|
استاهل اللي صار!!!!!!!
السلام عليكم ورحمته الله وبركاته
وشلون ابد ما ادري (( تزوجت ولد عمي مع اني كنت خايفه انه مجبور لان عمي كان يحبني من قلبه وهذا سبب خوفي بس اني استخرت وارتحت نفس وتزوجت والحمد لله طلع زوجي لا مجبور ولاشي بالعكس باختياره وعجبته وبصراحه فرحتي ماكانت توصف لان المشكله اللي كنت خايفه منها راحت وتوقعت ان حياتي راح تكون سعيدة لاني بين اهلي (((لكـــــــــــن)))) بعد مارجعت من شهر العسل رحنا لبيت اهل زوجي انا اسغربت الترحيب كان جاف شوي عديت الموضوع وقلت شي جديد حسيت انا زوجي ساهي ويفكر وكل مادخل عند العائله احس انهم مايبوني خففت من جلساتي معهم واقنعت نفسي انه مافيه شي مر تقريباُ 3 شهور وكل ماضحك احس انهم يجاملون المهم ((اسفه طولت)) صارحت زوجي وقال مافيه شي بس ماتركته وقلت اني حاسه انه فيه شي مخبيه علي وفعلا قال لي انهم زعلانين لان الزواج مااعجبهم ملاحظه العائله اغلبها اولاد واخذين مني موقف ليش مادري مع اني ماكنت في الحفل ولا ادري وش صار حاولت اكسبهم بالطيب والحمد لله عمتي ام زوجي دائما تدعي لنا واخته اللي كانت ماتضحك تغيرت مع ان التغير بطئ جدا لكن الحمد لله الا اثنين مو راضين ابد ولا يعجبهم العجب لدرجة قال طبخ اخته احلى لما سالتني ومدحت طبخي انا ادري انه مافيه مشكله بس انا ودي اطلع اللي بصدري لاني مقهوره وبيني وبينكم احس انهم يحرضون عمتي علي ودي لو نصيحه وحده منكم لكم جزيل الشكر |
ايش يعني الزواج ماعجبهم قصدك عند الرجال ؟؟؟؟
حبيبتي ما ودي اغيرك على زوجك الله يهديلك اياه لكن كلميه هو انك مليتي من تصرفاتهم و تصرفاته و انك بعدك عروس و هذا مو محبه و لا اسلوب تبدأ بيه الحياه و انه لو يحبك يفوت الي فات و يقنع اهله احسن من انهم يخربون على ولدهم وسوي زعلانه و غيري من نفسك شوي و حسسيهم ان في خاطرك شيء لا تردين على احد لو غلط عليك حاولي تقللين خرجاتك لهم اذا حسيتي نفسك مو مرغوبه اذا بعدتي و تغيرتي بيفقدونك واذا على الطبيخ خلاص قولي مادام طبخي مو زين ماله داعي اطبخ لا ترمين نفسك ابدعلى احد ولو على زوجك بينك و بينه الاحترام و العلاقه الحسنه و العشرة بالمعروف ابد لا تذلين نفسك له بيسترخصك حاولي اعرف الكلام مو مثل الفعل لكن حاولي ادعي الله على طول و قولي حسبنا الله و نعم الوكيل ميه مره و ربنا راح يكفيك اياهم |
أختي أنا متزوج من بنت عمي والحمدلله سمن على عسل (( والثوب اللي رقعته منه ما تعيبه )) مشكلتك بسيطة ومع الوقت الأمور بتصير تمام التمام لأنك أنت بنتهم قبل الزواج وبعد الزواج . تحياتي ،،، الزعيم55 |
أنا من رايي وتجربتي أبدا لا تقولين لزوجك أي شي عن أهله أ, حاسه إن فيه شيء أو خلافه
وإذا حصل شيء تخافين إنه يوصل لزوجك مشوه سبقي إنتي أول واتقي الله والعائلة أغلبها عيال وهذا سيء في صالحك لأن الرجل يغلب عليه عدم الحقد على المرأة وانتي ما سويتي شيء لا تلومين نفسك وكن كالنخل عن الأحقاد مرتفعا وكوني كالنحلة لاتضع إلا طيب ولا تأكل إلا طيب ولو وقعت على عود نخر لم تكسرة استخيري كيف تعاملينهم |
ياشيخه طنشيهم ولايهمك كلامهم ترى كلهم نفس الشئ حتى أهل زوجي مايطيقوني وأحس انهم يغارون مني .
بس اناأطنش ولاأروح لهم كثيريعني كل أسبوعين مره والله اني مرتاحه منهم ومن كلامهم الغثيث.انتي لاتجلسين تقولين لزوجك وش فيهم اهلك لأنه راح يطفش ويقول انتي مزعلتهم.لكن لماتروحين لهم اضحكي معاهم وسولفي معاهم. واذاقالولك شئ يضايقك ردي عليهم في نفس الوقت ولكن بأسلوب حلو.عشان يعرفون قيمتك وصدقيني راح يحترمونك. |
الاميره فيونا
ايه موعاجبهم ضيافه الرجال والنساء وانا ماقدر اشتم اهله قدامه علشان مايتطاول على اهلي اما الزيارات اقعد تقربياُ 3 اسابيع وبعدين اروح وعاى ماقلتي يشتاقون لنا والطبخ ماقدر اترك رجلي بدون اكل لان اسكن انا و زوجي واخوه ولكل كل الشكر يالغاليه الزعيم 55 والله ان كلامك ياخوي صحيح 100% والله يدوم عليك ان شاء الله انت زوجتك وجزاك الله الف خير شذي 30 والله راي من رايك سبحان الله لان الولد مع اهله وانا ما احب الرجال اللي يكون سهل المنالمهما كان فهم اهله ليش اسبب له مشاكل لزوجي هو ماله ذنب فيه والله انا قاعد ادفع ثمن من حياتي بدون ذنب كل خطاء او زله يشوفونها والزين مايشوفونه ومثل ماقلتي هم عيال وما راح يصدق عليهم شي بس كلهم راح يتزوجون ويشوفون كل اللي سووه فيني ويسلم لسانك وتسلم اناملك ياحياتي وجزاك الله خير فوزيه البكري والله انك صادقه وسويت لنفسي حكمه>>> خذ من الناس اللي يسعدك وطنش اللي يزعلك محد عايش اكثر من ايامه مرورك اسعدني الله يسعد ايامك |
| الساعة الآن 11:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©