حائرة مع خطيبي الغامض وافكر ان اتركه
 

السلام عليكم اول مرة اعرض مشكلتي ع المنتدي بصراحة مستحية وفي نفس الوقت اتمنى انكم تساعدوني بنصايحكم لاني احس اني ضايعة و مو عارفة اخذ قرار
البداية اني اتعرفت على شاب يدرس برا البلد وعلاقتنا كانت محترمة وخلال فترة قصيرة فاتحني فموضوع الزواج وقال انه اول مايرد اجازة راح يخطبني ,خلال الفترة للي كان يدرس فيها كنا على اتصال دايما بس جائت فترة وقطع ما يكلمنى الا ع المسنجر انا شكيت وزعلت منه واخر شي اقتنعت بكلامه و قلت يمكن ضغط الدراسة ولما رد وفا بوعده وجا البيت خطبني كان جدا رومانسي وكانت فترة حلوة بس للاسف ردت له الحالة صار يقلل اهتمامه فيني وشوي شوي ماقام يشوفني كنت اعصب وازعل واقول له اني ماابااكمل بهالطريقة واخر شي ارد له لاني حبيته ويراضيني ويتم فترة ويرد لنفس الاسلوب صراحة مافهمته جربت معاه كل الطرق بس مانفع واخر شي سافر ولا شافني ولاحتى سلم علي بصراحة سبيته وما خليت شي ماقلته لاني كنت مجروحة وما شاف مني شي يخليه يسوي للي سواه ومرة ثانية طلب مني اسامحه وارد له وانه بيتغير ,وانه يحبني ويبا يتزوجني المهم لقيت نفسي اني ضعيفة و ما قدرت اقول لا المهم خلال هالفترة اهتم فيني وكان ونعم الخطيب واتفقنا انه لما يرد نتزوج وحاولت قبل لايرد اني اصلح بينه وبين اهلي لانهم زعلو منه بسبب طريقته واسلوبه المهم اول مارد اتصل فيني وكان جدا رومانسي ورائع وقال انه مشتاق لي ويبا يشوفني انا فرحت وقلت انه اتغير بس العكس كان كل يوم يسوي لي عذر لين ما كمل 6ايام وما شافني ورد لنفس الحركات بس الحين قطعت علاقتي فيه وتعبت نفسيتي واييد وفشلني مع اهلي للمرة الثانية وحتي مسجاتي للي تاثر فيه هالمرة مااثرت تعبت من غموضه وتلاعبه عشت في صراع ودايما اقول لو ما يحبني ليش يرد لي بهالطريقة وليش يتمسك فيني ؟؟ انا خايفة ارد له و اضعف مرة ثانية لانه دايما بعد فترة يرد وكان شيئا لم يكن و, دخليكم لا تبخلو علي بردودكم ابا اعرف شو اسوي وشورايكم فهالشخص الغامض


ــــــــــــــ

تم تعديل العنوان ليتناسب مع المحتوى / البتول

أعطيه مهله أخيرة لتحديد موعد لعقد القران و تاريخ محدد للزفاف (بعد الأتفاق فيما بينكم) و سنرى مدى جديته و التزامه. و الله الموفق

اقطعيه نهائيا ولاتكلميه ولاترمي نفسك عليه وإن حاول أن يراضيكي حادثيه بجدية أنك لن تقبلي بتلك النفسية فإن أرادك يتفضل يعقد القران ومعاه مهلة 3 دقايق يفكر إن وافق كان بها وإن تعلل بأسباب اتركيه للأبد

لو كنت مكانك

اقطعه وبدون تردد

الي يجي بسهوله يروح بسهوله

تلاقينه لعاب وحاب يتسلى

بصراحة اشكركم على تواصلكم وردودكم وكلامكم صح 100% لان ربيعتي قالت نفس الكلام والله يصبرني لان نفسيتي تعبانة ادعوا لي والله يجزاكم كل خير.

اختي بعدي عنه ولا تكلمنه واذا ابغى منك شي تفاهم مع اهل لانه صاره العمليه مافي اهتمام منجهته ومستخف فيك
فل عمليه هنا بتصير........ ها انتي سهله وعادي ماتزعل اراضيها بسرعه ترضى مدري ايش .......لالالاانتبهي من التخاذل
وعمليه القران مو لعب هذي حياه واذا في استهتار بلموضوع مع السلامه الباب يوسع جمل لانه مردود عليكي بعدين...
انا فرائي اذا البدايه غلط والله راح تعبين معه .....لانه بسايرك الى الزواج وبعد ينعفس عفاس يتغير مليون بلمائه وان شالله يكون كلامي مو صحيح لانه هذا انسان مو جدي بلحياه ولا يحترم معنى الاستقرار والحب والأحترام الله يوفقك وان شالله تشوفين حل افضل عندبقيه الاخوان..........

شكرا دنيال صح كلامك بس انا محتارة ليش يتمسك فيني دام انه ما يباني وللي مايبا حد يبعد عنه مرة وحدة مش يرد له وهو ميت عليه واخر شي يبعد انا اشك ان عنده مرض نفسي.

انا رايي من راي باقي الاعضاء

اتركييه واذا رجع واتصل مره ثانيه قولي له : اي قلب يقدر يستحمل تعاملك واسلوبك

و كوني ثقيله معاه لا ترمين نفسك عليه

والله يوفقكم

و الله يا حبيبتي انا رايي انك تبعدي و اذا عاد لك لازم تفكر و تستخيري, انا شايفة انه مش طبيعي, حذاري حذاري من الرجوع بسهولة. هذا رايي و الله اعلم