|
رجعت للوحده القااااااااااتله
اخواني اخواتي بصراحه القسم هذا له معزه عندي واحب كل الأخوات الي فيه واحسهم مثل خواتي وبما ان موضوعي او قصتي مالها مكان بحطها هنا وان شاء الله ماينقلونها المشرفين .. انا ياأعزائي تقدم لي شاب قبل فتره في نهاية العشرينات ومن عائله محترمه ,,, المهم مشكلته انه لسه ماخلص دراسته الجامعيه ,, يعني تأخر لأسباب خارجه عن ارادته ,, والأن يدرس في الخارج وباقي له كم سنه ويخلص ,, انا في المقابل خلصت الجامعه بدرجة بكالريوس من قريب وانتظر الوظيفه ,, في البدايه ابوي ماكان موافق على اساس انه لسه ماتوظف بس مع الأقناع وافق بحجة انه مايبغى يوقف بطريقي ,, انا كنت موافقه على اساس اروح بره معاه اكمل دراستي وهو يكمل دراسته هل شي شجعني .. المهم جا يوم الشوفه ( النظره الشرعيه ) وشفته وبصراحه ماعجبني لكن بيني وبين نفسي قلت الشكل موب مهم مع انه مهم بالنسبه لي بس قلت يمكن شخصيته تغطي عليه ,, المهم صارت الخطبه ... وبعدها كلمنا بعض وفي البدايه شخصيته عجبتني وحسيت انه انسان اخلاقه كويسه وطيب وحنون ,, يعني مواصفات كانت عاجبتني ,,, مع الأيام بديت احس انه عصبي شوي وصار اكثر من موقف بيني وبينه وهو يعصب فيه واسلوبه يتغير على اسباب تافه ,, فأنا خفت قلت اذا على التافه كذا كيف الكبير ,, وبعد صرت احس انه عقله اصغر من عمره ,, هل اشياء خلتني اتردد واعيد حساباتي ,,, يعني انا احسن منه في الدراسه ,, وهو بعده ماتوظف ,, مايندرى بعد كم سنه بيحصل وظيفه على انه يقول ان تخصصه مطلوب بس الحين كل سنه تفرق عن الي قبلها ,, هذا غير ان شكله ماعجبني وعصبي ,, لكن الحق ينقال هو طيـــــب يعني يعصب علي بس بعدها يعتذر لي ,, وحنون ,, المهم انا استخارت كثيرررر في البدايه ماكنت احس بشي بس خوف وقلت هذا شي طبيعي بعدين بديت اتردد وقلت انا ليه اتنازل عن كل هل اشياء ,,, بأختصار قررت اني ارفض بعد صراع طووووويل مع نفسي ,, وقلت له ,, وكان رده اعطيني فرصه وبتغير وانا ابيك ومن هل كلام كلام يخلي اي بنت تغير رايها اذا فكرت بقلبها ,, بس ركنت قلبي على جنب وقررت افكر بعقلي و اصريت على قراري لأني بصراحه تعبت من التفكير والتردد واذا كنت بقدم على شي لازم اكون مقتنعه فيه خصوصا بالزواج ,,,,,,, المهم مشكلتي الحين اني اكتأبت وحسيت اني كنت عايشه على أمل والحين كل شي راح ,, ورجعت لوحدتي ,, وساعات ضميري يأنبني ,, وخايفه يجي يوم واندم على قراري يعني مايجي لي احسن منه ,,, خصوصا وان عملي دوام 9 ساعات وفي مكان مختلط يعني مو كل رجال يوافق وهو كان موافق ,, ياناس قولوا لي انا غلطانه ؟؟؟ هل انا طالبه شي مستحيل ؟؟؟ هل قراري في محله ؟؟؟ هل انا ظلمته ؟؟؟ ولا ظلمت نفسي لما وافقت ؟؟؟ :29: ارجوكم اي كلمه منكم تهون علي .. اختكم / حورية بدون بحر :( |
أختى حورية البحر
طالما أن الأمر انتهى فلا تندمى وانظرى لأمامك ولا تدرين أين الخير0 لاتشغلى بالك بما تجاوزتيه من أيام ، وأما مسألة ظلمتيه فالزوجة بالخيار ورفضها لزوج ما لايعنى ظلمها له كما لو رفضها هو لايعنى ظلمه لها 0 دعيك من وساوس الشيطان وتوكلي على الله وأسأليه من فضله اسأل الله ان يوفقك للخير |
الله يكون في عونك فكري مليآ وقرري
|
اخوي الكبير ,,
جزاك الله خير ,, وبحاول اني اتجاوز الي صار لي والله يسمع منك ويعوضني بلأحسن .. جريح الألم M ,, اشكرك على مرورك ,, انا قررت فعلا بعد عناء تفكير طويل ,, وان شاء الله يكون هو القرار الي مااندم عليه .. |
ان كان ذو خلق ودين .. فأنت خسراااااااااانه
وان غير ذلك فلا بواكي عليه .. |
اقتباس:
لكن مبدأيا اخلاقه كانت كويسه ,,, وبالنسبه للدين كان يصلي ويصوم بس اعتقد انه كان يأخر صلواته ,,, والله اعلم |
معقوله هذا عشمي فيكم ياأهل المنتدى ,, 63 زياره ومافي الا 3 ردود ...
|
و الله يا اختي انا ترددت قبل ان اجيب, انا محتارة اكثر منك, اقرئي موضوعي ,,ما رايكم في من تقدم لي ,, ستعرفين السبب
انا شخصيا وكلت امري لله, هو ما تصلت من يوم الجمعة, ممكن يكون صرف نظر, انا لن اركض وراءه و اصلي صلاة الاستخارة, لو لم يرجع سيكون نتيجة الاستخارة, لو رجع ساحاول معرفته اكثر مشكلتك نفس مشكلتي, حاسة انه عصبي و ضعيف شخصية, بصراحة ممكن اقدر اتعامل مع العصبي, لكن ضعيف الشخصية احتقره الكمال لله وحده, لهذا يجب ان تضعي كل ايجابياته و سلبياته و تشوفي اذا ايجابياته تغطي على سلبياته بالنسبة لك في حالتي ما لقيت شيء ارقعه |
الله يعينا جميعا اختي شكوتي لله ,,, المشكله اني لما احط السلبيات والأيجابيات احس ان
الأمور تتساوى عندي ,, حيره والله ,,, عشان كذا كتبت الموضوع هنا لعل وعسى تكون نظرتكم تختلف عني ,, مااقول الا الله يكتب لنا الي فيه الخير .. اشكرك على ردك ... |
عزيزتي حورية بكون صريحة معك ولاتزعلين مني تكفين.. بس حبيت انبهك
شبابنا90% عصبيين يعني هذا شر لابد منه وماهو سبب مقنع أبدا ارفضيه عشان اخلاقه ارفضيه عشان شرط معين اخل فيه ارفضيه عشان شي قوي سواه لكن مادامه حنون على قولتك ويعتذر معناته فيه ذرة خير ترى فيه رجال يدوسون على كرامة الزوجة ويحقرها انت عارفة؟؟ يزعلها ولايهتم ومايبنون حركاتهم هذي لابفترة خطبة ولاملكة بالعكس يصير كنه ملاك من اللطافة وبعد الزواج تطلع الأنياب اللل لايبلاني ولايبلاك مثل هالرجال حبيبتي لازم تضحين ماهو عشانه! عشان نفسك عشان تعيشين أنا معك بنقطة وحدة بس انه ماتوظف كيف ترضين تتزوجين واحد ماعنده دخل؟!!! ماتدخل الراس هذي أبداااا كيف تضمنين حياتك معاه؟؟ حتى لو كان يدرس مافي أمل اوافق على واحد مثل هذا ماضمن حياته لنفسه عشان يضمنها لي صح؟!!! شوفي انا صار لي موقف مشابه بالنسبة للموافقة والرفض لكن انا من البداية مارتحت له ابد ولا لطبايعه والكل يقول خلوق ودين لكنه عجول وماينوثق فيه أبد يعني ماهو رجال مضبوط وعجول جد ا في قراراته صاحب مشاكل وشفته ومارتاحت لشكله ابد لكني وافقت لأني شفته راغبني وكنت خايفة من عمري اللي يمشي وافقت وانا من جوا أصااااااااااااااااااااارع أتعذب ماأبغااه ابدا وافقت في البداية بعدها قلنا انتظر اسبوعين للإستخارة ومع ذلك قلت لأهلي موافقة بس امي كاشفتني وهي اللي رفضت يوم رفضوه اهلي حسيت براحة غير طبيعية والله لكن احيانا تجيني حالة يأس واقول اه ياشوبارد ليتك وافقتي العوض ولا القطيعة ههههههه ومادامك انهيني موضوعك لاتتضايقين ولاشي.. ثقي ان الأمر هذا مقدر ومكتوب وكل اللي صار مجرد أسباب عشان ينتهي موضوعك الله يعوضك ويرزقك يارب موفقة ياحلوة |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©