|
زوجي تغير ابي حل ارجوكم
ابي حل زوجي ماعاد يتكلم معاي مثل قبل يدخل البيت مكتم ويطلع مكتم وانا مدلعته واموت فيه ولاقصرت معاه في شي وبصراحه ماناقصني شي عندي ولدين ومتزوجه من اربع سنوات وساكنه في بيت اهله في شقه وطيبه معاهم بس مع اهله معاملته فرق يجلس مع امه ويسولف ويضحك ويدلع اخته الصغيره ويلاطفها عمرها 9 سنوات بسمدلعها والله انا ما اقول هذا الشي لاني غيرانه لاني انا عرفه انه وحيد امه وابوه متوفي بس مايمنعه هذا الشي انه يتكلم معاي ويلاطفني لاني زوجته ولي حقوق والله حتى الجماع مايرغب وينفر مني واذا سوى شي ندم حتى اذا قبلته اوحضنته ينفر مني مع اني دائما كاشخه ونسيت ماقلت من يجي البيت مسك الريموت يموت في التلفزيون وبصراحه يحب عياله ومدلعهم بس انا عنده مالي اهميه ابي مساعدتكم ما اقدر اتحمل يمكن اروح بيت اهلي ارجوكم نفسيتي دمار :( :( [
|
اقتباس:
بسم الله الرحمن الرحيم اختي اعتقد ان زوجك يشعر بالملل والروتين المتكرر حاولي تغيير نمط حياتك الى الأحسن ولاتقولي عملت وعملت وعملت لأن تذكّرك لماعملتي سيولّد لكي الأحساس بالتعب ومن ثم اليأس والكسل انصحك بأخذ فتره إجازه مؤقته وقصيره عند أهلك لكي يشعر بالفراغ اللذي احدثتيه وعودي له بحماس وبأفكار تجعل من حياتكم حديقه مليئه بالازهار والفراشات نظمي وقتك بعد العوده وأختاري وقتاً معيناً كل يوم للجلوس وتناول العصير او الشاي بمفردكم بغير وجود الأطفال لأني اعتقد أن زوجك لديه الكثير ليقوله وأنه يملك قلباً رقيقاً ولكنه لايجد الوقت اتمنى لكم حياه زوجيه سعيده |
أختي احفظي هذه العبارة وعيها جيدا :
الرجل كالظل إذا هربت لحقك وإذا لحقتيه هرب منك .. البارحة رأيت كاركاتير مضحك للغاية ، كان عبارة عن صورتين ، الصورة الأولى كان مكتوب عليها قبل الزواج وفيها رجل يلحق امرأة وهي تهرب منه .. والصورة الثانية مكتوب عليها بعد الزواج وفيها الرجل نفسه يهرب والزوجة تلحق به .. هكذا هي حياتنا مع الرجال ، أنت اثقلي واهتمي بعيالك واجعلي لك نشاطات وأعمال ، وتوظفي ، واشغلي وقتك ، ترى الرجال يحب المرأة المكافحة المشغولة المتغلية .. ولاتشيلين هم ترى كل البيوت مثل بيتك يعني وضعك عادي وطبيعي جدا .. |
اسالي شو مالو ليش ساكتة لح الان اذا عرف السبب بطل العجب
|
اشكركم جدا على كلامكم الحلو لكن ابي حلول ثانيه لان ام زوجي الله يسلمها من نجي من بره اذا كنا طالعين قالت جيب وسو وصلح والله هو مايقصر معاهم ارجوكم ابي حل شكلها تغار ودي نسافر لوحدنا وهو موراضي لازم معاهم ماترضى امه والمشكله من توفى ابوه وهي متغيره وماتشتهيني وبناتها الاربع اللي في البيت يغارون لانه اخوهم الوحيد والمسؤل ابي حل اترجاكم تكفون
|
اللي بعيد عن العين بعيد عن القلب حبيبتي اشغلي وقت فراغ زوجك يعني البسي له مشخلع ودلعيه وشاركيه مشاهدة التلفزيون مثلا سوي فطاير وشاي اوفيشار واجلسي جنبه واجلسي مثلا علقي على موضوع في التلفزيون واضحكي بدلع وغنج واطرحي موضوع وتكلمي معاه مثلا وجددي في حياتك ولا تعطيه فرصة انه يجلس مع أهله كثير أو أجلسي معاهم لاتتركيه ولا لحظه يفوزون بيه الرجال يحب المرأءه اللي تدلعه زي الطفل.....والله يسعدكم ويوفقه لك........
|
السلام عليكِ ورحمةالله وبركاته...:d
أنتبهت على كلام أنتِ ذكرتيه في مشكلتك وهو: ونسيت ماقلت من يجي البيت مسك الريموت يموت في التلفزيون هل عندك دش في البيت!!؟؟ أذا عندك شيليه على طول..الدش حرام بحكم الشرع... وأذا ماقدرتي تشيلينه فكي الرسيفر وخربيه وقطعي كم سلك فيه!! لا تنسين أن معك أربعة أولاد!! حتى لوكنتِ رشيقة فهناك فتاة على القنوات الفضائية أكثر رشاقة منك!! حتى لو كنتِ جميلة فهناك على القنوات الفضائية أكثر وأروع جمالاً منك!! والله صارت كثير لناس أعرفهم... وحدة من زميلاتي تبكي كثير وأنقهرت...بقولك السبب!!؟؟ تتطالع هي وزوجها التلفزيون ومعروف القنوات الفضائية تستعرض أيش!! تستعرض أجسام الرشيقات والجمال والبياض والشعر وغييييييييييييره والقهر الرقص!! ونظر في زوجته وقالها بخبث"شوفي الجمال مو أنتِ...الله يسامح أمي" قامت زميلتي وكسرت التلفزيون والرسيفر قدامه...وراحت للأهلها وطلبت الطلاق... الدش هو غزو ويدمر البيت.. الزوج يسوي مقارنة بين زوجته والعارضات... ويقول في نفسه ليه !11أنا ماأعيش وأخذ وحده حلوه!! ليش أنا صغير والعمر قدامي طويل!! والله أذا الزوج مايعجبه جسم زوجته بسبب سمنة ولا ترهلات حمل وولادة بيهرب وأول شيء يهرب منه هو ممارسة الحب أو العلاقة الحميمة ماأعتقد أنه أذا فيه مشكلات نفسية تتعلق في نفسه ولوحدة ما يقدر ينجذب لزوجته!!يمكن يتأثر يوم ولايومين بس يرجع يحتاج زوجته!! أنا أتوقع أن زوجك متأثر بعارضات التلفزيون أذا عندك الدش.. وأذا ماعندك الدش في البيت...لكل حادث حديث.. تحياتي للجميع |
|
شوفي حبيبتي حاولي انك تسألينه ولو بطريق غير مباشر لعل وعسى انك تاصلين لنتيجه
الله يكون في عونك |
اختصري المسافة واستغلي لحظة صفاء واسأليه : ماذا رأيت مني ؟! ، وماالذي غيرك ؟!
وذلك بعد أن تعترفي ببعض أخطائك .. واعذريه أختي فمسؤولية زوجة وأولاد ، وأم وأخوات ليست بالمسؤولية السهلة .. أعينيه على بر أهله ، تكبرين في عينه وفي عين ربك .. موفقة .. |
| الساعة الآن 04:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©