|
من امرأة إلى رجال المنتدى سؤال
يارجال ابغى اسألكم سؤال وابغى جواب من وجهة نظركم كرجال لأني تعبت وبدخل في دوامة نفسية
المهم.. انا زوجي شخصيته سطحييييييييييه جدا جدا جدا يحمل عقلية طفل وليس رجل .. ما يعرف ايش يبغى ولا يعرف يعطي رايه في اي شي بالدنيا صحيح طيب بس وصل حد السذاجة يعني ما اقدر اعتمد عليه ولا في شي ابدا ابد ابدا ياجماعه شخصيه تفاجات فيها بشكل ما تتوقعون مع العلم اني مثقفه جدا واتمنى اعيش حياة راقية وكويسه تفكيري اكبر من عمري بكثيييييير مطلعه على اغلب مجالات الحياة تخصصي علمي راقي انا اقول هالأشياء عشان تحسون الفرق بيني وبينه عشان تعرفون مدى الصدمه اللي انصدمتها فيه .. آخر شي يممكن تتصورونه انه ما ينبسط الا اذا حطيته مع بزران يعني من عمر سنتين الى 10 -11 سنة وقتها تسمع صوته انواع الضحك .. يرتبك اذا قعد مع احد اكبر من كذا.. ويبين في طريقة كلامه .. وتشوفه كيف يعرق.. تزوج من غير لا يطلع على متطلبات الحياة الزوجية من الناحية النفسية صدمني كثير :( وآخر شي اكتشفت انه يجلس مع رجال بس تعرفون مين السواقيييييين:( والله من جد اكتب وانا قلبي يتفطر من البكا وما خفي كان اعظم.. واعظم واعظم قولولي في حل والا مافي ممكن يتغير والا لا |
طبعا ممكن
وبيدج إنتي بعده سبحانه وتعالى أولا لازم تزرعي في نفسة الرجووووولة كيف قلتي كيف؟؟؟؟ أقولج بالسمع: دايما سمعية يازوجي يا رجالي يابو عيالي يا سندي يا بعلي وووووو غيرها من كلمات تدلل على الرجولة بالقول: خليه يكلمج عن نفسة عن حياته عن طفولتة عن كل شي لا تحطين بينج وبينه حواجز ترى في بعض الرجال تعرضو لحالات نفسية عصيبة وهم صغار فساعدية لتخطي هذه الحالة .. كيف؟؟ لا تقوليلة لا تسوي كذا .. بالعكس خذي مشورته في اشياء واجد قوليلة أبى أخذ رأيك في موضوع مضايقني ووووووو تكلمي معاه واعطية أفكار واحكيلة عن ربيعتج وزوجها مثلا قولي زوجها مسكينة ما يقولها كل اللي ف خاطرة .. قوليلة .. زوج ربيعتي مسكين ما يعرف يتكلم مثل الرجال .. أباه يجي عندنا عشان تعلمه تراك سيد الرجال بس أخافإذا جا يحسد رجولتك وأنا ما فيني بالفعل: خلي أخوانج أو أخوانه بالاتفاق طبعا يطلعون مع زوجج دايما يحاولوا يعلموه الرجولة بس بدون ما يحس الله يعينج بس حاولي وحاولي تستشيرين طبيب نفساني بس حذاري يعرف أو تخبريه .. لا تسوووووووووييييييييينها ترى كل اللي سويتيه بينهدم الله يوفقج |
شكرا الأمير..
بقي لي تعليق .. الحياة ص ..ع .. ب .. ة |
يقولون .. وراء كل رجل عظيم امرأة ..أليست فرصة لك أن تصنعي من طفلك رجلا ..دعي السلبية وابدأي ..
فهو زوجك وأنت أقرب الناس اليه بعد أبويه , وأنتِ أكثر من يهتم فيه , فإذا اهملتيه فما فائدتك كزوجه .. |
أختي الفاضلة
1-أهتمي بزوجك وكني قريبة منه وأكسري جميع الحواجز النفسية التي بينكما ( الثقافة /الأسلوب الخ..) . 2-هذا النوع من الرجال لا يصقله إلا أمرين : الأول :لا تقومين بأي دور من المفروض أن يقوم به كرجل (السؤال عن الأولاد في المدرسة /أغراض البيت /استقبال الضيوف/أعطال المنزل الخ......) . الثاني :لا يظهر الرجال إلا الرجال حثيه على أن يكون صدقات مع زملائه في العمل أو الجيران أو الأقارب . ( لا بد من أن يكون له علاقات مع بني جنسه) **أمدحيه وأثني عليه إذا بدأ يقوم بدوره أو يتخذ قراراً في شؤون الأسرة. الزعيم55 |
ليش صعبة وانتي عندك الشخصيه القويه
|
قبل كل شي كم عمره و ايش مؤهله و يشتغل و لا لأ.
|
جمر..
كلامك قوي يستحق وقفة غير سهلة |
أنا ما فهمت شو يعني لو يقعد مع السواقين
ايش السواقيين مو بشر |
الزعيم شكرا لك واعدك واعد نفسي ان احاول..
سحر الصحراء.. قوة شخصيتي هي النقطة الي تتعبني لأني بدأت احس اني انا الرجل وانه طفل ضعيف لاحول له ولا قوة.. اريد أن اكون امرأة تحت جناح رجل وليست رجل في ثوب امراة .. أرفض هذا الدور |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©