|
الى متى هذه الردود القاسية
من فترة طويلة وانا افكر بكتابة هذه الكلمات اعاتب بها من هم اخواننا من هم لنا ناصحون إلى كل عضو في المنتدى رفقا بنا وارحمونا من هذه الردود فيكم من يكتب موضوع يتهم من تاخرت عن الزواج بانها قد تكون مادية ولا تقتنع ببسيط الدخل وفيكم من قال اننا نحرم او نمنع شي شرعه الشارع وهو التعداد فيكم من يهاجمنا ويتهمنا بالفراغ وسطحية التفكير نحن ياجماعة كالغارق المتعلق بقشة اعزاااااااائي ان ناقشنا تاخر زواجنا واسبابه نقشناه ونحن نعلم بان الارزاق بيد الله نطرح مشكلتنا هنا من اجل ان ننال الدعوات الصادقات ومن اجل ان يشارك بعضنا البعض من اجل ان نرا مشاكل غيرنا ونحمد الله على حالنا اتمنى ان يكون عتاب خفيف على قلوبكم |
اقتباس:
أنا معك يالغالية.. وكتبت موضوع مشابه لموضوعك اليومين اللي راحت.. نحن ياجماعة كالغارق بقشه:30: :24: الله يجيب اللي ينقذونا:23: :14: |
نتمنى لكم الحياة السعيدة والعيش الرغيد مع الازواج الصالحون ان شاء الله
واؤيد على عدم ربط التاخر بالزواج بالتعدد وبعض الامور الاخرى ولكن قد نجرح اغلى من نحب عن دون قصد لانكم اخواتنا وبناتنا في نهاية المطاف ونرجوا ان تستحبيوا لنا العذر ان تجاوزنا احيانا حدود الذوق العام |
اشكركم جميعا اشكرك شوبادر
اشكرك وجه الخير لكن الالم يزداد عند اهلي الوم ونظرات الشفقة وفي النت اتهامات مالها نهاية انا اتكلم عن نفسي((( عمري ماتقدم لي احد اذاً : هل انا انانية ؟ هل رفضت التعداد ؟ هل اشطرت المهر الكثير او الارتباط بجامعي أو من هو تاجر ..........؟ اشغل حياتي بكل ماهو جميل ومفيد ومع ذلك مازلنا سطحيات عندنا فراغ )) بعضكم قد يصل به ان يتهمنا بالتفاهه هل البحث عن الزواج غلط؟ غلط نناقش اسابه؟ اسفة قد اكون منفعلة لكن فعلا هذا الذي يحدث من بعضكم |
كلامك رائع وسليم ميه بالميه ...
لكن ... وآآاه والف آآه من لكن .... ليه ماسألت عن السبب ؟؟؟ يعني ليه ماسألت ليه الأب او الأخ او العم لايبحث عن الزوج الصالح ويذهب اليه ويطلب منه الزواج من ابنته او اخته بدون اي تكاليف او مطالب ترهقه ؟؟؟؟ لأنه ببساطه الشاب ماارح يوافق ....خلونا واقعيين ونتكلم عن مجتمعنا وافكارهم وطلباتهم بصدق ... في نظري ... شاب واحد من بين ميه شاب احتمال يوافق على الزواج من بنت ابوها او اخوها طلبه .... لا وفي نفسه بعد قليل من التحفظ والتردد وعدم القبول بشكل كلي ... وتحسبونها ياشباب ماتصير في واقعنا الحين ... شباب وبنات كثير عشت وضعهم ... بنات اعرفهم عرضوا ابائهن على شباب الزواج .. لكن الشاب يرفض ... الرجال بشكل عام ..و في مجتمعنا بشكل خاص يبغى يكون الطالب وليس مطلوب .... يبغى يكون هو المبادر وهو اللي يختار مو يختارونه ... الرجل يحسها نقيصه بنفسه اذا بنت او اهلها طلبوه للزواج ..... لو يوصل عمري ستين سنه مافكروا اهلي يبحثون لي عن زوج ... ليش ابوي او اخواني يعرضون انفسهم للأحراج وهم عارفين الرد والنتيجه والجواب ؟؟؟ مستحييييييييييييييل الفكره هذي تصير او تنجح .... حاولوا فيها كثير وجربوها واعرفهم لكن ماطلعوا بنتيجه ... هي سنه رائعه وكثير من الصحابه يعرضون بناتهم للزواج .. لكنها اندثرت وتلاشت مع الأسف في وقتنا اللي احنا بحاجتها ... ولاحول ولاقوه الا بالله .... انا ودي اعرف كل المواصفات الي نشوفها على كلامكم يعني كاملات ماشاء الله طيب المشكله وين هل هي في الشباب ولا البنات يعني بصراحه معي شباب بالعمل ممتازين جدا من ناحيه الاخلاق وكل شي وذا سئلناه ليش ما تزوجتو قالو بلا هم بعدين معد فيه احد يستاهل بوقتنا البنات تمدح والشباب يتذمر هل هي مسئلة عدم ثقه زرعها المجتمع بالشباب ولا الشباب صادق وقتنا تغير وعلى قولتهم مافيه احد يستاهلودي اعرف المشكله وين بالضبط تتوقعون شبابنا مو قد المسؤليه وكل شي يبيه يسهوله وبدون تعب ليش التذمر من مسئلة الزواج خاصه عند الشباب واحد اسئله ليش ماتزوجت قال لين اوصل 30 سنه فلت ليش قال يا شيخ بلا هم ابي احد يعرب لي كلمه ياشيخ بلا هم يلا اعربوها يا شباب الي ماتزوجو |
اخي الفاضل نايف
اشكرك على مرورك ومشاركتك مع كل الكلام الذي سطرته هنا مازالت الفتاة ملامه تتلام على مغالات المهور تتلام على شروط الاباء وعلى فكرة صاحبك هذا اذا وصل للثلاثين تتوقع راح يدور على عروس كم عمرها ؟؟؟؟؟ يبحث عن بنت 18 والعشرين طيب ومن هي فوق العشرين؟؟؟ ضاعت خلاص ذنبها انها اصبحت اكبر من عشرين |
انا ودي اقول كلمه واحد فقط لكل الشباب
تقدم للفتاه بخطوه تتقدم اليك الف خطوه انا ما اجامل لكن هذا واقع 90% من الفتيات وهذا الي اشوفه قدام عيني اقدم القليل واخذ الكثير وزميلي اكيد بيفكر بالي عمرها 18 اكيد بدون منازعه بالعربي اغلب الشباب ولااحد يقول لي لاتعمم انا ما اعمم كل الشباب الي معي بالدوام هذا كلامهم كل ابناء اعمامي وخوالي هذا منطقهم كل واحد اشوفه بالشارع يقول ها الكلمه واتحدى الاغلبيه ما يقولها بكل بساطه صارت كلمه وتنقال بلا هم |
الحب والحبيب والله حاسة فيك ودايما افكر مثل ماتفكرين الحين
وساعات اتضايق واطلع من المنتدى بس ارجع له غصب تعلقت فيه فضفضي وطلعي اللي بقلبك اصلا القسم هذا لك ولنا:17: لا وقريت موضوع من قبل شوي بغيت انهبل منه بعض الشباب مايأيد انه يتزوج موظفة تصوري!! للأسف البعض فاهم السيطرة وشخصية الرجل ان المراة تصير بمطوعته بكل شي اقراه وافرك عيوني اقول معقول اللي انا اقراه ياربي؟؟ اذا النساء كلهم مشو على هالمنطلق.. من بيعلم بناتنا بالمدارس ولانخليهم جاهلات؟؟ من بيعالجنا بالمستشفيات ولانتعالج عند رجال؟ من يمشي امورنا في البنوك؟ في الجامعات؟ عصر الجاهلية المرأة ولاشي عصر وأد البنات المرأة ولا شي المرأة الآن متعلمة مثقفة واعية مدركة حقها كانسانة تعمل!! ادرس سنوات واكرف واسهر الليالي واخرتها اقابل الجدران؟ معاي موظفات متزوجات وعيال وماشية امورهم تمام التمام وبدون خدم ولاشي! حتى العمل قامو يقفون البعض عليه؟! وكل شي يحطونه باسم الدين!! للأسف نحن في مجتمع يسيره الرجل!! اسفة طلعت برا موضوعك بس كلامي هذا ماحبيت اقوله بموضوعهم لأني عارفة بتقوم حرب داحس والغبراء خليني اقوله بموضوعك واخذ راحتي. |
والله الشغلة صارت تحير بالفعل يعني انا لي قريب يبحث عن الزوجة الثالثة ووصاني ابحث له
المهم بحثت وجبت له مطلقة محترمة وجميلة ومن اسرة طيبة طبعا هو عمره تقريبا 48 سنه قال لا انا ابي بنت وعمرها مايزيد عن 18 ولاحظو مايزيد يعني عشرين لا طيب اذا انت تبي 18 سنه شباب العشرينات كم السن اللي يناسبه المهم بصراحة نسيت موضوعه تماما. بصراحة مغالطة عندما نطلب فارق سني كبير جدا ياليت كل شخص يفكر في الموضوع بجدية ومو ذنب البنت انها تاخرت الى فوق العشرين لان الشاب الحين مايتزوج الا مابين 25 - 28 |
اه اه ياشوبادر
مااكثر العيوب فينا يالله فوق سطحيتنا ودلعنا وتفاهتنا كمان موظفات مع انه بعضهم يقولك يالله دوري على وظيفة اتسلي واذا اشتغلتي اصبحتي كثيرة الخروج ومختلطة |
| الساعة الآن 04:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©