منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   أرشيف السياحة والسفر والرحلات (http://www.66n.com/forums/forumdisplay.php?f=65)
-   -   زوجي قرر نسافر لامريكا وانا متردده (http://www.66n.com/forums/showthread.php?t=86337)

العرووووس 07-05-2006 11:58 PM

زوجي قرر نسافر لامريكا وانا متردده
 
السلام عليكم ورحمه الله وبركاته

اليوم كنت اسولف مع زوجي وقلت له اسمع ترا انت وعدتني انا نسافر مو مثل كل مره توعدني وتخلف السنه هذي لازم اسافر
لازم تعوضني وابي اروح لاوروبا وش قلت
قال لا ان شاء الله بنروح لامريكا
انا من سمعت اسم امريكا طاح قلبي
بصراحه بلد تخوف لا امن ولا امان خاصه الايام هذي
وهو مصر عليها
بصراحه انا متردده انتم وش رايكم؟؟
هل اسافر وانا متطمنه ولا البلد تخوف بعد الارهاب؟
ونظرتهم للعرب والمسلمين؟
ارجوكم طمنوني وريحو بالي وخاصه اني بروح ببنتي الي عمرها 10 شهور

طيب والحجز اذا كنا بنسافر بعد شهر ونص متى يكون الحجز؟؟ رغم ان عندنا فيز لامريكا


تحياتي لكم

Crestalla 08-05-2006 01:06 AM

ليش كلكم على امريكا هذي الصيفيه؟؟

اعرف ناس كثير رايحين هناك منهم اختي وزوجها ... عندي صديقات هناك عايشين بميامي ووحده بهيوستن ووحده بسانتا مونيكا كلهم يقولو انه عادي ومافي شي بس اعتقد انه شوي رح تتعبو بالمطار عند الدخول اظن حيطلبو منكم اوراق خاصه المفروض انه لما اخذتو الفيزا من السفاره يكونو اعطوكم خبر انه لازم تكون معاكم هذي الاوراق..

عموما امريكا حلوه كبلد للسياحه ... الله يختارلكم اللي فيه الخير :)

عاشق الحـور 08-05-2006 02:52 AM

اللي اعرفه أن السفر لبلاد الكفر سياحة حرام

فلا ربي ولا رسوله يرضاه

فلو تتأكدي من موضوع الحله والتحريم في السفر لبلاد الكفار

وبالطبع انكم مسلمون ولا ترضون بسخط الله عليكم من اجل سفره

misslolo2006 08-05-2006 03:22 AM

أنا يا أختي ساكنة في أمريكا بس حاليا أنا في اجازة وراجعين قريب إن شاء الله زوجي يدرس هناك والأوضاع عندهم طبيعية ومافي أي شي بس في المطارات التفتيش شوية زيادة على المسلمين وخصوصا السعوديين لكن معاملة الناس عادية جدا والحمد لله على كل حال. لكن أحب أقولك حبيبتي إني ما كنت أتمنى في حياتي أعيش في هاذي البلد ولا كنت أتمنى أروحها أو أشوفها حتى بس ظروفي صارت كده ...
فنصيحتي لك إنك تختاري مكان ثاني غيرها إذا كان عندكم مجال للإختيار يعني السياحة مو ضروري يكون في أمريكا في أماكن غيرها كثير أحلى وأروق سواء عربية أو أوروبية مثل جزر المالديف وجزيرة قبرص يمدحوها كثير ويقولو كمان المغرب مررررة حلوة .... يعني الخلاصة إني أشوف إذا كان الواحد بيده إنه ما يروح لأمريكا أفضل ليش يعرض نفسه للتفرقة في بلد ما يحب الإسلام ولا المسلمين حتى لو كان في شي بسيط زي التفتيش بس والله تحسي بقهر وانت بتتفتشي بهاذي الطريقة والباقيين كلهم يمروا عادي بس لأنهم غير مسلمين... يعني لو ما كانت أمريكا أفضل دولة فيها مجالات متقدمة في الطب اللي يدرسه زوجي ما كنت أرضى إنه أسكن فيها أبدا بس عشان نستفيد من علومهم وننفع بلدنا واسلامنا بإذن الله..هذا رأيي ولك أختي القرار والله يوفقك

العرووووس 08-05-2006 10:53 AM

شكرا على ردودكم
انا والله ماودي اروح لها بس اذا اصر زوجي ماراح ارفض اكيد بروح معاه
انا قلت له نروح اوروبا احسن بس هو رافض من زمان نفسه يروح لامريكا طيب قولولي وش احسن الولايات
تكون امنه وطبيعه ومريحه

اختي مس لولو
جزر المالديف ممكن نروح لها بعد التسونامي؟؟؟

AIM 08-05-2006 11:00 AM

توكلي على الله سياحة دعوة في سبيل الله التزمي حجابك وكوني متميزة بحجابك ودينك
امريكا بلد التنوع الثقافي والسياحي ولن يجد السائح بلدا افضل منه لولا مابعد حوادث سبتمبر
زوري المراكز الاسلامية فستجدين من المسلمين من يسرك خصوصا في المدن الصغيرة
اجمل ما في امريكا الخصوصية تستأجر سيارة من المطار وتشتري خارطة وتسير من المحيط الى المحيط
سفرا مبرورا سعيدا
تحياتي

العرووووس 08-05-2006 07:31 PM

الله يعطيك العافيه ويطمن بالك
بس مارديتو علي اذا بنسافر في الاجازه متى المفروض يكون الحجز؟
وايش افضل الولايات؟

Crestalla 08-05-2006 08:19 PM

افضل الولايات فلوريدا لانهم متعودين على السياح خصوصا العرب وولاية كاليفورنا وكمان في مدينة هيوستن فيه اكبر مسجد بامريكا روحي زوريه..ولاية فيرجينيا حلوه لانه فيها عاصمتهم واشنطن هناك تقدري تروحي مكتبة الكونقرس وفيها اكاديمية الملك فهد والسفاره السعوديه فهناك كمان متعودين على وجود العرب وخاصة السعوديين... والمفروض ما نزعل من التفتيش اللي في المطار لانه هذي بلدهم وهم حرين فيها يفتشو من يبغو عالاقل حماية من انه يصير اي حوادث اخرى كفاية ما جرى..

الزعيـــــم 14-05-2006 02:25 PM

أختي الفاضلة العروووس / تحية طيبة

1000مبروك على السفر وإن شاء الله تسافرون وترجعون بالسلامة وتكون سفرة موفقة ،شئ جميل تشوفون طبيعة بلد

آخر وثقافة شعبه .


أهم شئ الحصول على الفيزا ( والأوراق اللي معاها) الناس هناك عاديين جداً بس يمكن تتأخرون في المطار .

مصاريف السفر والإقامة أحسبوها جيداً (مع ضرورة وجود بطاقة فيزا أو ماستر كارد) .

أخيراً إذ اكان اللي يسافر أنت وزوجك وبنتك (الله يخليها لكم) بس أقول ok رحلة موفقه بس إذا بتاخذين أمك وأخواتك معك المصاريف بتكون كثيرة على هالضعيف .

أجدد لك التحية
الزعيم55

Dihn Al 3ooD 17-05-2006 01:26 AM

مرحبا حبيبتي . .

بالعكس ان شاء الله الأمور تمام و الأوضاع آمنة . .



سألتي عن أفضل الولايات . .

انا انصحك بكاليفورنيا " لوس آنجلوس " . . منطقة راقية جدّا . . و هادية . . و شرحة . .

و أذا حبّيتي معلومات و صور عنها خبريني . .



و عندك بعد لاس فيغاس . . رووعة . . فنادقها خيال . . و سوقها يجنن . . و اللي يدخلها خصوصا بالليل تطير عيونه من الأضوية اللي هناك . .

بس مشكلتها انها مشهورة بالقمار و العياذ بالله . .

يعني لو قررتوا تروحون . . اختاروا فندق حلو و هادي . . و اذا تبين احطلك أسماء كم فندق حلوين و بعيدين شوي عن هالجو . .

و سوقهم يجنن روعة . .



و عندك بعد نيويورك . . سوقها أحسن سوق بالعالم . .

لكن بالنسبة للأمان ما أظن انه كثير خصوصا بالليل . .



يعني نصيحتي لك قسموا سفرتكم بين لوس آنجلوس و لاس فيغاس . .



و ان شاء الله تكون سفرة موفّقة يا رب . .



و أي معلومات حبيبتي لا يردك اللا لسانك . . انا حاضرة و انتظر ردّك . .


الساعة الآن 03:30 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©