سؤال للمتزوجات والمتزوجين ( ما هي عدة سفر شهر العسل )..؟!
 

ممكن عطر واحد بس-عدة المكياج-الكلوتات(disposable)وهي لاستخدام المرة الواحدة-حذاء مريح للمشي-صابون صغير يكون في الشنطه على شكل شرائح-ورق للتواليات-عموما فيه اشياء كثيره ياليت تحددين بالضبط ايش المطلوب اتمنى اكون افدتك

ينتقل لعالم المتزوجين





تحياتي

اهم شي تاخذه العروس شي بصراحه مهم مهم مهم ... الفرفشه والوناسه
وواقي الشمس
والة نزع الشعر
وغسول المناطق الحميمه
وبندول وقت الحاجه
اشياء مهمه وايد ووايد ينسونها ونغفل عنهااا وغسول المناطق الحميمه مهمه بعد لان المنطقه بتكون معرضه للالتهابات الخطيره واذا اضطريتي تسئلين طبيبة نسا عن شي تاخذينه وياج لشهر العسل لتنظيف وترطيب المنطقه
الملابس
ركزي على الملابس وحقائب اليد المريحه وفي حقايب يد تلقينها مربوطه ويا الحزام وعلى الكتف
جزم الرياضه والمريحه + جزمه وحده فقط تكون كاشخه لليوم اللي بتسافري فيه او بتردين فيه
بناطلين وبدل رياضيه وركزي على الملابس القطنيه لان فصل الصيف حرّ

والاهم نفسيتج لازم تكون عال العال ومبسوطه وتحاولين تسعدين ريلج وتقضون ويا بعض احلى شهر عسل
في شنط عمليه بتلقينها في برومود تصلح للسفر والرحلات وتشيل اغراض وايد وشكلها أنيق





وبيجامات حلوه ومريحه لشهر العسل من ( نكست )







شبشب مريح للتنقل في غرفة الفندق


الاحذيه الرياضيـــــــه مهمه وايد وايد لاتنسونهاااااااا

خواتي لاتنسن المصحف وسجادة وشرشف الصلاة
وفقكن الله

أختي الغالية اتمنى تكونين استفدتي من ردي ارجوك ثم ارجوك ان تدعين وكل وحدة استفادة من ردي لي في ظهر الغيب بان يرزقني الله الجنة ووالدي واحبابي ويخلص نيتي ويرزقني مااتمنى

سوف ابحث لك عن ماتحتاجه العروس في شهر العسل



تحياتي

تابع
1- البوصلة عشان تعرفين القبلة
2- مدخن وفحم فوري ودخون او عود
3-فوط كيرفري
السشوار احس ضروري ولو انه كل فندق فيه سشوار
4- 2 روب او اكثر
5- مناديل معطرة (عند عبد الصمد القرشي)علب مناديل عطريه خذوا اللي برائحة الحجر الاسووووووود وخذوا كميه منها والحلوه فيه ان كل منديل جاي بكيس بروحه بس تفتحين الكيس وتمسحين ايدج تبقى الريحه واو
يعني عقب ماتاكلون في مطعم مثلا طلعي كيسين واحد لج وواحد حق ريلج حتى بتحسين بانتعاش ونظافه وايد وايد انصحكم تشترونه من القرشي لاتنسوووووووون
6-كوايه سهله
- معقم اليدين صغير الحجم ينحط في حقيبة اليد
6-مهم مهم مهم مهم جدا المسك تحصلينه بعد عند القرشي جنان
7-
معطر الفراش تاخذينه وياج تعطرين السرير واللحاف والمخدات في الوقت اللي يدخل الزوج فيه الحمام قبل النوم وفي حركه قريتها هنا مره انج تحطين منديل معطر <--- منديل القرشي ريحته خياليــــــــــــــه برائحة الحجر الاسود من داخل المخده
8-ملح خشن
لانه يمكن يصيبك التهاب عادي يصيب اغلب العرايس تنقغي في مويه دافية وملح
9- اشتري طقم شنط من نفس الماركة اللون والستايل ..
(كبيرة - متوسطة - صغيرة) وفسميها وحده للمكياج وحده للجزم اكرمكم الله وهكذا علشان تصير اغراضك مرتبه تلقونها بمحلات برومود وميلانو بجد رهيبات
نعوووووومات مرره وفوق كذاااا مريحات وشيك!
معليش سامحوني الافكار مو مرتبة لاني لسه بنوته 17 سنه بس حبيت اساعدكم عقبال مااجهز اغراضي
تحياتي

أهم حاجه حبيبتي معطر الحمام الديتول او اي شي ريحته حلوه لان الحمام بيكون مشترك ومو حلوه تبان (الفضايح) قصدي الروايح من البدايه وحاولي قدر ماتقدرين انك ماتطلعين من الحمام والا وانت متاكده ان ريحته فل الفل واسفه على الصراحه بس حبيت افيدك
وشهر عسل سعيد ومبروك الزواج

الأخوات ماشاء الله كفوا ووفووووو

بس أحب أزيد أنبهك عن ماكينة إزاااالة الشعر لأني أنا نسيتهاا :( وقعدت يا حرااااام في موقف باااااايخ من أولها وقعدت أدور على كريمات إزالة الشعر واشتريها !!!!

وطبعا المكياج والعطر وملابس النوم ...(تكون حلوة ومغرية) .... وكذلك حذاؤ مريح وملابس تطلعين بها مع زوجك

وبارك الله لكما وبارك عليكما وجمع بينكما بخير