ارجو نصحها ، هل تقبل به زوجا ؟
 

شاورتني وحدة صديقاتي في موضوع انا محتارة فيه،،،،]










ابصراحة ما عرف كيف اساعدها مع ان الموضوع ما يخصني ؟؟؟





بس







احس انه رهيب





السالفة وما فيها





انها اتعرفت على واحد من موقع زواج :14:






في البداية هي حست انه انسان تايه في حياته ، وهي من النوع الحنون وااااااااااايد واتحب اتساعد وتعطي مشورة.
المهم مع مرور الايام وكانت طبعا المحادثة بينهم عن طريق نفس ايميل موقع الزواج ،،،، لين ما الرجل اتعلق فيها وحاول المستحيل حتى إنه يكسبها لانه لقى فيها ظالته ،،، وطبعا فاتحها بموضوع الزواج:27: وإنه محتاج فعلا لإنسانه مثلها وكلمها عن طريق التليفون ،،، وهي عشان ما اتضيع وقتها شافو بعض في مكان عام وانصدمت صديقتي طلع الريال متين ومش حلو ،،، وهو حس إن البنت ما اتقبلت شكله ،،، بس هي طمنته ان هي ما يهمها المظهر الخارجي للانسان اهم شي قلبه الطيب ومعاملته ،، فوق كل هذا الرجل متزوج وعنده ثلاث عيال ،،، بس هو مش مرتاح في حياته عشان الزوجة ما تهتم فيه ولا في بيتها لاهية في نفسها وشغلها ،،، وصارحها وحلف ان بينهم العيال وبس يعني ما يتواصلون كأزواج ،،، والاسباب كالآتي : ان البنت انفرضت عليه يعني اهله زوجوه غصب ،، وقامو الاهل ورتبوا كل العرس،، بس هو سار وخذها ،،،رغم كل هذا اتحمل وسارو شهر العسل وحملت الزوجة بسرعة وكانت من الحريم اللي يجزون الرجل اثناء الحمل،،، طبعا تمت عند اهلها طول فترة الحمل وطول فترة ما بعد الولادة والرجل يحليله يضرب الذبان بحلجه:30: ،، رغم هذا اتحمل وقال ممكن امر طبيعي بعد فترة النقاهة بترد افضل،،، وتم اللقاء بينهم وحملت مرة ثانية وثالثة على نفس الموال :23: ،،، وطول هالمدة واللي مدتها خمس سنوات المسكين محروم لا زوجة ولا حنان ولا اهتمام :29: واهمل عمره اهتم بشغله وبس ووكيف يأمن ويعطي الحنان لعياله ،،، وشاف عمره منفاي حتى في بيته وشيب الرجل وهو بعد في الثلاثين من عمره :24: وحاول ان الحرمة تصلح من اسلوبها وتهتم ببيتها وزوجها بس للاسف كل المحاولات باءت بالفشل حتى تدخل اهله واهلها ما نفع وطبعا ما يروم يطلقها عشن عياله ما يتشتتون مثل ما هو متشتت :23: :23: ،، هذي هي سالفة الريال او المعرس المنتظر ،،، وطبعا صديقتي تعاطفت معاه وايد خصوصا انها يقول بسوي المستحيل عست ترضين فيه يعني بيوفرلها بيت خاص فيها كل اللي تطبها البنت وطلع الرجل حنون وقلبه طيب ومحتاج اللي ياخذ بإيده لبر الامان ،،،:21: ،، ومرت على سالفتهم سبعة اشهر وهي اتماطله ،،، بس الرجل متعلق وامصمم ياخذها ،،،، الحين انا كصديقتها هم محتارة معاها ما اقدر اقولها خذيه ولا اقدر اقولها لا تاخذينة عسب جذي قلت بعرض الموضوع عليكم واتمنى المساعدة والنصايح الجادة سواء من الشباب او البنات المتزوجين والغير متزوجين ياخذها ولا ..لا.. ملاحظة هي صلت الاستخارة بس هو يتقرب زيادة ،،،،، [/CENTER]

بصراحه انا لااويد زواج النت وكمان بتاخذ متزوج انصحيها تستخير اكثر من مره خصوصا هي ماتدري هو صادق والا كاذب في كلامه عن زوجته ممكن زوجته من احس مايكون بس هذه حجه عشان يتزوج

لان معظم الرجال لو جاء يتزوج يقول انه زوجته لاهيه في شغلها وببيتها وماتعطيه حب وحنان ومو مهتمه فيه

وكمان تقوللي اهله غصبوه ليش هو بنت وبعدين 5 سنين متزوجين وماشاء الله عنده 3 اطفال هذه كله وهو مغصوب عليها


الله يكون في عون زوجته والله يوفق صاحبتك بابن الحلال

أهم شئ ... قولي لصاحبتك تتأكد .. من صدق الرجال ... ترى بعض الناس ماعنده خوف من ربه ويتلذذ باللعب بمشاعر بنات الناس .. خاصة اذا كانت من النوع الي يصدقون بسرعة .
إذا تأكدت من صدقه معاها ... توافق عليه ليش لا .
وربنا يسعد الجميع

بما أنه يعرض عليها الزواج بالحلال فلتطلب ما يرضيها منه وتنتظر هل سيلبي أم لا.
إن لبى وأتى لها ببيت وكل ما وعد فيه فلتتزوجه.

غريب انها تماطل طوال تلك الفترة مع انها تعرف ظروفه ، لا حل الا ان يتقدم لطلب الزواج منها او ان تبتعد عنه ، اما ان تستمر تلك العلاقة فلا يجوز .

ان قبلت الزواج فلتضع نصب عينيها ان لا تحاول ان تبعده عن زوجته واطفاله .

ملاحظة : تم تعديل العنوان ليتناسب مع المحتوى

صح لسانك أخي الكريم , و أضم صوتي لصوتك :22:

ما أنصحها تتزوجه إذا كان اهتمامها به نابع عن شفقة عليه!


لو كنت مكانها كنت تركته وانتظرت خطيب اييني بطريقة تقليدية.. والله إنه أريح أسلوب للزواج والحمد لله على كل حال