|
الزوج الفقير ؟؟؟
يا منتدى الحياة الزوجية ساعدوني انا في حيرة من امري ومقهوررررررررررررررررررررررة على نفسي اتزوجن وليه بنت عمرها 6 اشهر ماشاء الله ليه سنة و3 شهور متزوجة زوجي كان ما يشتغل ولمن اتزوجته وحملت اتوظف ولله الحمد راتبه 3000 ريال واهله بساعدوه في امور كثير ساكنين في عمارة اهله شقة انا من عائلة ميسورة الحال ولله الحمد اتزوجته على اساس انه جامعي وبعد الزواج اكتشفت انه ثانوية عامة ما كمل دراسة المهم اتوظف واشتغل اهله ما سووا زواج ولا بيت كامل ولا عشاء حتى بمناسبة زواجي اهل كله شيء سووه من زواج كبير في قاعة وشبكة ايضا كبيرة في قاعة وبابا بساعدنى في مصروفي الشهري وفي كسوة العيد وفي فواتير جوالى زوجي اتعود على هذا الحال لمدة سنة صار اي شيء ما يدفعلى يقلي اهلك خليهم يدفعوا انا ما عندي فلوس وفوق هذا كله اهل زوجي في رمضان اعطتنى امه ملابس قديمة حقت اخواته وملبوسة والللللللللللله وبعضها مشقوقة واخذت الكيس وسكت علشان ما ازعلهم ولعد هذا كله اتمادوا لمن ولدت لا سووا سابع لبنتى ولا احتفلوا بشي بسيط بيا وسكت وفييوم من الايام بتناقش مع زوجي في امور الصرف قلي انا اهلى هما الا يشاركوا رجال اخواتى في الزواج ويعملولهم زواج كبير يبغوا يفروحوا اخواتى وخاصتا اخر اخت ليه اتزوجت علشان اهل زوجها ناس هاي هاي فا لازم ندين ونبين لاهل العريس انو احنا ناس مبسوطين قلتله وانا ليش اهلك ما سوولي عشاء بسيط على الاقل بفرحتهم بزواجي قلي انتى لمن قلت لاهلى استلفوا وساعدوا اهل مرتى قالولى ما نقدر مدري ليه ؟؟؟ وقتها جانى اكتئاب شديد ليش انا ماني قد المقام قلتله انا ابغى اشترى كنب جديد ممكن ؟؟ علشان الكنب القديم حق اهلك مرة باين عليه معفن ولازم اجدده قلي ما عندي وما حغير شيء في البيت ... حسسنى كانوا مقامى ومستوايا الاشياء القديمة ومستخسر في الاشياء الجديدة وعلى فكرة حمام خربان السقف حقه ينقط من فوق وينزل مويا 000الخ ما ابغى اطول عليكم بس ايش اسوي في زوجي واهل زوجي ؟؟؟
الله يخليكم دلوني |
اختي في الله
الفقر عمره ماكان عيب الرسول الكريم وهو اطهر الخلق كان ينام على حصيره لكن سكوتك على تمادي زوجك بعدم دفع المصروف هو الغلط بعينه والي طمعه اكثر هو مساعدة اهلك لك اختي الكريمه عمرهم اهلك مو دايملك من شبا على شئ شاب عليه انا في بدايه زواجي الوالد ة كانت تعطيني مصروفي لما اجي عليهم وكنت ارفضه لاني مابي اعود زوجي على الاتكال على الغير لحد مخليته هو المسؤال عن كل شئ نصيحتي حاولي تخلينه يخصص لك مصروف شهري ثابت وهذا من حقك لان الله امر به وهو مجبور يصرف عليك وعلى بنتك حاولي معه واقطعي المصروف الى من اهلك فتره معينه واذا مانفع وقطع عنك المصروف مره وهو يقدر ولو بشئ بسيط ازعلي وهدديه اذا كان يقدر على المصروف ولو بشئ بسيط اختك ام سلومي |
اذا رفض يعطيك مصروف ...بعد كل المحاولات
اشتكي للشيخ |
اختي اعانك الله اختي الفقر عمره ما كان عيب ولكن سكوووتك عنه هو الذي جعله يتمادا عليك ويصبح عادي الامر عنده
اختي هاذا حقك منه وشوفي تفاهمي وياه بالين وخلي الامور القبله ورااا الحين تزوجتي انسي كل المواضيع الي ما حصلتيها منه واعذريه قولي له خل نجمع عشان نبدل الكنب وشوي شوي خلج >كيه واذا رض يعطيج مصروف كلمي من هو اكبر منه يفهمه انه حق واتمنه من الله يهديه ويساعدج اختي ويجبر بخاطرج |
هاي الغلطة ياعزيزتي انك خليتيه يعتمد على اهلك في مصروفك
بلزمه وقت طويل علشان يرجع يصرف عليكي بس طولي بالك بدها صبر وانت بلشي معه خطوة خطوة يعني اول اشي حاولي حتى تنجحي تخليه يدفع مصروفك بعدين الاشياء الثانية تحياتي وادي حنين |
الله يعينك يا اختي
لكن ابسالك سؤال تتوقعين لو زوجك يملك الملايين راح يستمر الوضع ؟!؟!؟! ما اعتقد ... لكن الزوجه النادرة التي يتمناها كل رجل هي الزوجه التي لا تغيرها الضروف الاولى في المصروفات هوا الاهم ... فالاهم... والكماليات رتبي لها مصروفاتك وضعي ميزانيه لها وانصحك بالابتعاد عن الماركات الغاليه وصدقيني بعض البيوت رائعه رائعه وجميله بالرغم من كون الاثاث متوسط فابداعات المراه تظهر على منزلها من لمسات واجتهادات في تزيين المنزل وابحثي في النت عن المواضيع الخاصه بتجميل المنزل وتاثيثه بشكل رائع وبتكلفه اقل وهذا فن وإبداع يجهله الكثير بل ان البعض من الاغنياء اذا راى البيوت التي تم تاثيثها بهذه الطريقه يصاب بالاحباط والسبب انه تكلف مبالغ طائلة لتاثيث منزله فيجد من البسطاء وميسوري الحال من يرتب المنزل بسعر اقل ومنضر منافس له وهناء ابداعك فابحثي في الاقسام الخاصه واقترح على الاداره والمتمكنين من هكذا مواضيع واصحاب الخبره والمشرفين المساهمه بالمواضيع المثمره في هذا المجال بالقسم الخاص وساحاول جهدي ان استطعت ولو بالاشاره اخير ادعمي زوجك معونيا فهوا يحتاجك فخلف كل رجل عظيم امراه عظيمه كما يقال وانا المس فيك هذا الجانب الابداعي وفقكي الله وزوجك لحياة سعيدة سبحان الله البعض يطرح الاشكالات فيكون سبب في اسعاد مسلم فينال الاجر الاخت كاتبة الموضوع والمشاركين كانو سببا في تاملي وقراتي لجانب من حياة الرسول صلى الله عليه وسلم فجزاكم الله خير ولا حرمكم الاجر |
حبيبتي لامير
زوجك مو عيبه الفقر لأن الفقر عمره ما كان عيب لكن زوجك عيبه عدم الاحساس بالمسؤولية تجاهك وتجاه بيته وهذا سببه انه حصل من يساعده في البداية ويشيل عنه المسؤولية سواء من أهلك أو من أهله ركزي حبيبتي دايما انه يصرف عليكي هو مو أحد ثاني وقولي له برفض اي مساعدة من طرف ثاني سواء من أهلي أو من أهلك وعيشي حبيبتي على قد راتب زوجك مو أكثر يعني انسي المبالغ اللي تاخذيها من أهلك والمفروض تعتمدي بس على راتبه الله يوفقك حبيبتي ويصلح زوجك مع تحياتي زوجة تحب زوجها |
الله يجزيكم خير الجزاء بس ترى زوجي راتبه قليل يعنى انا المفروض ما اشتكى دحين عرفت غلطي الراتب يا دوب حق اكل وشرب ومصاريف الحياة الحمدلله على كل حال
يارب ارزقنا ياااااااااااااااااااااااااارب كل الايقرا رسالتى يدعيلي ويدعي لزوجي بالرزق ولبنتى يارب سهل |
|
| الساعة الآن 02:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©