|
والدي يشكي أمي
السلام عليكم ورحمة الله وبركاته
كلي ألم وأنا اكتب هذه الكلمات اتصل والدي علي بالامس يشتكي من والدتي ويقول انه لايرى منها ابتسامه وماتعطيه وجه وحتى على السرير تدير ظهرها صراحه انا ماقدرت اتكلم كل اللي قلته شوف اشفيها يمكن في خاطرها شي قال ماسويت لهاشي وريتها الكتلوجات ولاعطتني وجه المهم زبدة الموضوع الوالد الله يهديه عصبي والكلمه كلمته يبي الكل ينفذ وبس العسكريه ماسوت خير وامي ياعيوني مالها حول ولاقوه يوم قربت من سن الخمسين اصيبت بنسيان وسهو وتجيها حالات فقدان ذاكره فجأه أبكي عليها وهو يضحك ويصرخ ويقول تستهبل علينا ماأدري شقول بس حابه اقرب بينهم ولاني عارفه مااقدر اقوله انت بعيد ماتحسب لها حساب تهينها الصبح وتبي تعطيك وجه بالليل طبعا هو اهم شي عنده الجنس ويرا ان رجولته انشمخت في اعراضها عنه(تصور من عندي) طبعا انا استشرتكم لان لو كلمته كلام لين وحلو مايتنزل حتى يطالعني وبيركبها الحق لو هو غلطان بقولكم بعد ان امي ولدتها امها وماتت وعانت من طفوله قاسيه وجا ابوي وكملها ماعنده حنان يبيها وقت النوم وبس مايتكلم ولايسولف ولا يضحك همه تلفزيون ودخان وبس حتى في جمعتنا حده السلام ويقابل التلفزيون ولايعلق على اي موضوع الا اذا كان يبي يصرخ طبعا طول ماهو موجود احنا مانتكلم الا بخفيف نخاف نزعجه ويقبع فينا احنا عياله مانتذكر منه حنان بس انا افكر اصلح بينهم واحيانا اقول خلني بعيده هو لو يسمع مني عندي كلام كثير حبيت تشاركوني وتنصحوني دلوني بروح اليوم ماادري شقول |
انا أرى ان تكلمي والدك لأن المشكله فيه
امك أمرأه تعدت الخمسين وتعاني من فقدان للذاكره او التركيز أذن أمك مريضه ويجب ان يقف معها الوالد لأن المرض ما فيه هبال وانا اقترح تودينها طبيب وتطلبين لها أشاعه مقطعيه أو رنين مغناطيسي تعرفين السبب والأفضل يكون معكم حتى يعرف بنفسه مستوى المرض الذي تعانيه الوالده ألا أذا هي اجرت عمليه أستأصال الرحم يكون هو السبب وراح يشرح له الطبيب ومتأكد انه سوف يقدر وضعها ويرحمها ويعطف عليها لأن ما فيه قلب لا يحن أو يرحم ... أذا الحل الذي أراه أنا هو ان يعرف مستوى مرضها وعن طريقه احد غيركم في البيت مثل طبيب ...... والله يحنن قلبه عليكم ويشفي والدتك ويبارك فيك ويخليك لهم |
نصيحة لله
اولا وقبل كل شيء تأخذ امك لمستشفى تفحص يمكن عندها مشكلة بالغدة الدرقية وبعدين البقية. تحياتي |
اللي ردوا علي ماقصرتوا
سامي العجمي امي لها الآن اربع سنوات وقال لها بيوديها الدكتور بس هي رافضه وبعد ان استفحل الامر ابن خالي عمل لها مواعيد في مستشفى في غير المنطقه وهي تتابع معاه وابوي مايتنزل حتى يوديها اخواني مايعرفون يتصرفون لانهم واقعين تحت سيطرته تعودوا لما يأمرهم ينفذون على العموم لي عوده |
ينقل الموضوع إلى قسم الثقافة و التوجيهات الزوجية
|
aim
الف شكر على مداخلتك _______________________ أحب أبشركم غني ذهبت بالامس لاهلي وجلست مع امي وحاولت افهم اللي في خاطرها ثم صعدت له الغرفه ودخلت وكانت الغرفه مظلمه والتلفاز شغال:24: :24: سلمت عليه وسألته عن الاخبار وسألته عن الموضوع اللي كلمني فيه وقال لاتغيير وبدأت معه المشوار بمثال واستدرجت في الكلام حاول يرفع صوته ويدافع:29: لكني حاولت امتصاص غضبه وتهدئته وان غايتي من الكلام تهدئة النفوس حاولت اتعامل معه باسلوبه:11: وتكلمت عن فن المعامله وتطرقت الى معاملت البنت والابن ودعمت بالحديث الشريف ووضحت له ان الحياه الدنيا مزرعه للحسنات اذا هو قصد بعمله وجه الله واتشعب بين الكلام واذكر مواقف وكيفية علاجها وقلت له ان المرأه مهما كان اللي في خاطرها ماتحتاج منك مبررات او دفاع فقط تحتاج انك تكون مستمع جيد:15: وتراعي شعورها وان الصد ماكان الا نتيجة فجوه في داخلها وصراحه كان الكلام طويل يصعب شرحه امتد قرابة الساعه بس ماتوقعت منه انه يسمعني حسيت بانجاز كبير:17: فعلا الاستماع الجيد مريح طبعا هو عيونه منصبه على التلفاز بس إنشاء الله سمع اللي قلته وتفاعل معي بشكل جيد لكنه يزال مصر على ان المرأه لازم تخضع:30: بس أنا أكدت له ان لازم يكون حريص على التغيير وضربت له مثال لو كنت مسافر الى الرياض وتفاجأت في الطريق لوحه تبين أن الطريق يوصل لجيزان ماذا تعمل قال اغير الطريق:22: قلت له اذا كان هدف الزواج سعاده وانت تشوف عكس ذلك اذن غير الطريق اذا كان هدفك في الحياه الجنه وانت تعمل بعمل اهل النار اذن غير الطريق ضع هدف وسر في الطريق الصحيح واذا رأيت عكس ماتريد غير الطريق قلت له قصة مالك بن دينار وحسيت انها عجبته لكثرة المفاجآت اللي فيها صراحه انك تتكلم مع واحد زي عقليت ابوي صعب للغايه بس استماعه وعدم مقاطعته خلاني أطمئن وحسيت اني سويت اللي علي والباقي علىرب العالمين ختمت حديثي بالاعتذار اذا قلت كلمه تجرحه وان غايتي يكون هو واللي حوله سعداء وسلمت عليه وحبيت راسه وطلعت حبيت اعطيكم تصور عن اللي صار ومن يوم جيت نمت نومه هانئه :15: احسد عليها روحت تعب ليالي كثيره من السهر والقلق اشكر كل من تفضل بالمساعده وكذلك اشكر كل من مر ودعا دعوه بظهر الغيب كانت ثمارها واضحه من خلال السكينه اللي حلت اثناء النقاش في الاخير قال ابوي تصلحين تعطين دورات ومحاضرات:18: أثر هالسكوت كله كان استغراب إن بنته تكون متحدثه جيده:23: |
الله يعطيكي العافيه ويهدي النفوس
<<<<<............... لازالت المفاوضات جاريه ومحاولات الاصلاح والتي استمرت سنين ولانعلم متى تنتهي ويحل السلام |
ماشالله الله يسعدك ويبارك فيك
ويحفظ لك والديك ياختام ختم الله لك جميع امورك بخير واسعدك |
بارك الله فيك
إنجاااااااز عظيم لم اكن أتوقعه لكن و مأ أصعب لكن متى يفهم الرجال إن المراة والأسرة عموما يحتاجوا منهم لابتسامة و رقة و حسن إنصات متى يفهمون ... متى يفهمون والله تحكي صديقتي وهي ما شاء الله كبيرة .. تقول أول ما يوصل أبوها البيت إلى و الصراخ سابقه يعرفون إنه جا من الصراخ ... حتى يمكن قبل ما يسلم على أهل بيته صلى الله عليك وسلم يا قدوة العالمين ..والله لو الرجال اقتدوا برسولنا الكريم في تعامله مع أهل بيته و كذلك النساء لما صارت الحالة في البيوت لهذه الدرجة ... أسأل الله أن يصلح أحوال المسلمين في كل مكان |
| الساعة الآن 07:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©