|
أريد كل شيء عن صلالة
السلام عليكم ورحمه الله وبركاته...:d
اللي راح لصلالة... واللي عندهم خبرة في التجوال والسفريات وتقدير الميزانية للأشخاص يساااااااااااااااااااااااعدني!! أريد معرفة سعر التذاكر لشخصين بالغين!!؟؟ أفضل مكتب سياحة للحجز!!؟؟ ماهي أقل فترة عند تقديمي للحجز وأنتهاء أوراقي من قبلهم!!؟؟ مثلاً:لو أقدم طلباتي للمكتب بعد يومين أو ثلاثة أخلص ولا لا!!؟؟"عشان أيام الأجازة ماتضيع!!" ميزانية السفر!!؟؟ الأماكن السياحية!!؟؟ نظام الفنادق!!؟؟وأفضل فندق نظيف من كل شيء!! المنتزهات والأسواق!!؟؟ الجو الآن!!؟؟وفي العطلة الصيفية؟؟ مايميز صلالة عن غيرها؟؟ هل الميزانية عند بداية الصيف أكبر من الميزانية عند أنتهاء الصيف!!0 0 0 تحياتي لكم...:d |
الاخت الفاضلة هو في قلبي
السلام عليكم انا ماعمري رحت صلاله ولكن اتمنى ان هذا الرابط يفيدك صـــــلالــــــة.... جنة الخليج....معلومات سياحية... وسفرة موفقة ان شاء الله تحياتي |
هلا وغلا
الأخ الفاضل فهد
مشكوو:22: ووو:d ووو:22: ور على الرابط وتسلم كثير....:17: أن شاء الله تسافر صلالة أنت والعروسة.... حبيت أقولك أني قبل ماأروح لصلالة بروح للمدينة المنورة....:d آخر زيارة لي للمدينه لما كنت في ثالث متوسط!!؟؟ والله زمان عنك يالمدينة... 0 0 تحياتي الحارة لك....:d |
الاخت الفاضلة هو في قلبي
اشكرك على دعائك لا تنسين ننتظر موضوع منك عن صلالة نعم الاختيار فالمدينة المنورة هي اطهر مُـدن الارض اي استفسار حول المدينة انا جاهز تحياتي |
منتجع سمهرم السياحي
عباره عن شاليهات بجانبها مسطحات خضراء واشجار وبرك سباحه وبحر وفندق وملاهي وخيام بداخلها معارض للتسوق من الصين وسوريا ومصر وغيرها من الدول أنا سكنت فيه من سنتين الشاليه الصغير ب200 يحوي غرفه ودورة مياه وبوفيه صغير والكبير ب600 ريال سعودي به ثلاث غرف مع كل دورة مياه مع مطبخ وحمام رابع وصاله وغرفة طعام الفنادق المطله على البحر معظمها خمس نجوم وراقيه اتذكر جنبنا الهوليدي ان اول ماتوصلين الجبل الاخضر يعطونك كتيب فيه خارطه للمواقع السياحيه جوها غيم ومطر بهالوقت خريف جوها عليل ويفتح النفس ومناظرها خلابه تراها حلوه مع الجمعه خذي كل اللي تعرفينهم وروحي الله ييسرلك امرك |
كاني غيرت رايي
نفكر انا وزوجي نروح ماليزيا مازرناها من قبل شكلنا بنحول على صلاله لو هي ارخص |
أخي الموقر فهد
لا تنسين ننتظر موضوع منك عن صلالة لك وعد مني أذا رحت لأنزل موضوع عن سفري.. بس المشكلة واللي خايفة منه جهة العمل ماتوافق!! زوجي في السلك العسكري ومو أي سلك!! ومو أي وظيفة!! يكفيني العام أنه قطع أجازته بسبب أمر من جهة العمل!! وأنا شكلي هذي السنة بطق وأنا ميته!! وأذا مافي نصيب بقضيها في المدينة ومكة وجدة... قدمنا الأجازة بس يارب يوافقون.... تحياتي لك...:d أختي الفاضلة ختام مشكووووووووووووووره على المعلومات... شوقتيني مرة... تحياتي لك...:d أختي الفاضلة smsh ذكرتيني بشهر العسل ماليزيا... ماأمداني أسافر لها الإ وتنقطع أجازة زوجي ويجيه أمر وأجي للرياض على طول.. بسبب أشياء صارت وتوجيهات وأوامر!! أنقهرت توني عروس والعام أنقطعت الأجازة بأمر بسبب أمور ماأقدر أكتبها... وأنا الآن كلي أمل أن هذي الأجازة مايصير فيها شيء وأسافر برا.... تحياتي لكِ...:d |
ياهلا فيك يا هو في قلبي وان شاء الله تستمتعين بالجو كثييييييييير :22: شوفي يااختي ... أول شي بالنسبة للسكن ... هناك مستحيييييييييل تحصلين أقل من 200 ريال سعودي وحاولي تختاري مكان شوي بعيد عن مركز المدينة لانه من كثر الرطوبة تسحي غير :21: واختاري مكان نظيف وتأكدي من نظافته احسن لك بالنسبة للأماكن ... أنصحك وبشدة لاتفوتين دربات من ايدك ...... اروع مكان هو دربات ( خيالي مرة :17: ) كان كذا السنة اللي طافت ماادري هالسنة كيف أنصحك تروحي بشهر 8 ........ يكون البعوض خف ....... والزوار أقل ..... والجو بدا يبرد أكثر :24: طبعا اذا رايحة بالطايرة تحتاجوا لكم تستاجروا سيارة ولو دفع رباعي يكون أحسن لانه الأماكن الاثرية فوق بالجبال وتحتاج مهارة وسيارة قوية المغسيل ....... منطقة النافورات الطبيعية ماانصحك تروحيها كثير ... لانه طريقها بعيييييييييييد وتحصلي زحمة كثير ومااشوف انه التجربة ممتعة قد ماهي مخيفة :( لانه هم كل على بعضهم 4 نافورات بس قبل لاانسى ..... لما تروحين تأكدي انك لابسة زين :d ترا البعوض يقرص :) خاصة اذا رايحة بشهر 7 يعني ضروري تلبسي مغلق انتي وزوجك وأنصحك تاخذي معك كإحتياط ... مرهم ضد لسعات الحشرات :d لانه بالخريف مابتلاقيه بكل صيدليات المنطقة ......... يخلص من كثر الطلب :23: اما بالنسبة للسوق ....:d وما أدراك مالسوق السوق الشعبي ..... واللي تقدين تشترين منه التذكارات والبخور ....... الخ افضل انك تروحيه بالصباح اذا ماتبين الزحمة ، ترا بالليل صعب واحذري ثم احذري الغش بالبخور .......... اللي تشوفينهم باسطين برا ترا اغلب بخورهم مااصلي فيه دكان مشهور تقريبا اذا انا ماغلطانة ....... مال عوض ، ولد عوض ، شي كذا ..... هذا بخوره مضمون اختي :22: ولاتنسي تشتري اذا حبيتي لبس ظفاااري ترا اللي مرة حلوة خاصة للي عليهم جسم :22: وطبعا هناك مركز البلدية للاحتفالات .. وهناك الرقصات :d والحفلات :d وفيه معرض للتسوق حلووووووو :) والعاب الصغار الكهربائية :d ولاتنسي هناك تتطالعي الالعاب النارية ولاننسى بطنك :d لازم لها من الحلو نصيب ....... لاتنسي تشربي ماي نارجيل ........ واطليبه بارد ومن الثلاجة وبكليكنس عشان مايوسخك ... بتحسيه منعش بالجو الرهيب وفيه اكلة مشهورة يطبخون فيها اللحم أو الدجاج عالحصى الساخن بس مرررررررررة حلوووووووووووووة :17: بس نسيت اسمها ......... هو غريب شوي عالعموم اختي :17: لرحلة موفقة :17: وا1ذا اي استفسارات اخرى حاضرين |
انصحك توفر فلوسك وبلاش من صلاله عاديه جدا لافنادق ولامطاعم بدائيه جدا ابها قبل 15 سنه نصيحه لاتروح يذبحك البعوض ويخليك تبكي وبالنسبه للاسواق اتحداك تلقى سوق زين عن تحربه العام الماضي
|
السلام عليكم ورحمه الله وبركاته
الصرااااحه صلاله رااااحه نفسيه... انا كنت سااايره لهاا الصيف الي طاف انا والعايله ... ونااسه هي احلا وقت للسيره لهاا شهر 8 بس لا باااس بشهر 7 والله عن البعوض ,,,, موجود وبكثره بس في المناااطق الي فيهااا شجر ... بس في صيدلياتهم بتلاقين مرهم مادري بخاخ عن البعوض قبل وبعد اللدغه .. وعنا نحن الصراحه استأجرنا بيت لناا نحن و العايله وعن الاسواااق .. اممم الصرااحه هي مش لمشااري وغيرهااا انا اشوووف صلاله لسيااااحه وراااحه نفسه اكثر .. وفيهاا وااايد منااطق ... وودياان وعيوون تقريبا زرناها كلها ((نصييحه ناخذوون خريطه ويااكم)) ونصيييحه اذا بالطيااره بتسيروون استأجروو سياره هناك بس على شرط تكوون فوروييل وهذي بعض الصور علشان تتعرفين على الطبيعه هناك http://up.w6wup.com/up2/2006/07/02/w...58a81245ff.jpg http://up.w6wup.com/up2/2006/07/02/w...04898b5da2.jpg http://up.w6wup.com/up2/2006/07/02/w...43a6e45e77.jpg http://up.w6wup.com/up2/2006/07/02/w...29d4667ee8.jpg والسموحه |
| الساعة الآن 08:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©