| princees |
10-05-2006 11:29 PM |
×÷·.·°¯`·)» (تعرفي إيه عن جسمك؟؟ ) «(·°¯`·.·÷×
د. أمنية هلال
مدرس أمراض النساء والتوليد بالقصر العيني
المرة دي ولأنها أول مرة هنبدأ بحاجة مهم جدا إنك تعرفيها وتعرفي مكانها وبتعمل إيه؟ وفايدتها في الجسم إيه؟ وهي الأعضاء التناسلية للفتاة وهي بتنقسم لأعضاء خارجية وأعضاء داخليـة...
يعني إيه أعضاء خارجية؟ ومكانها فين؟
الأعضاء التناسلية الخارجية اسمها (الفرج)، وبتتكون من الشفرين الكبيرين – اللي فيهم غدة صغيرة في الجزء الخلفي على كل جانب- ولها قناة مسئولة عن الإفرازات المخاطية اللي بتفرز أثناء الجماع ودي بتساعد في إتمام العلاقه الزوجية بسهولة. أما الشفرين الصغرين فموجود في الجزء الأمامي منهم حاجة اسمها "البظر".... والبظر ده هو العضو الحساس جنسيا عند المرأة.
هل يحتوي الفرج على أي فتحات؟
الفرج بيحتوي على فتحتين... فتحة البول ودي اللي بيخرج منها البول، وبعد فتحة البول بتيجي على طول فتحة المهبل ودي اللي بيغطيها غشاء البكارة.
جينا بقى للسؤال المهم... إيه هو غشاء البكارة؟
غشاء البكارة هو غشاء رقيق بيبعد 2 سم من فتحة المهبل وهو بيفصل الأعضاء التناسلية الخارجية عن الداخلية.
وهل الغشاء ده بيكون مقفول ولا فيه فتحات؟
غشاء البكارة فيه فتحة أو أكثر بتسمح بمرور الإفرازات المهبلية ودم الحيض -الدورة الشهرية- لكن المعروف إن شكل الفتحة بتختلف من بنت للتانية يعني مش كل البنات زي بعضها.
مش بس كده ده كمان فيه أنواع للفتحات يعني فيه فتحات بتكون هلالية وفيه دائرية وفيه اللي بيكون على شكل المنخل وفيه النوع المطاطي والنوع ده مابينزلش دم عند قطعه لكن بيحصل له تمزق كامل عند الولادة الطبيعية.
طب ممكن يكون الغشاء من غير فتحات خالص؟
في بعض الحالات القليلة بيكون الغشاء بدون فتحة وده بيسبب مشكلة للبنت في سن البلوغ لأنه بيتسبب في احتباس دم الدورة الشهرية جوه المهبل والرحم.
ازاي بيحصل فض أو قطع لغشاء البكارة؟
بيحصل قطع في غشاء البكارة مع أول علاقة جنسية، أو عند إدخال شيء صلب داخل القناة المهبلية.
هل يوجد أي احتمالات إن غشاء البكارة يتأثر بممارسة رياضات معينة؟
دي مجرد شائعات لأن غشاء البكارة مابيحصلش فيه قطع إلا بدخول جسم صلب في المهبل، يعني لا بيتأثر بممارسة الرياضة أو ركوب العجل أو الخيول أو القفز أو غير ذلك، وفيه حقيقة لازم تاخدي بالك منها وهي إنه لا يمكن للفتاة أن تستعيد غشاء البكارة بعد فضه يعني لو غشاء البكارة تمزق قبل سن البلوغ فهو مابيتجددش مرة أخرى.
سمعنا كتير إن كل ما الدم كان كتير بعد فض الغشاء كل ما كانت البنت مؤدبة... هل الكلام ده صحيح؟
لأ طبعاً.... لأن اللي بيحدد كمية الدم نوع الغشاء وبينتج عن قطع الغشاء كمية قليلة من الدم وممكن ماينزلش دم خالص لو كان الغشاء من النوع المطاطي زي ما قلنا قبل كده.
وبكده نكون اتكلمنا عن كل الأعضاء الخارجية ووظايفها وأماكنها.. والمرة الجاية إن شاء الله هنتكلم عن الأعضاء الداخلية وكل الحاجات المتعلقة بيها.. [IMG]http://**********************/fdaey3/up_ar/ar/da.gif[/IMG] |
