بدأت الغيرة بينهم ماذا أفعل؟
 

السلام عليكم إخواني و أخواتي

قبل اسبوع تقريبا رزقنا الله بمولود جديد و سميته (علي)

و عندي ولد أكبر منه بسنة اسمه (محمد)

من دخل علينا علاوي البيت ... بدت غيرة حمود

يطقه مرات ، أو يحذف عليه شغلات ...
و أمه لمن ترضع علاوي ,,, تقول حمود يطالعها بعصبية و بحقد (بحد تعبيرها)

أقول حق أمه حاولي تعطينه حنان شوي أكثر من علاوي ... بس مادري شنسوي

لو سمحتوا اللي عنده خبرة بهالموضوع ، أو تجربة ، أو يعرف مواقع فيها بحوث عن هالأمور لا يبخل علينا


ماقصرتوا أعزائي

تحياتي ...

الله يكون بعون حمودي وعلاوي و امهم

تختلف الغيره لدى الاطفال و حدتها من طفل لاخر
لكن هناك نقطه في صالحكم
انه علاوي بعده صغير الله يحميه ويحفظه
فحاجته لامه بس ترضعه و تنيمه و احسن للرضيع انه ما يتعود على الشيل
و بذلك يبقى الوقت كله لحمودي

و تدريجيا حمودي حيتعود على وجود علاوي


كذلك انصح ان يكون للاب دور في تسليه الطفل الكبير
ويشغله حتى تنتهي الام من عنايتها بالرضيع

و اخيرا دائما ذكروه بانه هو الكبير لكن اعلم ان هذا صعب خاصه انه صغير جدا

الاولاد يكبرون بسرعه وهذه كلها تصير قصص و نوادر
اهم شي انكم تستمتعون بهذه الفتره

الله يصلح ابنائكم و ابنائنا و جميع ابناء المسلمين

تشكرون عالردود الحلوة

و الله يعينا على تربية حمودي و علاوي ( و اللي بعدهم ان شاء الله ) تربية صالحة

و يوفقكم و يوفق الجميع


تحياتي

والله اخوي حاولو انكم تخلون اهتمامكم كله على الكبير معلي الصغيرمايفهم انكم مهتميين باخوه اكثر منه لكن الكبير بيدور الاشياء اللي تبط جبدكم وبيسويها بس عشان تلتفتون صوبه انه اول ما طلعت من المستشفى وييت البيت اول شي سوا ولدي عطا اخته بكس على راسها وكان مسوي لنا البيت كله ازعاج بس عشان نلتفت صوبه قمت اخلي الصغيره عند امي واحاول اني اهتم فيه اكثر

مسألة وقت شهر أو شهرين وبتروح الغيره ويحب أخوه الصغير....لاداعي للقلق..