه عليه لان عنده بقلبه مشكله من يوم كان صغير ... وسوى عمليه وقبل كم شهر قاله الدكتور انت الحين 100% زين لكن اذا تعرضت لصدمه او مشكله قويه وبتتأثر منها يمكن يصير لك مضاعفات ويعطيكم العافيه على المشاركه |
والله أول ماقرأت مشكلتك حسيت إنها خبر عاجل عالجزيرة :d لاتخافي إن شاء الله بيصير زين لكن والله (بدون زعل) حركة تزعل المفروض إن كان ماودك تكلميه ماتقفلي الجوال على الأقل تقولي له كنت تعبانه ونمت هذا إذا نمتي فعلا مو تكذبي عليه ثاني شي شغلة إنك تقولي له دايم خلاص بأسكر الخط حركة مو حلوة لأن طبيعي تكون هذه ردة فعله لأنه دايم يقولك لا لا تسكرين بحكم إنه يحبك وماوده إنك تسكري السماعه وهو زعلان منك لكن شاف إنك تماديتي بالموضوع ودايم تكررينها قال بكيفك سكري لأن مو معقول بيتم يترجاكي كل مرة وأتوقع إن سبب سكوته بإستمرار هو إحتمال يكون مشكلة ماتدرين عنها أو يكون ماعنده شي يقوله لأن مو شرط يقعد طوال المكالمه يتكلم أحسن من إنه يتكلم كلام ممكن تحسين إنه يزعلك أو يكون قلة تفاهم ومع مرور الوقت راح تتفاهمون أكثر ويصير حالكم ممتاز إن شاء الله أو يكون طفشان قبل لايكلمك وحس إنه يبي يسمع صوتك لكن تفاجأ بردة فعلك لم أقسو عليكي بالرد لكن حبيت أذكر وجهة نظري بحكم إن لو كنت مكانه كان صار نفس الشي الله يسعدك إن شاء الله ويعافي قلبه اللي ماله الا الله ثم إنتي ويوفق بينكم |
تبي الصراحه سوي له مسج أعتذار
واذا مارد عليكي بمسج ولا بأتصال أرسلي له بعد خمس ساعات من أرسال مسج الأعتذار كلمة احبك لوحدها وبعدها لاعاد ترسلي له شيء وحاولي انك تشغلي نفسك في اي شيء اذا فكرتي فيه زياده صدقيني رايحه تروحين وطي بتمرضين ومانتي بتهتمين في نفسك .. اذا كان هو يحبك ويريدك رايح يتصل فيكي ... وانا متأكد اول مايشوف مسج احبك رايح يتأخر شوي وبعدها رايح يتصل فيكي بس هو يبي يثقل عليكي ويتغلى ... |
يا جماعه اسكر تلفوني مو احسن من اني اعصب واثور عليه بالكلام
لاني عصبيه وااااااايد انا سكرت التلفون علشان ماتكبر المشكله لكن وربي سالفه تضايق ان اتصل عليه ويكون ماعنده كلام مع العلم اهو اللي قالي كلميني اليوم ... |
و الله حبيبتي الظــاهــر هنــاك شيء يشغــل بــاله..و الرجل بشكل عام إذا كان متضايق يلزم الصمت.. فهنــا بعتمد عليك و على شطارتك..يعني حتى لو ما بتكلم..إنتي إتكلمي و احتويه و اغرقيه حبــاً..فإن كان متضايق لعل ذلك يخفف عنه.. و إن كان هذا طبعه..فلا تقلقي..لأنه مع الأيام كل واحد حياخذ على التاني..و بعتمد عليك على حسب ما تعوديه ..و سيتغير إن شاء الله.. أما بالنسبة لإغلاق هاتفك..الله يهديــك أختي ما دام عارفــة إنه عنده مشكلة بقلبه و ما يتحمل أي ضغوطات ما كان عليك فعل ذلك..و بدل ما تثوري (فكما قلتي عصبية) حاولي تعاتبيه باللين..لأنه بكرة بس تتزوجــوا و إذا زعلتوا من بعض شو راح تعملي عشان تتجنبي عصبيتك..! على الأقل حاولي تتعاملي مع تلك العصبية.. و اخيرا الله يوفقكم و يديم عليكم السعادة يا رب.. |
| الساعة الآن 03:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©