|
أنا أبي حل لتغيير صفات قبيحه في زوجي
لأني مليت وزهقت وطفشت :( :( صحيح أنا أحبه وأموووووت فيه:22: بس نفسي يغير هالأسلوب معي هو تقريبا خشن الى أبعد درجه صحيح يمزح ويضحك بس لما يكلمني يقول لي ,, هاه وش تبين !! أخصلي علينا !! الزبده !! والا يقول لي على تراب !! عفوا لأني كتبت هالكلمه البايخه نوعا ما بس حتى أبين لكم معاناتي معه وكلام أفظع من أني أكتبه هنا يعني بالعربي أكييييييد أنتو تعرفون ألفاظ الأولاد المراهقين اللي بعمر 13 الى عمر 18 يعني ألفاظ جدا وسخه وجدا مقرفه وتفشل أنا طبعا من النووع حساسه جدا وهالكلام بصراحه يضايقني وبنفس الوقت عصبيه مررة:19: وما أتحمل كلامه لي بصراحه أحس أني انا وياه ولدين مراهقين عند باب بقاله بالشارع وجالسين نتهاوش:29: والله من جد كلام فعلا وسخ (( على ....)) و (( كلي .....)) ومنها الحكي وحاولت أتفاهم معه عجزت منه وزعلت ونفس الشي مايفهم هو مسكين متسرع ويقولها ويغلط ويقول لأني متعود اسولف مع اخوي قبل لا اتزوج وعادي نرمي على بعضنا كلام زي كذا قلت معليش وسعي صدرك وبيتغير الآن لي سنه و5 شهور وللحين ماتعود يكلم زوجته !!!؟؟؟ هذا عدا الكلام الحلوو والغزل والمدح ,,,,,,,,,,,,, طبعا هالشي منعدم عنده وخلاص يئست منه وقلت يابنت على الأقل أبيه يحترمني واذا قلت له ليش انت ماتحترم زوجتك يقول لي (( أنتي أصلا طفله كيف أحترم طفله )) طبعا يجلس يضحك علي يستحقرني علشان عمري 18 سنه ليش !! بفهم السر ونفسي اعرف اغير طريقته البايخه معي... بس وشلون هذي اللي أبيكم تساعدوني فيها.. ونسيــــــــت عليه مزح يضرب بقووة بيده وطبعا يد رجال أكيد ثقيله وتوجع ويطلع مكانها أصابعه يطلع جلدي أحمرر منها وهو طبعا يضحك ويمزح يعني مو ضرب الاهانه او هو معصب لا نمزززح بعدها ماحس الا بضربه على كتفي يعني خشن مرررررة والى أبشع درجه |
مع احترامي لك وله لومكانك اناماجاريته سوي اي طريقه تبينين فيها انه مو عاجبك كلامه صارحيه او سوي نفسك ماتسمعين او شيني خاطرك شوي على خفيف بس الى ان يرضخ ويعرف ان انك امراه و زوجه مو طفله وانك انسانه قبل كل شي ..
ريم هالنوعيه كثير الله يهديهم منهم اخوي كان جلف شوي بالتعامل بس على مزح وهو متزوج الحين وتغير شوي بعد المسؤوليات اتمنى ان زوجك يتغير بالمستقبل بالوقت وجهودك ان شاء الله .. |
حبيبتي ريم 2006:
كم عمر زوجك?? وانا بصراة مع الاخت ترفة فيما قالت ولازم تحاولي معاه عشان يتحسن وانا بصراحة بخاف من الضرب وقت المزح لانه قد يضرب في وقت الجد ايضا لانه اعتاد على ذلك..الله يعينك ويحنن قلب زوجك عليك ويجعله طوعا لك..امين |
هلا بريم كيف حالك الله عليك ياريم هذي تراها ماهي مشكلة ( عندنا وعندك خير;) ) وانا اختك كل الرجال كذا على قولتهم - ( تماســـ......:eek: ) والله يااختي زوجي نفس زوجك وزوج اختي نفسهم يعني الدفاشة مرض منتشر بين رجالنا:29: ( الله يكافينا الشر ) وش اقول وش اخلي . تصدقين انة بعض الاوقات يشوتني اذا تعديت من عنده :eek: ووصية من اخت مجربة لدفاشة الزوج:d - اذا بغيتي تمزحين معة امزحي من بعيد وبدون تشابك الايدي:16: . لاني مااستبد انهم يسببون عاهه مستديمة وهم يمزحون :23: :23: اما الالفاض فهذي حسب التربية والبيئة وصعب انك تعالجينة وصراحة زي ماقلتلك في البداية هذا مرض منتشر بين الرجال :19: لكن هذا مايمنع انك كل ماقالك زوجك هذا الكلام تسوين نفسك زعلتي وتقولين له حنا اتفقنا انك ماتقول هذا الكلام على الاقل في البيت:rolleyes: . هذا مالدي والسلاااااااااااااااام:17: . |
اقرا واضحك
الله عليك ياريم عادي اللي يسويه زوجك ياما كان بو وليد يقول وكنت بس اتهاوش معاه وياااااااااااااااماااااااااااا ذرفت الدموع الغزيره لأني حسيت في كلامه اهانه وهو مرات كثيره ما يقصد اهانه ومرات قليله جدا تعمدها بس اللي فهمته انه عادي ولا يقصد يزعلني وهو مو مصدق ان هالكلام مؤلم ومزعج متعود مع الشباب على كلام والله ان من قوة وصاخته اشهق الين هو نفسه يخاف يقول معقوله لهالدرجه كلامي مؤذي؟؟؟؟؟؟ والله يوصلون الى القذف من زود الجلافه يهددون الجن تعرفين الجن اي والله وصلت فيهم يسمعون اصوات والشباك انفتح قدامهم لوحده كانوا في سكن الكليه وهم كانوا نايمين وفجأه سمعوا خبيط الصحون في المطبخ والدريشه انفتحت قاموا كلهم من عز نومهم يهددون اللي سواها والله لنحرقك بالقران ووالله اما ضفيت وجهك الحين وهويتنا ما يحصل لك طيب ولنخليك عبره لاخوياك تخيلي ها التهديد للجني ترى من جد السكن كان مسكون وتدرين ان هالازعاجات كانت بس وقت صلاة الفجر يعني اتوقع انهم جن طيبين ويبونهم يصلون المشكله كانوا يرجعون ينامون ولا كأنه صار شي يعني جلاااااااااااااااااااااااااااااااااااااااااااااااا ااااااااااااافه ما تصدقين انا لساني بصراحه نظيف بس هم شباب ويأثرون على بعض مو شرط تربيتهم تكون سيئه وكمان مرات كنت لما ازعل كنت اتلفظ بنفس الفاظه وكنت احس اني ما اعرف نفسي من غرابة الحركه بس تصدقين كنت لما اسوي هالحركه وهي مرات نادره كان بو وليد يروق ويرجع يضحك ويجي يراضيني استوعب اني شينه مثله وصار يتلافى هالخرابيط الحين اللهم لك الحمد ماعاد فيه ولا كلمه من هالكلام |
فعلا البنات مساكين ناعمين وحساسين ووالله مقدر هالشي ،،،،،،،،،، وبما اني ولد فاللي قاعد يحصل معاكم اشوفه طبيعي من قبل زوجك تدرين ليش
لانه يحبك وعلى باله يمزح معك مثل مايمزح مع خوية وتراه مراعيك شوي لانه مع خويه يمزح اكثر والعن من كذا وانا ولد ومجرب هالشي والله ان الشباب مع بعض يمر خوية جنبه وهو غافل يخبطه خبطة تطير عقله ولا يدفه دفه شينة يعني بينهم عادي وبعضهم والله يتظاربون بالعقل ولا كفوف وفي الاخير تلقينهم يمزحون ،، طبعا مو كلهم لكن غالبية منهم وانا نفسي كنت اسويها حتى في بداية زواجي بس بعد كم سنة ودايم زوجتي تشتكي ماكنت اصدقها اااااااااااالين شفتها مرررررره قامت تبكي ــــ ساعتها عرفت ان هالجنس غيرنا 180 درجة ولا يفكر زي تفكيرنا ومزحهم غير يعني جنس ناعم الله يخليهم لنا والله غالين على قلوبنا كل يوم يزود غلاهم بس تبين الطريقة اللي تتعاملين معه اذا سوا هالحركات ازعلي منه بدقيقتها ولا ابكي بعد وسوي زعلانه وقوليله هذا طريقة مع خوياك مو معي انا غير ما اتحمل هالطريقة وكرريها عليه تراه بينتبه لنفسه لكن بياخذ وقت على بال مايتخلص من الدفاشه معك (فعلا تماسيح بس وقت الجد ننفععععععععع) |
الصراحه
احترت فيكم قسم يريدون ازواجهم يمزحون وينكتون ويفرفشون بالبيت و يعاملوهم بضحكه و ابتسامه ويغارون من اصدقاء ازواجهم و الان هذا القسم الاخر يا اختي انت في نعمه كبيره فقط تخيلي انك من القسم الاول و تحمدين الله على نعمته استفيدي من هذها لمرحله قبل مجئ الاولاد و بدايه المسؤليه الله يسعدكم ويسعد كل بيوت المسلمين |
عليك بالصبر يا اختي
وناصحية ااااالى ان ينتهي من هذه الألفاظ البذيئة وذكرية بحديث رسولنا الكريم " ليس المؤمن بالطعان ولا اللعان ولا الفاحش ولا البذيء " وما يقوله زوجك لك لا يختلف اثنان عليه انه كلام بذيء لللللللغاية أسأل الله ان يصلح حالكم ولك تحياتي |
ماشـــــــــــــــــــــــــــــــــــــــــــــــ ــــاء الله
تبــــــــــــــــــــــــــــــــــــــــــــــــ ــــــــارك الله نعمه من الله لك ان زوجك يفرفش ويضحك وقسم بالله اني انقهر من سكــــــــــــــــــــــــــــــــــــــــوت زوجي والله جــــــــــــــــــــــــــــــــــــايب لي الملل احيـــــــــــــــــــــــــــــــــــــــــــــان ا افكر بالطلاق من كرهي لسكوته ساكت بشكل فضــــــــــــــــــــــــــــــــــــــــــــــــ ــــــــيع اكــــــــــــــــــــــــــــــــــــــــــــره نفسي اذا حسيت اني اكــــــــــــــــــــــــــــلم نفسي اتمنى انه يكلمني حتى لو عاملنــــــــــــــــــــــــــــــي مثل معاملته لاصدقائــــــــــــــــــــــــــــــــــــه انا اليوم زهقانه وفضفضت في موضـــــــــــــــــــــــــــــــوعك اعذريني بس حبــــــــــــــــــــــــــــــــيت اوضح لك انك في نعمه غيــــــــــــــــــــرك يتمنونها |
أختي ساعه رمليه
عندي زوج صامت احسن من زوج يتلفظ بكلام بذيء ويقول امزح وش هالمزح اللي يخليه يقوول لزوجته كلام قذر جدا واللي سأل عن عمري زوجي عمره 28 سنه وانا عمري 18 سنه ومع ذلك يحتقرني بهالالفاظ يعني ok يمزح وماقلت شي بس مو يمد يده بجلافه والا يرمي كلام وسخ ويقوول امزح الضحك حلو والمزح أحلى بس بأدب واحترام |
| الساعة الآن 07:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©