|
موقف زوجي مع امي
السلام عليكم ورحمه الله وبركاته
اخواني واخواتي من ثلاث ايام صار لي موقف من زوجي بصراحه صدمني زوجي حبوب وطيب ودايما يقول اهلك مثل اهلي ودايم يفكر فيهمويهتم فيهم وفي بدايه زواجنا يقول ابي اكون بالنسبه لاهلك مثل ولدهم لان اخواني الاولاد كلهم صغار المهم من حوالي شهر كانو خواتي رايحين زواج وقاعه الزواج بعيده مره بالنسبه لبيت اهلي بس لبيتي مو بعيده مره يعني حوالي ثلث ساعه المهم وكانو اهلي جايين عندي وراحو من عندي للزواج واتصلو علي وقالي خلي زوجك يجي ياخذنا قلت له وكان طالع من الاستراحه والاستراحه مو بعيده عن القاعه وقال ماعلي منهم مانيب رايح له ترجيته وقلت له حرام عليك تخليهم في القاعه والمكان بعيد وانت عارف ان مافيه احد بيجيبهم وصعبه يجون في ليموزين بنات واخاف عليهم المهم وافق بعد ما ترجيته وراح لهم من دون نفس المهم سكت وعديتها له ولا فتحت معاه الموضوع ومن ثلاثه ايام كانت امي معزومه وكانت العزيمه في نفس الحي الي فيه بيتي قالت امي اجل بجي عندك عشان يوديني زوجك قلت طيب المهم كان زوجي طالع واتصلت عليه قلت له بعد العشاء تجي وتودي امي لانها معزومه عند وبنت خالتي والبيت في نفس الحي حقنا وكان زوجي قريب من البيت قال مانيب مودي احد انا انصدمت لان المشوار قريب وامي واخواتي جو لبيتي في ليموزين لان اخواني الاولاد صغار على السواقه يعني مافي احد يوديهمويجيبهم قالت امي بنجي في ليموزين وزوجك يودينا للعزيمه لانها قريبه من بيتك قلت طيب لاني متوقعه انه بيوافق بس لما كلمته قالي مانيب مودي احد قلت له الله يخليك ود امي قال لا مانيب والمشكله اني امس مسويه له حفله وشموع وحركات رومانسيه وعطيته هديه بس مانفع معاه قلت له ترا هذي امي مو وحده من خواتي عيب عليك قال لا المهم انا عصبت وسكرت السماعه في وجهه المهم صرفت الموضوع وقلت لامي ان جاه رجال ويقول بيتاخر بيجي يوديك الساعه عشر قالت امي لا ما يمدي هذي عزيمه مو زواج المهم راحت امي في ليموزين وخواتي كانو معزومين في زواج ودو امي للعزيمه وراحو للزواج المهم زوج اختي الثاني راح وجاب امي من العزيمه واتصلو خواتي قالو بيجي احد ياخذنا والا نجي في ليموزين قالت امي لا تجون في الليل في ليموزين راح لزوجي وكنت مسويه العشاء اخذت امي مني الصينيه وراحت سلمت على زوجي وقالت له الله يعافيك روح جيب البنات من الزواج تراه قريب من البيت زوجي قال ما اعرفه وينه فيه المهم امي وصفت له وطلعت بعدينناداني وقالي ترا ماعلي من احد مانيب جايب احد انا عصبت وقلت له ليه ماقلت لامي انك ماراح تجيبهم المهم قلت لامي ترا زوجي يقول مانيب جايبهم امي ضاق صدرها قالت ياليتني ماقلت له وقالت لاخواتي تعالو في ليموزين وخلونا نروح لبيتنا انا قلت لا بتنامون هنا لاتروحون في هالليل بس امي ضاق صدرها من موقف زوجي لانه ما اهتم في كلامها انا بعد عصبت المفروض يروح عشان امي حرمه كبيره تجي لعنده وتطلب منه ويرفض ويخلي خواتي يجون في الليل في ليموزين والله اني انقهرت وحقدت عليه ليه يفشلني عند اهلي ولا يحترم كلامي والله ما كان كذا انا زعلت عليه ولا اكلمه من هذاك اليوم امس كنت طالعه ولا جلست معاه ابد واليوم بعد ما اكلمه اصحيه للصلاه وبس واحط له اكله واجهز ملابس يعني اسوي واجذباتي بس ما اكلمه وهو مطنش وساكت وجالس بس عند التلفزيون اليوم غسلت اسوار البيت وكان مدخل سيارته وكانت ومغبره غسلتها ومسحتها له رغم اني زعلانه من موقفه ومصدومه فيه لانه فشلني عند اهلي ولا احترم اهلي رغم ان امي طيبه ودايما توصيني عليه مو مثل امه ام المشاكل المهم اليوم مثل ماقلت لكم مطنش وساكت وهذي عادته اذا زعلت مايراضيني رغم انه اهو الغلطان وطلع من البيت من دون مايسئلني مثل العاده اذا ابي شي قبل لا يطلع بس لما شاف السياره ارسل لي رساله على الجوال وقالي شكرا ياروحي على تغسيل السياره اسف يا بعد عمري احبك بصراحه انا نزلت دموعي وضاق صدري ليه يطنشني كذا رغم انه الغلطان انا قررت اني اطول الزعل ولا اتنازل عشان يحس بغلطته وش رايكم وش تنصحوني فيه انا ابيه يحس انه غلط ويعتذر لي ويوعدني انه مايسوي الشي هذا مره ثانيه للانه يعرف ضروف اهلي وهو قال انه مثل ولدهم والحين يغير كلامه والله انا واصله معي وزعلانه من موقفه كثير بشكل ماتتخيلونه وكل ماتذكرت الموقف بكيت والي قاهرني انه ما اعتذر ولا حس بغلطه قولولي وش اسوي؟ |
بصراحة موضوع محير شوي
هو لازم يقدر ولايخليهم لحالهم بالقاعات وخصوصا أنهم مالهم أحد وهو يعتبر منهم وفيهم يعني هم زي أهله بس بعد هم (أهلك) لا يمسخونها ويخلونه سواق عندهم كل مشاويرهم يضمنون انه يوديهم ويجيبهم، وتصير جياتهم وقعدتهم عندكم كثيرة. وانتي لاتعطي أهلك كلمة اكيدة أنه بيجيبهم وخصوصا أنه صار متوقع منه الرفض، يعني لما اهلك يطلبون منك ترسلي زوجك قولي لهم راح أشوفه بيجي لكم والا لا؟ علشان ماتنحطي في موقف حرج. وبرضه تحسسيه بأن الرأي رايه والمشورة مشورته يمكن في اعتقادي انه الغلط أكثر شيء على الزوج، بس بما أنه اعتذر لك بالجوال أتوقع انه كافي لأنه مو سهل اعتذار الرجل خصوصا للمرأة، وانتي حركتك الأخيرة وغسيلك للسيارة وانتي زعلانة حركة حلوة شفتي نتيجتها، وان شاء الله راح يتفهم هو، وحاولي انك تتصالحي معاه وبعد كذا يوم سوي له جلسة رومانسية زي قبل بس خليها مصارحة وقولي له كيف يصير موقفك عند أهلك لما يصير رفض منه لمشاويرهم واطلبي منه يحط نفسه مكانك وترفضي شيء لأهله هو واعدهم فيه. واسأل الله ان يسعدكم ويزيل عنكم المنغصات |
انا اشوف انك تخفين على زوجك شوي , مو معقولة يشتغل سواق عند امك يوديها و يجيبها للاعراس. ثانياً يا حبيبة قلبي احذري من اشعال الشرارة بين امك و زوجك و حاولي دائماً تقربيهم من بعض و اياكي و تحريض اياً منهما على الآخر. يعني يوم انه قال ما راح اوديهم كان يفترض انك تقولين لامك اي تصريفة قولي لها تعبان شوي جاه صداع مفاجيء و مو قادر يسوق , اي تصريفة. اما عدم ارضائه لك فاعتقد انه كان يرى انك انتي الغلطانة لكن ما دامه اعتذر فارى انك تسامحينه و ترجع المياه الى مجاريها. الله يسعدكم و يوفقكم.
|
شكرا لردودكم
اولا اهلي مو راعين طالعات وهم يتعاملون احيانا مع سواق بس لان الزواج قريب من بيتي والعزيمه برضو قريبه قالو نجي ويودينا زوجك لان امي تعتبر ان ازواجنا عيالها ومثل ماتهتم فينا تهتم فيهم وفي راحتهم وخاصه لما تشوف انه طيب ويستاهل وبعدين والله اهو من تزوجني ماطلبو منه الا هذيك المره والمره هذي بس لان العزيمه والزواج قريب من بيتي وعلى فكره حتى زوجي تخيلو يفكر يشتري بيت ويقولي دايما اذا سكنت في بيت كبير افكر اخلي اهلك يسكنون معنا لان ماعندهم رجال وهو مصر ان اهلي يسكنون معنا اكثر مني انا يعني انا ما ازعجه باهلي بالعكس هو الي يصر على جيتهم لنا وحتى اذا جو اهلي يحلف عليهم لازم ينامون عندنا وذا راحو يزعل ويقول ليه انا مقصر معهم حتى غرفه النوم ماينوم فيها يقول خلي خالتي اهي الي تنام في الغرفه بس امي ترفض وتقول اذا طلعت من غرفتك ما راح ننام عندكم حتى احيانا اذا كان في مساهمات يجي ويعطيني كم الف ويقول هذي لاهلك خليهم يساهمون بها ومن كم يوم شاري جهاز جوال وقالي وش رايك قلت له حلو قال هذا هديه لامك ان شاء الله يعجبها وعطيت الجوال امي وفرحت فيه عشان كذا انا انصدمت من موقف زوجي والي سواه |
معليش يعني زوجك ما قصر وبيني وبينك إقري عليه لا تجيه عين لأن عمله نااااااااااااااااااااااااااااااااااااااادر
|
اتوقع ان فيه احد يوز زوجك وقاعد على اذانه .........
بس اذا جا طالعيه في عيونه لااااااااااااااااااااازم هالحركه وخليكي كاشخه ومتصلحه واذا جا كلمك قولي له وبكل حنيه انك ما زعلتي الا لانك تحبينه واهلك ماخذين عنه فكره وماتبنها تتغير وانه يهمك وتحبينه واسأليه ......كانك متغير؟؟؟؟؟؟؟؟؟؟؟؟؟؟ بس خليكي حنووووووووووووووووووووووووووووووووووووووووووووووون ه لأبعد حد وتراه مو مطالب ابدا انه يوصل احد لاي مكان الا انتي وامه واخواته فقط واهلك ياحبي دامهم يقدرون يدبرون عمرهم بسواق فالافضل ترى انهم يعتمدون على السواق مو زوجك او زوج اختك الا في الضروووووووووووووووووره فقط واسمحي لي الزواج والعشا مو ضروره ابدا وهم كذا والا كذا يستخدمون سواق او ليموزين وما اعتقد انه من الحكمه تجزئة الطريق لقسمين لان بيتكم قريب من المناسبه اسألك بالله ما تزعلين ولا تحسبيني احقر او شي بس هذا الموقف بالذات حصل مع ناس اعزهم ولما تهزأوا انا كملت عليهم لأن زوج البنت تراه مو مطالب باي شي الا برضاه وعن طيب خاطر والمشكله انهم كرروا الموقف اكثر من مره وانا اقف بجانب الرجل اتمنى انك ما تكونين زعلتي بس حمقت لما افتكرت فشلتهم ما يسوى عليهم وهم عندهم سواق يلمهم...اقصد اهلي هنا.... فأتمنى من اهلك انهم ما يكررون هالغلطه كمان يمكن زوجك متأثر من الاسهم .... تراها جابت اجل ناس والله اللي المفروض انك تسوينه الان انك ما تقاطعين زوجك علشان اهلك خصوصا انه ما وعدهم واخلف هم اللي طلبوه وهم ما يدرون هل يقدر او لا بس لا ترضين يذل اهلك او يتطاول عليهم فقط وهو ما سواها اذن من الان فصاعدا ابدا لا تأكدين لأي مخلوق على وجه الارض خدمه من زوجك الا اذا سألتيه وامام من يحتاج للمساعده اذا يقدر او لا وابدااااااااااااااااااا لا تجعلين زوجك امام الامر الواقع وتفاجئينه بطلب وتحرجينه ونفسك والغير بارك الله فيك ورزقك حب زوجك ورزقه حبك |
اختي الغالية
والله انقهرت عليك وعلى امك المسكينة وانا لا اعرف طبيعية حياتكم ولكن هل والدتك الله يحفظها تطلب كثيرا من زوجك؟ وعن ام زوجك؟ هل تطلب منك وانت لا تردين؟ ربما انه وجدك تعملين هكذا مع والدته أو اهله فأراد ان بفعل نفس الشيء؟ أو ربما انه احس وكأنه خادم وتعب من طلبات اهلك؟ أنا اقول "ربما" لان يمكن استنتاجاتي خاطئة أو يمكن والدتك قليلة الطلبات أو والدته قليلة الطلبات انت تعرفين ظروفك وتعرفين لو ما اقوله أنا صح أم خطأ اتمنى ان يحن قلب زوجك على اهلك والله يسعدك مع زوجك واهلك..امين |
مشمشه عمري
والدتي لا تطلب كثيرا من زوجي لا تطلب الا في الضروره القصوا وااهل زوجي مايبوني وعلاقتي بهم تقريبا منقطعه احيانا اروح لهم في المناسبات وام زوجي تتضايق اذا شافت زوجي يخدم اهلي رغم ان اهلي ماعندهم رجال المفروض تفرح اذا خدم اهلي لانه ان شاء الله بيكون له اجر بس وش تقولين حسد وغيره وانا شاكه ان امه هي الي تزن على راسه رغم اني اعرف زوجي محد يقدر يغيره علي لان اهله حاولو بشتى الطر انهم يكرهونه فيني بس ماسمع لهم الله يعين بس |
سواق الهانم
زوج البنت مايصير مثل الأخ أو العم اللي عنده مسؤولية مباشرة عن الأسرة((طال الزمن أو قصر هو أجنبي إلا على زوجته)) لذا اقترح عليك بعدم جعله سائقا خاصا لأمك وبناتها فهو مسؤول عنك فقط وليس عن غيرك وعلى فكرة هذا ليس دليلا على حب الرجل لزوجته بأن يكون سائقا خاصا لأمها وأخواتها والرجل اللي تشوفينه يودي أم الزوجة وأخواتها ((في غير الطوارئ)) هذا خروف سهل الإنقياد .
أنت مخطئة بأن كلفت زوجك شيئاً ليس في حدود مسؤوليته ، اسمعي كلامه ((فنعم الرجل زوجك..... رجل نفسه عزيزة .... رجل يعرف حدوده ولا يتجاوزها )) . أختي حافظي على مشاعر زوجك .......وفقكما الله وجمعا بينكما بخير . **كيف تنتقل والدتك وأخواتك قبل زواجك ((قبل أن يكون لهم زوج أخت)) ؟حاولي أن تجدي حلا لوسيلة تنقل أمك وأخواتك...... حتى لاينعكس ذلك على حياتك الزوجية وتفسد العلاقة بين أمك وزوجك. ** حاولي إصلاح علاقتك بأهل زوجك(أمه ، والده) فهم أهل أولادك ، واتق الله ((كما تدين تدان)) فقد تمر السنين وتفعل زوجة أبنك كما فعلت بأم زوجك (( من قلة زيارة لها .....الخ وأنت عارفه الباقي من حركات الحريم )) لزعيم55 |
لو سالت الاخت كاتبة الموضوع عن الفرق بين الاستاذان والاخبار فكيف ستجيب
او لنقل بين الطلب والامر؟ ما اقصده ان زوجك يفهم انك توجهين الاوامر له وانه لا يملك حرية الرفض اي رفض الاوامر الصادرة من امك او من زوجته وله الحق او لنقل له جزئيه منه يا اختي المفروض تقولين لاهلك اشوف اول يمكنه مشغول وارد عليكم مو تقولين طيب خلص حاضرين ؟!؟!؟ وانتي اصلاً ما عرضتي عليه الموضوع يمكنه مشغول يمكن مرتبط بموعد !! لو عودتي نفسك على تقبل رفضه لهذه الطلبات لما صار اشكال لانه سيشعر حينها بانه قائد لا مقاد وهنا دورك في الحفاظ على شخصيت زوجك وعدم جرح كبريائه ولا يعني انك وافقتي انه يوافق وش ذا !!! وعلى اهلك تفهم الموضوع وصدقيني بهالطريقه ممكن زوجك ما يرفض اي طلب منك لكن ان تكون المساله كما ذكرتي وفوق هذا كله تبرطمين عليه !؟!؟ يعني لا انتي اللي احترمتي استقلاليته ولا انتي اللي تقبلتي ردت فعله التي يخبرك من خلالها بانه قائد لا مقاد قائد كرجل له احقيه الموافقه او الرفض يريد ان يفهمك هذه النقطه حتى لا يصبح امعه تعال يجي روح يروح الساعه الفلانيه عندنا مشوار الساعيه الفلانيه الا دقيقتين واربع ثواني تكون عند الباب كتبت مشاركتي لاساعدك في تاسيس اسلوب جديد للنقاش مع زوجك ولكي تفهمين طبيعة الرجال وتدبري كلام الاخ الزعيم55 |
| الساعة الآن 08:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©