ماهو الحل مع العادات والتقاليد الله يخليكم
 

السلام عليكم ورحمة الله وبركاته بم ان هذه اول مشاركه لي حبيت اقول لكم جزاكم الله خير على هذا المنتدى الرائع.ومشكلتي ياخواني اني احد ضحايا العادات والتقاليد طبعافي عادات الزواج و الا العادات الاخرى يمكن يكون لها ايجابيات انا شاب في العشرينات من عمري يسرلي الله الحصول على شريكة العمر الله يحفضها خطبت وملكت قبل ستة اشهر والزواج ان شاء الله بعد رمضان والله تصدقون ماعرف الااسمها.ولاقط شفتها والاعرف عنها اي شي الا اهلي يوصفونها لي بس .والله اني اعاني واجد من التفكير .وبعد ماقريت في منتداكم الايام ذي جايتني فكرة اني ابكلمها وابي اشوفها ياليت لو اشوفها لومتحجبه المهم كيف ا كسر العاده ذي وكيف افاتح اهلها في الموضوع وكيف بيكون حال البنت لواني طلبت كذا واتمنى من الاخوات في المنتدى بخبرتهن هل البنت تعاني مثل ما انا اعانيه وهل اعتبر مقصر معها وماهو شعورها تجاهي مع اني ليس لي لاحول ولا قوه

مراااحب أخوى
ليش ما تطلب من أهلك انك تقابلها
وتشووفها يمكن تغير نظرتك فيها
ويمكن تعجب فيها أكثر من ناحيتك ومن ناحيتها
وليش تشوفها وهى محجبه يجوز لك أنك تنظر
شعرها ويدها ووجهها بالدرجه الاولى وقدميها
يعني لا تعقد الأمور قل لأمك ترى حنا في عام 2006
والله يوفقك

خطبت و ملكت قبل 6 أشهر؟؟
يا ناس و ين شرع الله سبحانه و تعالى؟ الرجال متزوج شرعا من 6 أشهر و ما يعرف عن زوجته شي؟؟؟
سبحان الله.. و ما السبب؟؟ اطلب رؤيتها بطريقة مهذبة و لائقة.. فهي زوجتك.. حاول التعرف عليها..
(و الله غريبة تنصح شخص بالتعرف على زوجته) ربنا يوفقك و يعينك و يتمملك على خير.

اخونا الفاضل
لا الشرع ولا القانون يمنعك من رؤيتها وحتى الفضاء معها أيام جميلة والطلعة معها
فلما1ا يمنعون ما احله الشرع؟ وما فائدةعقد القران قبل الزواج اذا انت لا تستطيع رؤيتهاهداهم الله واصلحهم
صراحة لو خطيبي أو زوجي لم يراني بعد الملكة ساترمه لأانه لو لا يهتم بي ويريد رؤيته أنا لن اتعب نفسي معه
خاصة ان ايام الملكة من اجمل الأيام
أرجو ان تصر على رؤيتها
والله يوفقك

اخي ، انا مررت بما تمر به انت الان ، من حقك ان تطلب الرؤية الشرعية ... ومن حقك ان تكلمها وتتحاور معها

ومن حقها ان تشعر بأهتمامك وحبك لها , اطلب ذلك من والدها او اخوها الكبير...... ولا تخجل فهذا حقك

واذا هم حريصين على سعادة بنتهم ، ويخافون من ربهم ، راح يوافقون

وراح ازيدك بعد ، على كثر ما تعاني انت ، فالبنت تعاني اكثر ، لانها تحس دائما انها في انتظار المجهول !!!!!!!!!!


تحياتي لك ووفقك الله

طبعا
اكيد تعاني زيك

طيب كلم اهلك بهل الخصوص
او احد اخوانها يكون فاهم

الله يعينكم

العادات والتقاليد العادات والتقاليد العادات والتقاليد العادات والتقاليد العادات والتقاليد العادات والتقاليد العادات والتقاليد


ذبحونا فيها !!! الى متى هالتخلف ؟؟؟
والله شي يقهر .. الشباب خلاص صار عنده عزوف عن الزواج
كله بسبب عادات .. انا مره شايب قال لنا انه ما عمره شاف زوجته ابد ؟؟ الى هالدرجه تخلف وش يبي فيها خلها لاهلها اجل !!!

اخوي نصيحتي لك .. حاول باي طريقه تشوفها .. اما تتفق مع احد من اهلها يكون واقعي ومتفهم مو متخلف .. وعنده العادات اهم من الشرع .. او ابتعد .. اهون من لا قدر الله تنصدم فيها بعد الزواج ما تعجبك وتعيش حياة تعيسه !!

هذا رايي لك وربي يوفقك .

هل يعقل ان نترك ما امر به الدين او سمح به ونمنعه نحن المخربون هل نغير السنة الشريفة هل نحن الى هذا الحد ارهابيون هل يعقل ان يبقى احد لهذا الوقت لم يشاهد زوجته شرعا بسبب العادات والتقاليد ......انا شخصيا لا اعترف بشيء اسمه عادات وتقاليد لانها اصبحت مؤثرة على البشر انها تخلففففففففففففففففففففففففففففففففففففففففففففففف . وشيء محزن ومبكي نريد ان نكون حياة زوجية اين واين .....الله المستعان..الله يعينك يا اخي