|
ارجوكم صديقتي الغالية تموت امامي !!
السلام عليكم ورحمة الله وبركاته رجاءا رجاء خاص من كل عضو يمر هنا يكتب نصيحته لأن كلامي خارج من اعماق قلبي لانه يمس اعز صديقاتي واخلصهم ويعز علي شوفتها بهذا الحال الصعب دون ان استطيع التخفيف .. اخواني صديقتي بنت جميله مثقفه بنت عائله جامعية وتلفت النظر في اي مكان تدخله بأسلوبها وجمالها ورزانتها عمرها 24 سنه ولكن للاسف الحظ يعاكسها دائما تلقى بنات يضايقونها ويغارون منها في الجامعه وفي العمل الان بعد التخرج والادهى والامر ان كثير من الشباب يتقدمون لخطبتها لكنها لم توفق مع اي منهم والعجيب في الامر ان الموقف ذاته تكرر لاربع مرات ان الخاطب يغير رايه بعد مقابلتها هالامر احبطها خايفه تدخل اي مقابله شرعيه بعد اللي صار اما الخطاب غير هالاربعه فكلهم هي رفضتهم والله عددهم كبير اكثر من 12 هي كانت رافضه اساسا 3 من الخطاب اللي غيروا رايهم لكن الرابع هو الوحيد اللي حبته بحكم انه يعمل معها وتعرف شخصيته واقتنعت فيه خدعها بعد ما اعترف لها بحبه وكلم اهلها كان باقي يحدودون كل شيء بس في نفس الفتره تقدم شاب آخر لخطبتها فطبعا اخبرت خطيبها فستغربت من تصرفه لانه قال لها شوفي الرجال يمكن يطلع احسن مني تقولي انصدمت صدمه عمري ما توقعت منه هالاسلوب ومن يومها وهي حالتها مأساه وقطعت صلته فيه تقولي اول مره ارتاح لشخص واحبه واختاره ابو لعيالي وشوفي وش يسوي فيني بمعنى انه تخلى عنها واحرجها قدام اهلها البنت في دوامه عجزت انصحها واقول لها ربك بعوضك مافي فايده تقولي ما اشوف بالدنيا غيره وتبكي طول الوقت ولا تاكل وانا يعز علي اشوفها كذا تذبل قدامي بسبب انسان تخلى عنها وما يستاهلها وبنفس الوقت هي تبي تتزوج من شخص جامعي وكذا شخص رفضته لهذا السبب مو مقتنعه تتزوج من انسان مش مكمل دراسه ماني عارفه كيف اقنعها الله يخليكم انا معتمده على الله ثم عليكم عشان نساعدها لا تبخلون علي بنصايحكم |
حبيبتي هوني عليك ونصيبها مايزال ينتظرها في مكان ما.........اما بخصوص ذلك الانسان الذي احبته فليس الحب كل شئ في الحياة صدقيني انا اعرف ان الدنيا تظهر لها الان كلها سواد واعرف كذلك ان جرحه صعب النسيان لكن لا اعتراض على امر الله والحياة لا تهب لنا كل ما نريد وانت بفمك قلت ان صديقتك متفوقه وجميلة .....الخ فاكيد بنا يريد ان يمتحنها على نعمه وهذا الانسان تنازل عندها من غير اي سبب فهو بصراحة لا يحبها حاولي ابعادها عن ضغط الشغل اقنعيها بالسفر الى مكان ما وتاكدي انها لما تصحى من صدمتها ستهزء من نفسها لن اقول ان حالتها تشابه حالتي لكن الضروف القاسية حرمتني من اول شعور احسست فيه بطعم الحب ادعي لها في صلاتك ولا تنسي تطمنين عليها اختك وجدان
|
أظن اللي هي فيه من رفضها للعرسان اللي قبل. مو معقوله 12 ومع الثلاث اللي كنسلوا من نفسهم يعني 15 ولا واحد زين أو ملا عينها <<<< سبحان الله هي شربت من نفس الكاس اللي شربته للي رفضتهم.
|
لاحول ولاقوة الابالله
|
عزيزتي
خليها تدخل المنتدى هذا ... وتشوف سالفتي انا وعزيزتي شوبارد وبنان وباقي البنات ... في المواضيع والردود .... لأن فيه بنات كثيييييييييييير يصير معهم الشي هذا سبحان الله .... مو هي لحالها اللي صار لها الشي هذا .... وعلىالأأقل هي رفضت 12 شاب وهذا عدد مو قليل ابدا .... ليش تتأثر لما يرفضها شخص واحد ... اللي يصير لها طبيعي ويجي يوم وتعرف وتقتنع انه خير .. لكن بما ان الموضوع جديد عليها فهي مصدومه شوي .. كم يوم ان شاء الله وتعدي الأزمه هذي .... والله يعين الجميع |
قولي لها
مافي مثل الدعااااااااااء بجوف الليل تدعي ربها يصرفه عنها وقولي لها اذا ماكنت تعرف (قل لن يصيبنا الا ما كتب الله لنا ) واكيد انه مو من نصيبها وعسى ان تكرهو شيئا وهو خير لكم وعسى ان تحبو شيئا وهو شر لكم |
بصراااااحه ما أعتقد أنه فيه انسانه ترضى تاخذ وااااااحد رفضها....و قالها روحي شوفي رزقك...................؟؟؟
هـــــــــــــــــــــــــــــــــذا أســــــاســــــــا ما يستاهل حتى إنها تفكر فيه............ قولي لها بكل بساطه إللي ما يبغيني مره ما أبغيه ألف مره أما بالنسبه لي شروووووووووطها بالزواج فهذا حق شرعي لها من حقها إذا تبغي جامعي أنها تطلب جامعي بالنسبه لعمرها فهي بعدها صغيره و إن شاء الله تاخذ اللي يستاهلها |
فعلا صدمه ..!!
الله يعينها ويعوضها خير وما تدري ما تخفيه الأقدار لها لو فرضنا تزوجته ولم تعش معه في سعاده بل هموم ومشاكل الله يعلم ما يصلح لنا نحن العبيد والله المستعان . . . . . بنان |
و الله شئ لم افهمه بما انها مخطوبة كيف قالت لخطيبها ان حد ثاني خطبها
يعني هدا الشخص الثاني لازم يكون سال او اتصل قبل لا يجي بيتها يعني كانوا خبروه انها مخطوبة لا ان تخبر هي خطيبها ان هناك من يطلب يدها تتخيل صديقتك نفسها مكان خطيبها يجي و يقول لها ابوي خطب لي اعتبارا لعزة نفسها سترد روح مع اهلك و لا اريدك خطيبها تصرف بتلقائية و صراحة و له العدر و الخطا راكب صديقتك من راسها لساسها |
اشكركم اخواني وخواتي على ردودكم الله يكتب لها اللي فيه الخير
بس تعقيبا على كلام ألم حبوب الواحد ما يتشمت يعني لو عندك بنت ترضا تزوجها من اي واحد لو يخطبوها 100 وماهم كويسين مستحيل بتوافق السالفه ماهي بالعدد البنت تبي شخص ملتزم وجامعي لا طلبت فلوس ولا جمال وحسب ونسب وهذا ابسط حقوقها اما الاخت ام سليمة يا عزيزتي البنت كانت ما ملكت ولسا ما يعرف بخطبتها الا كم واحد من عيلتها يعني ما شاع عند الناس لسا اهل الولد ما جاو واتفقوا حتى على موعد الملكه اللي كان بينهم هي موافقه من الطرفين وبعلم الاهل والبنت لما قالت له عن خطبتها كانت تبيه يقدم موعد جيه اهله لبيتها علشان الاتفاق على موعد الملكه فما اعتقد انها غلطت البنت تنخطب ولازم يعرف بهالشيء علشان يستعجل بالموضوع تعرفو انا وصلت لقناعه انه الولد ما حب البنت حب زواج وهو والله ما يستاهل ظفرها لكن صعب افهمها انه الشخص اللي حبته ما حبها لا تبخلون علي بردودكم ومشكورين مره ثانيه |
| الساعة الآن 02:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©