|
هنئوووني
طيبين.. داخلين تشاركوني صح؟
هنئوني.. باركولي يامن شاركتموني همي اكيد تتوقعون اني انخطبت ياليييت.. تصدقون ودي اوهم نفسي اني تملكت واكتب لكم موضوع واقرا تهانيكم ودعواتكم لي وأفرح وأدخل جو من الخيال << انهبلت اليوم صار عمري 26 سنة ياسرع الأيام وتعدي.. بالعادة كل سنة ارسل لصديقاتي بيوم ميلادي رسالة: ( في مثل هذا اليوم جاء الى الدنيا القمر شوبارد.. فهنيئا لكم بهذا القمر وكل عام وأنا لكم بخير) <<< ثقة ههههه هالمرة ولافكرت أرسل ولاطري على بعد!! ضايقة والله اذا احد تقدملي اقول لأمي ترى بعض الناس يحسبون اعمارهم بالميلادي وتنقص سنة قولي لهم عمري 24 لاتقولين 25 وامي رافضة تقول مانبي نخدع أحد والحين وش بسوي؟ زادت حالتي اكثر و26 صار قدام عيوني كل ماقمت وجلست أمس كنت بجمعة مع اقاربي.. بس اتامل البنات اللي اصغر مني وكلهم يقولون حظك ياشوبارد افتكيتي من الدراسة اااه مع كرهي الشديد للدراسة بس والله اتمنى نتبادل بأعمارنا.. نفسي أرجع شوبارد البريئة اللي ماتدري وين ربي حاطها فيه همها دراسة وجمعة بنات وضحك وسوالف وبس!! ساعات استحقر نفسي تفكيري صار محدود جدا.. همي الشاغل الزواج.. كل شي بحياتي أربطه بالزواج! هالدنيا تمشي وكله من اعمارنا واحنا مانحس!! مر علي شريط ذكرياتي المؤلمة كل من تقدم لي وتألمت اكثر والحين اكثر وأكثر عمري يمشي وانا مكاني سر قررت اول واحد يجي بوافق على طوووووول معد اتحمل ابد خصوصا من الناس حتى المتزوجات صار يخافون مني على أزواجهم!! شي مؤلللللم أتذكر لما صار عمري 20 كنت ضايقة كنت اردد باي طعش باي طعش ومن سنة كنت اقول صار عمري ربع قرن والحين تعديت ربع القرن اللهم لاتجعل الدنيا اكبر همنا.. الله يريح البال ويهدينا جميعا |
أختي الحبيبه شووووووووووووبارد
ألف ألف مبروووووووووووووووك والله فرحت فكرت موضوع زواج ......:14: :14: :14: .............. إن شاء الله نبارك لك بالزواااج قريب بس مو أي واااحد........ لازم يكون وااااااااااحد يستاهلك لانك عزيزه علينا................... |
ياحي ياقيوم
يامن لا يعجزه شيئ في الأرض ولا في السماء أسألك وأنت لقادر أن تفرحنا بخبر زواج أختنا شو بارد ياحي ياقيوم صالح بن صالح |
شوبارد
ياملحك انتي واسلوبك الله يسمعنا عنك احسن الاخبار وصدقيني لو انك تدعين في سجودك اللهم اتني في الدنيا حسنه وفي الاخرة حسنه وقني عذاب النار ....انكم لتشوفين عريس الاحلام يطق الباب ....بس مع الاصرار والايقان بالإجابه ويا عزيزتي كم مصيبه عند المتزوجين كل ما جا الشيطان يحسفك على عمرك تذكري مصايب المتزوجين تهون عليك مصيبتك وصدقيني ما بقي اكثر من اللي راح انتي شدي حيلك في الدعاء وايقني بالاجابه والله ينولك اللي في بالك |
شوبارد يالغاليه
الرزق عند من ونصيبك بيد من ومن الذي اخر زواجك واسم زوجك مكتوب عند من ويوم زواجك المقدر لك من يعلمه اجيبي عن هذه الاسئله وسااهنئك واشاركك |
والله كنت حاسة انكم في السعودية تعدون بالهجري, لكن خفت اسالكم يصير عمري 37 سنة
عندي سؤال لما تتكلمون عن سن الياس هل الحساب هجري اوميلادي اذا كان هجري فانا على شفى حفرة من اليأس:24: ربنا يرزقنا قريبا |
العمر كله يا شوبارد .. توك في عز شبابك والنصيب يجي بحول الله وقوته لكن المهم الرجل الصالح فقطططط بس تصدقين فرحت حسبتها فعلا بشارة يالله خلينا نسمع خبر مفرح قريب http://forum.ma3ali.net/images/smilies/as2.gif . . . . . . محبتك بنان |
شدعو شوبارد اللي يسمعك يقول داخله 36 سنه
26 قمة تفتح زهور الشباب والحيوية وش فيك مكبره نفسك واجد بينك وبين يقال عنك كبيره شوى عشر سنوات الله يلحقنا واياك خير |
فال خير
وأبشري بالخير الله يسعدك |
عقبال ما تحققي احلامك وامالك
ونشوف الفرحة تملي قلبك كله اللهم زدها علما وايمانا وثباتا وارزقها الزوج والذرية الصالحة تمنياتي بالتوفيق أختك نجمة الصباح تحياتي |
| الساعة الآن 06:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©