|
هل ما فعلته صواب ام خطأ؟
السلام عليكم ورحمة الله وبركاته ؟مادري اذا بعضكم قره مشكلتي من قبل ولكن انه تقدم لي شخص من الاهل وجذي وتميت اكلمه بالمسنجر للتعارف على بعض وخذنه تقريبا 6 اشهر وحسيت اني عرفت اللي ابي اعرفه منه وسألته كل الاسئله المهمه واليوم طلبت منه ان خلاص نوقف الكلام مع بعض بحكم ان عرفنه بعض او نقدر نقول عرفنه اهم الاشياء عن بعض واهوه على طول وافق على هالشي وجنه كان مستانس!! وقال انا مابي اسبب لج اي احراج وعلى طول سوالي ديليت وانته الاموضوع يعني ماباكلمه!!! وقالي راح نتواصل بشكل غير مباشر مثل باالايميل من شهر لي شهر ! واحنه اتفقنه على الملجه تكون بعد سنه وشوي فهل اللي سويته صح اني طلبت منه هالشي؟ وانا مابيه يحس اني مابيه او تمللت منه بالعكس قلبي يألمني واااايد لاني ماراح اكلمه تعودت عليه وحسيت بالفرح معاه وشعور عمري ماحسيت فيه همومي وزعلي وكلشي يضايقني يروح بس لين اشووفه فماقدر اتخيل اني ماراح اشوفه بالمره والسبب في هالشي انه؟؟؟ انه الي قلت له هالشي !! والله معورني قلبي ابي اعرف هل صح سويته ولا لا؟؟ ولا شسوي ؟ هل اطلب منه ان نرجع مثل قبل واقوله انا للحين ماعرفتك عدل بس عشان اكلمه ؟؟ نصحوونيييي جزاكم الله خير انا فعلا محتاجه للنصح والله محتاااااااره وماعرف شسوي |
أختى العزيزه .....
ترى بعض الكلام في الماسنجر يبين لك انه طيب لى غرض معين ... وانتى ما تردين بس انتبهى لى نفسك وإتركيه مره أو غيرى الماسنجر وحطى لى تبينهم في ماسنجر لك خاصيمكن يوم انه وافق بسرعه يعرف وحده غيرك على شان كذا هو ثقيل معك إنتبهي على نفسك زييين والله يوفقك |
عين العقل والصواب !!
هو خطيبك وليس زوجك وماكان في الله دام واتصل وما كان في غيره زال وانفصل *** الله يوفقك ويتمم لك على خير |
اشكر ردودكم ربي يوفقكم بس اهوه مستحيل يكون عنده وحده ثانيه واهوه ثقيل عشانه من البدايه كان رافض فكرة التعارف بالمسنجر او التلفون وغيره عشانه حرام وجذي كان يبي على طول ملجه بس انه اللي صممت على هالشي عشان اعرف الشخص اللي بتزوجه واهوه ماشاءالله عليه انسان ملتزم وديين الحمدالله من جذي مستحيل اشك فيه ان يكون شاف غيير ولكن ماتوقعت ان بسرعه وافق ان ننهي الكلام اللي بينه بهالسرعه وفي نفس الوقت؟! يا خوفي يكون زعل علباله تضايقت منه ومليت ولكن الله يعلم اني مابي اخسره واللي سويته ماكان قصدي شي غير ان كان في هدف من وره المسنجر الا واهوه التعارف وحسيت ان حققنه هالهدف! واللي كان يقهرني ان كان مستانس من فكرة ان ننهي الموضوع ومانكلم بعض بالمسنجر وانا فكرت وقلت باقيي وايد على الملجه شلون وافق بسرعه ياربي ماعرف شسوي ابي نصايح اكثر ارد في كلامي ؟ اطرش له ايميل اعتذر عن كلامي؟ صدقووني راح اكره نفسي على اللي سويييته |
اقتباس:
مادام إنساناً ملتزماً فاحمدي الله على وافر نعمائه ثم وضعكما السابق كان خاطئاً ووضعكما الحالي هو الصواب فهل تعودين للحرام ؟ أم تنعمين بالحلال ؟ *** غاليتي لم يوافق ظناً منه أنك مللت أو تضايقت أو .. أو .. أو بل لأن مخافة الله كانت دائماً وأبداً تحيط به تطوق لحظات أنسه بقربك وصدقيني هو الآن أسعد من قبل ليس لبعدك عنه بل لأن عين الله تكلؤه ورضاه عز وجل يلفه فأيهما أفضل وأجل ؟ *** يا حبيبة لا تقلقي ولا تفكري كثيراً ولا تترددي ومادام قد أتى البيت من بابه فاطمأني *** ثم سؤال لم لا تعجلا بالملكة ؟ لم هذه الفترة الطويلة بين الخطوبة وعقد القران ؟ |
عجلو بالملكة
طالمانكم اثنينكم متفاهمين وواثقين انكم مناسبين بعض ليش تطولونها؟؟؟ خلاص املكو
ماتسوى عليك الحاله اللي انتي فيها .. طبعا لأنك تعودتي ان في احد يسمعك وينصحك .. وتفضفضين له ويفضفض لك .. وشي طبيعي راح تحسين بالضياع لما ينقطع عنك لأنه شي متعوده عليه وألفتي وجوده في حياتك.. رايي ان خير البر عاجله ... ويلا بشرينا اذا ملكتو علشان نزغرد لك لأم مبين عليه انه انسان راكز وواعي ولايحب الخطأ الله يوفقك اثنينكم ان شاء الله ياربي.. انا اذكر يوم اني كلمت خطيبي قبل الملكه وقلت اني موافقة على طول ملكنا بعد ماكلمنا بعض 3 اسابيع والحمدلله مرتاحه معه.. الله يجعله من نصيبك ان شاء الله ويرزقكم بالهداية.. ويبعد عنكم الشيطان وأهله |
اختي الكريمه
اولا ما فعلتيه هو عين الصواب ثانيا اود ان اوجه نظرك لشيئ مهم و هو انكي من خلال المسنجر لن تعرفي عنه الا ما يريد هو ان تعرفيه حيث يتجمل كل طرف و يحاول ان يكون مثالي كما في فتره الخطبه العشره فقط هي التي تكشف معدن اي انسان لانه لن يتجمل طوال الوقت. امضي فيما انتي فيه فهو خير لكي و له ايضا د. نبيل |
اقتباس:
|
اشكركم اخوااني من كل قلبيي على ردودكم ونصايحكم جزاكم الله خير واحنه اخرنا الملجه شويه عشاني بعدي صغيره ويبيلي على الاقل سنه وحده دراسه بالجامعه لان الاهل رافضين اني اتزوج وبعدين اكمل دراستي يبوني على الاقل ادرس لي سنه عشان اذا الله كتب وتزوجت راح يبقالي شويه ومايكون تعب علي فعشان جذي اخرنا صج ان معورني قلبي واايد لان حاسه ان انا اللي قطعت الشي مع انه كان الشي وايد حلو بينه بس شسوي باترك كلشي على الله وعلى النصيب ويالله الحمدالله على كل حال وتسلموووون على كلامكم الروووعه والله يوفق الجميع ان شاءالله |
انا من رأيي تعجلون بالملكه وتقنعين اهلك مولازم يكون باقي شوي علدراسه يوم تتزوجون عادي يخطبك الحين
وتملكون وتكلمون بعض على طول لانه باين انكم منسجمين مع بعض وانتي عرفتيه زين بالفتره هذي وهو طيب ومدين قوليله يخطبك من الحين وتعجلون بلزواج الله يوفقكم . |
| الساعة الآن 04:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©