زوجه تعاني من طفولتها البائسه .. أشيروا علي ما الحل ؟؟
 

السلام عليكم
بقولكم قصة وحدة مسكينه ضحية لقسوة امها وكبرت معاها عقد من الصعب جدا حلها .
هذي البنت مره رقيقه وحساسه من صغرها وامها تضربها وتتمسخر عليها امام الجميع و خاصة خوالها لدرجة ان خوالها جرأو عليها وصارت ملطشة لهم . كانت تفشلها قدام صديقاتها تهاوشها وتطرد صديقاتها من البيت من غير سبب .
خلت البنت تكره أعمامها لانها تكرههم والنتيجة ان حتى الاعمام ما صارو يحبون هالبنت . وإذا زارتهم صارت مطنزه لهم . المهم طفولة هالبنت مليانه بؤس .


أما الراهقة ........... فما أدراك ما المراهقة مارست الام أشد أنواع التعذيب على بنتها طبعا الضرب أستمر على اتفة الاسباب بالنعل والمكانس كانت تهلكها بشغل البيت حتى بعز ايام الاختبارات وتخليها تعيد الشي الف مره رغم انه نظيف طبعا مع الضرب المبرح . البنت كانت تخاف من الصراصير وكانت امها تتعمد تخوفها وتتطنز عليها اذا صرخت أو أستنجدتب بأحد .

البنت هاذي كان لها قريبة ساكنة معاهم بنفس العمارة كانت امها مدلعتها وتخاف عليها وتحرص على اكلها ودايما ترتبها وتشتريلها احسن اللبس ومن الطبيعي أن البنت الاولى تحس بالغيرة وتتمنى ان هذي امها .


لما دخلت البنت الجامعه تعرفت لها على بنت من بيئة مختلفة تمام اللي يقولون عنها ( فري ) وكانت البنت جريئه شوي انجرفت البنت لعالم صديقتها وانبهرت فية فكانت مستعدة تسوي اي شي عشان توصل لمستوى صديقتها . صارت ما تحضر محاضرات وبس تهرب من الجامعة وتدور وتلفلفل بالشوارع مع صديقتها :30:

تخيلو ان الام كانت تطرد صديقت بنتها لم تجي تزورها وتضيق عليهم عشان البنت تترك بنتها . وصلت فيها انها تضرب بنتها وتتفل بوجهها قدام صديقتها . المهم ان هذي الام قدرت تفرق بنهم رغم صبر بنتها لانها ما لقت هالصديقة الا بعد تعب .


الحين البنت متزوجة وعندها ولد وبنت بس ما هي قادره تكون سعيدة او تسعد زوجها وعيالها ماهي قادرة تختلط بأهل زوجها لما يتجمعون تضل ساكته وحاسة ان كل الموجودين يحتقرونها و ينظرون لها بدونيه . حتى اذا احد وجه لها سؤال تنحرج وهي ترد وما فية الا تتلعثم واحيانا تغلط بالحروف ويصير كلامها يضحك ويحمر وجهها وتحس بحراره . المشكله وين ما راحت تحس هالاحساس من الجميع ما تقدر تسولف ولا عندها ثقة بنفسها على انها حلوة ولبسها حلو وجسمها حلو ما ناقصها شي ( ما شا الله ) .


الام الحين تمارس نفس الشي على الاخت الاخرى أنواع التعذيب والحرمان . ما تدري هالام انها ما عادت محبوبة او مرغوب بالسوالف معها من بناتها دايما تلاقيها قاعدة لحالها واذا جا احد عندها من بناتها ما يتحملون اللي تسوية لانها تدور وين الشي اللي ينرفزهم ويغيظهم تسويه بوجودهم . لدرجة ان بنتها المتزوجه مره لا شعوريا من كثر الضغط اللي مارسته عليها دعت الله انه ياخذها بصوت عالي امام العيلة كلها


الموضوع كبير والمواقف كثيرة ما تخلص .......... المهم ان هذي البنت تبي حل عشان تتخلص من عقدها وتعيش حياه طبيعية مع زوجها والاهم تبي تتخلص من الخوف اللي فيها اللي ملازمها ليل نهار حتى وهي نايمه كل شوي وهي فازعه ... هذي كيف بتربي عيالها .... بكره حتى زوجها يمل منها بالذات انها رضت بأي زواجة عشان تفتك من امها .


بليز اللي عنده اقتراح او حل لا يتأخر علي بالرد وانا بوصلها ردودكم اول بأول . :20:

الله يكون في عونها

فعلا في امهات مافي في قلوبهم رحمه والضحيه بناتهم

الحل للبنت قراءة سيرة الرسول صلى الله عليه وسلم والصحابه الكرام

القراءة المستمره للكتب التي تتحدث عن علم النفس وبناء الشخصيه وكتاب كيف تقوي شخصيتك (مترجم)

وكتب او مواقع عن البرمجه اللغويه العصبيه

وان شاء الله تستفيد

حسبى الله على تلك الامهات

ورجاء ان البنت تتقرب من الله وتقراء فى كيفيه تربيه الشخصية وتنميتها وتحاول بقدر الامكان انها تسعد زوجها واولادها وانها تضع امام عينيها ان لم تنجح بذلك سوف يعانوا ابنائها مما عانت هى منه طبعا بكون شئى لا ارادى وتحاول تعوض ما لقت من امها فى اولادها تعلمهم وتحتضنهم وتحاول ان تكون الام الحنون التى فقدته هى

اتمنى ان يصلح الله شانها ويحفظها من كل شر وتعيش حياة سعيدة

انا عندي اقتراح جربته وحدة اعرفها عانت من نفس المشكلة
بس كان الوضع مع ابوها

انعزلت بالكامل عن العايلة (اموها وابوها واخوانها) علشان ماتتذكر اي شي له علاقة باللي صار من قبل
وحرصت انها تلتقي مع خواتها باماكن عامة مافي اي مجال للاحاديث الخاصة
هذا بالنسبة لاهلها
ولنفسها اتبعت الآتي:
تحاول كل يوم تحسب حسناتها والصفات الحلوة فيها
حاولت تاخذ مؤهل دراسي عالي
غيرت كل المجتمع اللي حولها وبدت حياة جديدة مع عمل ودراسة جديدة

طبعا ممكن صاحبتك تحاول انها تبتعد شوي عن جو اهل زوجها واهلها وتحاول تصحح بنفسها وتكثر من قراءة القران والادعية المأثورة لانها لما الواحد يسويها بايمان كااااامل فيها تحقق نوع من الطمأنينة باذن الله

وان شاء الله ربي بيوفقها وبيحافظ لها على حياتها
بس مثل ماقلت تحاول انها تبتعد عن المحيط المشحون

حسبي الله عليهم

دمعت عيني لما قريت المشكلة.
تذكرت بنت جيرانا.. كانت بنفس عمري بس أمها معذبتها وتطقها على أتفه شي! وطقها جامد يترك أثر.. وكل يوم اشوفها بأثر جديد.
أمها للحين أذكرها قشرا.. تخوف.. كنت أحمد ربي ان أمي حنونة ومدلعتني.
مادري وش صار عليها الحين.. أكيد شخصيتها ضعيفة مثل صاحبة المشكلة!
طبعاً.. كل طفل يتربى على الطق والإهانات والنقد الهدام لا بد يكبر بعقدة نقص واحتقار الذات والشعور بأنه شخص منبوذ.

نصيحتي لها أنها تراجع طبيب نفساني.. (طبعاً لازم يكون هالشي بسرية تامة لأن مجتمعنا وللأسف لا زال ينظر للي يتردد على عيادة الطب النفسي بأنه مجنون! مع أن النفس تستحق العلاج مثل أعضاء الجسم الأخرى).
إذا انتهت جلساتها عند الطبيب النفسي راح تحس انها انولدت من جديد.. بشخصية أفضل.. وتفاؤل أكثر.
راح تتخلص من كل همومها.. لأنها بتتكلم عنها كثير عند الدكتور.. وممكن تبكي كثير.. وينزاح جزء من الماضي.

أيضاً أنصحها بالإكثار من الصدقات وأعمال الخير.. وذكر الله.. والتقرب منه دائماً. لأن في ذكر الله راحة للقلوب ولأن الله إذا أحب عبد من عباده يحبب الناس فيه ويحميه من كل مكروه.

وفي النهاية.. ما أنصح بتطبيق نصيحة Loooove مع احترامي لها.. بس لا تصلح الخطأ بخطأ أكبر.. وهو قطيعة الرحم!!
لأن قاطع الرحم ما يدخل الجنة وربي يغضب عليه وما يوفقه بالدنيا.
لازم تزور أمها.. الأم مهما غلطت في التربية تبقى أم ولها حقوق على بنتها.

تحياتي