|
هل هذه بدايه صحيحه
مرحبا أخواني وأخواتي الكرام حبيت أدردش معاكم بصراحة من فترة تعلمون بأنني مريت بمشاكل والحمد لله عدة على خير ورحنا شيخ والزواج تأجل وفترة بسيطة ونتزوج المشكلة في البنت ناشفة معاي حييييييل لااتصال ولا رسايل ولا أحس بأي شي كنت احلم بالرومانسية والحب قبل الزواج وعفيت نفسي قبل الزواج وألان نفسيتي متضايقة حيل ندمان إني تزوجت أصلا إذا كان من أولها كذا حتى شهر العسل غيرت فكرتي عنه وجعلته بسيط ولماذا الخسارير على شخص لي معاها خمسة شهور وما تقول كلمة حلوة ولو مجاملة بصراحة أكثر وأريد استشارتكم أنا أفكر انهي العلاقة مالحل وكلي أمل بعد الله فيكم وشكرا
تم تغير العنوان ليناسب الموضوع ،،، ام ا ثير |
أخي الكريم...
أنا لن أجيبك... سأدع هذا الرابط يجيبك عن كل إستفساراتك.... إقرأ الموضوع جيدا... أول شي إقرأ المشكله الأصليه موجوده بالرابط اللي داخل هالرابط... وأعطيني رأيك... في إنتظار تعليقك.. بالتوفيق :) http://www.66n.com/forums/showthread...412#post785412 |
يا أخي البنات غالبا يغلب عليهن الحياء في ابداء مشاعرهن وخاصة قبل الدخلة وفي نفس الوقت تحب ان تسمع كلام الحب والغزل من أزواجهن وأما بالنسبة لفكرة شهر العسل (أظن أنك تقصد السفر) بالعكس هذه فرصتك أن تسمع منها ما تريد سماعه فلا تضيع الفرصة هذا رأيي والله أعلم.
|
الله يعطيكم العافية
المشكلة اني حاولت وفهمتها ومافي فايدة وطنشتها ثلاث اسابيع واسمعي ياجارة ولاحياة لمن تنادي وانا اعرف نفسي اذا استمرالوضع على كذا كلن بطريق بصراحة ما ألوم بعض الرجال بعض الحريم الله يهديهم ما أدري كيف تفكر واذا تطلقت بكت والله ماراح انسى هذه الايام طول العمر قال ايش احلى ايام ايام الملكة اذا كذا الزواج من اولها انا لااريده والمعذرة بس مكتوم كثير
|
اذا كنت تراها ذات دين وخلق وجمال كما وصى النبى عليه الصلاة والسلام
فاسمحلى اقول لك انك سترتكب خطأ فى تركها الكلام والسوالف ايام الملكه عادات دخيله ليست ضروريه يمكن البنت تأتيها ضغوط خارجيه من أهلها مثلا ولا تستطيع ان تكلمك او تدخل معك فى التفاصيل انا تزوجت ولله الحمد ولكن ايام الملكه كانت اربع شهور فقط لم احدثها بالتلفون ولا شفتها الا يوم الملكه الرؤيه الشرعيه فقط وكانت من النوع الخجول جدا وانا كنت اعرف بأنها ذات خلق ودين وجمال ولم اصر على المكالمات او حتى رؤيتها ايام الملكه وعايش الان متهنى ولله الحمد والمنه. فأنصحك اخى الكريم اذا كنت لا ترى فيها اى عيب يعيبها غير الكلام وقت الملكه ان لاتصر على هذا الامر وانتظر الزواج وفقك الله |
|
ينقل الموضوع لعالم المقبلين على الزواج ليجد التفاعل المطلوب
|
والله في إعتقادي إن الموضوع ماهو موضوع خجل لكن الموضوع موضوع تعود. يعني إن شاء الله فترة وراح تتعود عليك لأن ماهو كل البنات يحلموا بالزواج ويتمنوه. بعضهم يشيل هم الزواج ويعتبروا إن اللي تتزوج ماراح تشوف أهلها ولا تزورهم إلا نادرا وماراح يكون معاها أحد تتكلم معاه غيرك فعشان كذا عليك بالصبر وحسسها إنك راح تعوضها جمعة أهلها ووناستها معاهم. لأني شخصيا أعرف واعد من أخوياي كان على وشك يفصل خطوبته وبعد الزواج وخلال شهر العسل تعبته في البدايه ماودها تجلس معاه وكل شوي وديني بيت أهلي وأستمر الوضع لمدة شهرين وبعد كذا يحكيني ويقوللي البنت ألحين والله ماتسمع فيني ماشاء الله وأول ماتروح لبيت أهلها ولا يجونا تتضايق وودها نكون لوحدنا على طول بصراحه العلاقة الحقيقيه وااللي يعرف فيها كل طرف الأخر على حقيقته هي إللي عد الزواج. لكن أهم شي إنك تعاملها بالمعروف ولاتحسسها إنك ندمان إنك تزوجتها لأنك لو كنت طيب لازم يمر عليها يوم وتختلي بنفسها وتفكر بالموضوع لوحدها وتعرف إنك شخص ماتفرط فيه الوحده هذا إذا كنت تمام معاها. والله يوفقكم ويبعد عنكم كل مكروه |
صارحهـــا بأحاسيســك
ابــدأ أنت فافتــح لهــا أســوار قلبــك .. وادعهــا للدخــول !! وصدقنــي ستدخــل .. فتمــرح .. ومن ثم .. تسيطــر .. وتستعمــر قلبــك !! فقــط ابــدأ .. وأرشدهــا لتحذو حــذوك .. لست أقصــد الرومانسيــة فحسب بل .. كـــــــل ما يعتــري الفؤاد !! *** وفقكما الله |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©