زوجي يريد السفر إلى شرق آسيا!
 

السلام عليكم..

أنـــا متضايقه.. قلت أفتح المنتدى وأحكيلكم .. يمكن تقولولي شي يخفف عني ..

إحنا متعودين نسافر كل فتره.. بس صارلنا فتره منشغلين أنا بدوام الجامعه.. وهو بشغله..

وبالتالي صارلنا فتره الظروف مو سامحه لنا إنا نسافر.. مع إني نفــــــــــــســي أســــافر صارلي فتتــره ودايما أقوله هالشي..

وبيقولي إن شاء الله بنسافر في أقرب فرصه.. لأن هو بعد عنده حالة ملل.. ويبي يسافر..

المهم..

كلمني زوجي العزيز قبل شوي.. وقالي عندي أخبـــار...:30:

فسألته عنها.. قال لي طلعت لي سفريه (مــؤتمــر)..

وين؟ على ........(شرق آسيا) .. قلت له ممتــــــــــاز وطار عقلي وانبسطت كتيييييييييير.. لأننا أخيرا بنسافر..

وقال لي السفر بيكون يوم السبت إن شاء الله لمدة أسبوع.. :23:

وسألني إيش عندك الأسبوع الجاي.. قلتله ولا شي لأنه آخر أسبوع دوام في الجامعه فما في عندي محاضرات...

وطبعا بينت له إني جدا مبسوطــــــه ..

بعدين............







قال لي صحيح.. أنا مسافر بروحي :(

أناهنا انصدمــــت!

بروحك؟؟ طيب ليه بينت لي من الأول إني رح أسافر معك؟؟ وليه سألتني عندك شي الأسبوع الجاي؟؟؟؟؟؟ (ما قلت له هالكلام.. بس بيني وبين نفسي):29:

قال لي شو رأيك ؟ أسافر؟؟

قلتله طبعا روح وإنبسط وغير جو.. لأني عارفه إنك نفسك تسافر من فتره..

وبس.. مع السلامه!!!!!!

وأنا الحين متضايـــــــــــقـــه..

ما أدري ليه.. هل لأنه بيسافر على "........" وأنتم أدرى بهالبلد..
أو لأنه مسافر لوحده وإحنا صارلنا فتره متفقين إنه أول سفـــره بنسافر مع بعض.. وهو طنشني...
أو من أسلوبه.. اللي خلاني أفكر إني بروح معاه..

ما أدري... المهم أنــا متضايقه.. وبس!

لاتخافي
اتدلعي عليه وراح ياخذك معه
لاانه من البدايه طلب رايك
وانتي الله يهديك على طول قلتي روح اتونس
ليش معاكي ماراح يتونس؟!

مخمخي في مخك على فكره وخلليه ياخذك لاان شكله له قابليه ياخذك .

لا تخليه يروح بروحه إلزقي فيه .........نصيحة

العــزيزه رقـــــــه..

والله قاعده أحاول معه مو راضــــــــــــــي... يا الله!

الله يجزاك الخير على مرورك..

***
Nergis

والله قلتله طيب خليني أروح معاك؟؟
قال لأ لأن مديري بيطلع معاي ..

بس أنا عارفه إنه هذا مو سبب بالنسبه له...

يعني ممكن ياخذني حتى لو مديره طالع معاه..

الله المستعان

***
صبا نجد

رح أعمل بنصيحتك...

الله يبارك فيك..

***

أي أقتراحات أخرى؟؟؟؟؟؟؟؟؟؟

مافيها شيء ...

اذا الرجال عنده مؤتمر و شغل لا تضايقينه ... يروح بنفسه هالمره و المرات الجايه ياخذك معاه ...

مو لازم تحشرين نفسك في كل خصوصياته ..!!!!

اختي اذا زوجك ملتزم وتقي يخاف ربه فاطمئني ولا داعي لمخاوفك .

أنتم الحريم مخكم غريب عجيب !!

خلي الرجال يسافر ، ليش الأفكار السودا والبرتقالية تجي في بالكم على طول يوم يجي طاري السفر !! ثقافة الشك عند البعض منكن (نون النسوة) تمشي مليون !!

خلي زوجك يسافر ماعليه إلا العافية ... أما سفرتك تجي بعدين ... خلصي جامعة وعيني خير ..

بالتوفيق ..