هل فكرت بمقدار جمالك قبــــل أن تطلب فتاة ذات حسن وجمال,,,
 

خطير موضوعك الصراحه ومهم جدا لأن الكثير من الشباب هذا حالهم تلقى الشاب كل اللي يطلبه في زوجته جميله مووووووووت وشعرها طويييييييييييل!!!!!

وأحب أذكر نقطه ثانيه بعد قريبه من موضوعك واللي هي:

إنه الزوج مع تقدمه في السن يصلع وجسمه يدهور وكرشه متر قدامه وأسنانه تلوع بالجبد (مع إحترامي للجميع) وهو الشيخ مايلاحظ على نفسه هالشي (ترى رجل والرجل مايعيبه شي !!!) بس يلاحظ إنه زوجته تعبت وشكلها مو مثل قبل (أيام الزواج الأولي) ويبدى يعيب على زوجته (رغم إنه اللي فيها مو إهمال كثر ماهو تعب السنين اللي جلستها في خدمته وتربيه عياله)

ويبدى الريال يفكر ويقول لنفسه انا ريال وأخشى على نفسي من الفتن والوقوع في الحرام وأطلب الحلال دام زوجتي عجزت (بعده شاب وحليله) وتراني باقي على عشرتها بس لازم أحصن نفسي (وطبعا ماراح يفكر في أرمله أو مطلقه بياخذ بنت بنوت كبر بنته) !!!!!

سبحان الله الدايم

اخوي مع احترامي صحيح الجمال الكامل غير موجود او الكمال لله سبحانه

بس البنت الجمال مطلوب فيها اما الرجل غير مطلوب فيه الجمال
يعني الرجل جماله باخلاقه


شكرا على موضوعك

موضوع مهم جدا اشكرك اخي
قال صلى الله عليه وسلم (تنكح المرأة لثلالث لدينها وجمالها ونسبها ) واظفر بذات الدين تربت يداك)
صدق رسول الله صلى الله عليه وسلم...
الجمال مطلوب بس الشروط الي يبحثو عنها بعض الشباب صعب يلاقيها

يسلم فمك يا اخي نايف الخالدي والله يسعدك.كلامك راااااااااائع و يا ريت الشباب يفكرون مثلك.

ماشالله عليك تبارك الرحمن

الله يكمللك عقلك ويوفقك

اخوي الله يسعده مع انه جميل.


بس تصدق وش قالي؟؟ قال مابغى ملكة جمال تشوف نفسها علي!!

ابغى انثى ناعمة واذا شفتها سرت عيني

وربي وفقه الحمدالله

يازين العقل بس!!

شباب الايام يناظر التلفزيون ويقول ابي مثل هذي وهذي

طيب انت تشبه اللي يطلع التلفزيون هذا وهذا؟!!!!!ّ!

برافو برافو برافو

من زينهم يوم يتشرطون سوى بنت ولا ولد .... اعور ويتنقور

المشكله اللي كذا ياخذها بوجهه وإلا ما يحصل عيب بعدين

انا اعرف واحد قال لامه: شوفي يا مه انا حليو وابي وحده تهبل واستغفر الله العظيم وخذ ذيك المزيونه بالماكياج والازنزا والصبغات والفرد وبعد ايش كمان عرجا استغفر الله العظيم بس والله اقول كذا عشان يعتبرون

وكان في وحده كانت تقول لخواتها انتي زوجك الزيتونه عشان لونه اسمر حبتين وانتي زوجك الفيل انتبهي على نفسك منه وغيرها وغيرها ويوم تزوجت وانها تاخذ ذاك اللي هو طوييييل ما شاء الله وضخم ضخامه ياالله وبعد شف وش فيه مصاب بشد العضل في الوجه هااااااه وش رايكم

لا تشمت يا شمات ان الله حي ما مات ........ سوري بس خذو العظه والعبره وبعد اقول سوري

موضوع مهم اخي الكريم تشكر عليه.

ان تهافت الرجال على اختيار الجميلات ، ادى الى تهافت النساء على الاهتمام المفرط بالمظهر الى درجة اللجوء الى عمليات التجميل لتكون بنظر زوجها الاجمل .

وهذا امر لم يكن منتشرا في السابق واعتقد السبب هو الفضائيات والتأثر بالحضارة الغربية التي تركز على الماديات ،
واطلاق البصر هنا وهناك والتمعن في الجميلات على الشاشات ووالمجلات والتي يتدخل ( الفوتو شوب ) في تعديل العديد من الملامح وابراز الاخرى فتظهر المرأة بمظهر خرافي بعيد عن الحقيقة والواقع .

وهذا كله يجعل الرجل دوما يضع نصب عينيه نموذجا مبالغا فيه للمرأة الجميلة والتي يلجأ فورا للمقارنة بها فور رؤيته لفتاة ينوي خطبتها . مما يؤدي الى رفضه ومعاودة عملية البحث الغير مجدية طالما ظل اسيرا لتلك المقارنات.


الحل هو بالالتزام بالدين وغض البصر وادراك المعنى الحقيقي للجمال النابع من احساس المرأة بانوثتها فهي امرأة مليئة بالاحاسيس الجميلة وليست مجرد لوحة فنية خالية من الاحساس . فهل يريدها الرجل ليعلقها في احد اركان المنزل ويتأمل بها طوال الوقت ، أم يريدها كتلة احاسيس مليئة بالحيوية ؟


قد يظن البعض بقولي هذا انني لست جميلة ولذلك انا احارب تلك النظرة ، ابدا ، الموضوع هو انني ضد التركيز على الشكل الخارجي للمرأة واهمال ما تتمع به من صفات وثقافة وروح طيبة .
كما انني ضد ان تهمل المرأة شكلها والعناية بمظهرها بحجة ان الاهم هو الجمال الداخلي .