منتدى عالم الأسرة والمجتمع - [&هو في قلبي&] تناديكم...شاركوني فرحي وحزني

السلام عليكم ورحمة الله وبركاته.....:d

غبت عنكم خمسة أيام يا قاااااااااااااااااااااااااااسيين!!؟؟:(

ولا أحد فيكم سأل عني!!؟؟

معقولة مافي أحد فيكم فقدني!!؟؟http://www.66n.com/forums/images/icons/cry3.gif

لهاذي الدرجة وجودي زي عدم وجودي عندكم!!؟؟http://www.66n.com/forums/images/icons/cry3.gif

وأنا أحسب نفسي محظوظة فيكم بس شكلي طلعت غبية وهبلة كمان!!؟؟:23:

توني صاحية من النوم بصلي الفجر بس جيتوا على بالي الحين ووحشتوني:d
وقلت بأكتب لهم فرحي ومعاناتي....http://www.66n.com/forums/images/icons/icon9.gif

عندي لكم خبرين واحد حلو والثاني محزن ومازلت أعيش الحزن المر والألم...

الخبر الحلو هو أنني لن أهاجر عن بلادي في موضوع سبق أن طرحته...
فالولد المدلل والمدلع كان طالبين مرافقة سته أشخاص له بس هو رفض
مدري مين رفض وخلوهم ثلاثة أشخاص..والحمد لله زوجي ماطلع منهم
بس والله بعد ماطلعت روحي وتعبت نفسيتي من التفكير حتى زوجي يقولي
نطلع نغير جو أرفض صرت أميل للوحدة كثير

الخبر الثاني المحزن هو أنني خسرت طفلي
جنين عمره شهر تقريباً ولا كنت أدري أني حامل
بس شعرت بألام فضيعه في ظهري ومغص في بطني
ولا أقدر أوقف على رجولي وأذا وقفت ابي أجلس على طول
وكان معي نزول للدم كنت أحسبه الدورة الشهرية وطلع نزيف
رحت للمستوصف وسويت تحليل دم وقالت لي الدكتورة
كنتِ حامل وأجهضتي وأنتِ تمرين الحين في مرحلة أسقاط
ولما قاست ضغطي طلع ضغطي منخفض مرة
قالتلي الدكتورة ليش ضغطك منخفض؟؟
ماتاكلين؟؟
قلت إلا آكل رد زوجي عليها وقال لا ماتاكل
ونومها قليل ودايماً سرحانه وأذا غبت عنها ماتاكل!!!!
وأنا بصراحة اذا كنت لوحدي في البيت ماآكل تنسد نفسي والله
طلع السبب أهمال نفسي وصحتي وقلة النوم وهبوط في الضغط
والقلق..وكله من تفكيري بالهجرة الله لا يعود ذيك الأيام

غبت عنكم خمسة أيام فيها يومين كاملة ماشفت فيها زوجي
غير ساعتين
ولا طق بابي أحد!!
هاذي ضريبة اللي تعيش في مدينة مالها أحد فيها
وفي حي متكبر وجيران متكبرين كل واحد مايسأل على الثاني
تخيلوا جيت عروسة هنا في الرياض وما ضرب جرس بابي أحد
الإ جارة غلطانة ولا اللي تطلب تكلم من تلفون بيتي
ولا اللي تبي خدمة سريعة ولا تأشيرة لسواقها عشان شغل زوجي
ولا خادمة عليها قضية!!!
رحت مرة لجارتي من غير عزيمة قعدت تتأفف وتتحجج بعيالها
وأحنا في مجلس الحريم!!!
ولما بنت جارتي ولدت رحت زرتها وماحد فكر يزورني وأنا تعبانة
حتى لما طلعت من بيتي شايفيني أولادهم في الشارع وأنا ماقدر
أمشي متكية على زوجي وأون....
والله حياة صعبة أذا تحس أن مافي أحد يحس فيك بالرغم أنك ماسويت لهم شيء!!!
ليه صاير زمنا زمن مصالح ياناس!!!

والله جالسة في بيتي وحيدة أكلم أمي وأخواتي على الجوال
وأرابط على النت والمنتديات يوم دوام زوجي
فعلاً مأسااااااااااااه!!!
وفعلاً حالتي والله حاله...
بس نفسيتي زفت ما عشت خبر الأمومة الأ دقيقتين وبعدها أسقاط
ما أدري أحس في جزء مني فقدته ودايم أتحسس بطني وأقول
يمكن ماسقطت وأعيش بأوهام فضيعه
ومازلت أحمل لنفسي السبب وبعض الأحيان أكذب على نفسي!!!
وأصدق أكاذيبي
ماأدري والله وش صاير فيني
دوخت روسكم ومعليش كتاباتي سريعة لأني تعبت من جلسة الكرسي

تبون الصراحة الصراحة وحشتوووووووووني كلكم بلا أستثناء
ووحشوني أكثر اللي أعرفهم في المنتدى و اللي أكن لهم معزة خاصة بقلبي والله

يمكن بكرة أشوف ردودكم ويمكن بعده
حسب نفسيتي
مع السلامة وماتشوفون شر