دخول البنت على أهل العريس قبل خطبتها؟
 

السلام عليكم و رحمة الله ..
أبي أعرف وش رأيكم بأن البنت تدخل على أهل العريس قبل ما يخطبونها .. بس عشان يشوفونها . . و إذا عجبتهم جو مرة ثانية يخطبونها ؟ يعني تتصل وحده على أم البنت تقول أنا سامعة ان عندك بنت أبي اجي ازوركم أشوفها.. وتجي تشوفها ؟
أنا هالحركة ترفع الضغط عندي 2000 لأنها تحسسني كأن البنت بضاعة لازم تنشاف و ينحكم عليها قبل ما تنشرى .. وإذا ما عجبت الشاري تركها بلا رجعة كأنها جماد بدون إحساس و شعور .. مو شرط إذا ما عجبت أهل العريس بالشكل لا ممكن ما يعجبهم مستواها العلمي أو مستواها الوظيفي..

أبي أرائكم بأقرب وقت ممكن ..
تحياتي ..

السلام عليكم ورحمه الله وبركاته،،
 

عادي اختي ولشنو يرتفع ضغطك.........
كشخي والي عليك سويه واطلعي واحسبيهم صديقاتك او قرايبك...
واذا انتِ واثقه من نفسك حتى لو فلوووو....مايهمك لانه مو نصيبك...
وراي من حقهم يشوفون اذا بعض القبائل عندنا تمنع الشاب يشوف رغم انه الشرع حلل هالشيء في ابسط حق للرجل انه اهله يشوفون الي يبي يخطبها ...ولاتبينه يتزوج على العمياني!!..

هلا فيكم
 

انا صراحه ما اوافقك اختى رمش الزهر صراحه مفروض اهل الزوج قبل ما يخطبون تروح مثلا امه او اخته احد يحس ان عنده ذوق وكانها زياره عاديه وتشوف البنت ويوصفونها للزوج واذا وافق موافقه مبدئيه يروح يشوف البنت واذا من البدايه وصفوها له ولا اعجبته عادى ما بيروحون وما بيكون فيه كسر لخاطر البنت
لان هذي الشغله الى توصفها الاخت قبل لا يشوف الزوج زوجته نظره شرعيه
ويمكن يوافقون ويروحون بعد ين البنت ما يعجبها الرجال

السلام عليكم ورحمه الله وبركاته،،
 

اخويNawwaf ...
عندنا قبائل بالسعوديه تمنع منعاً باتاً الرؤيه الشرعيه." رؤيه الشاب للفتاه بوجود محرم"..يعرفون انها حلال بس مايطبقون هالشيء...
انزين كيف الاهل ممكن يوصفون البنت اذا مايعرفونهم ؟!
هل ترضى تتزوج بنت من دون ماتعرف شكلها؟!
واذا على كسره الخاطر..عندي اهون ينكسر خاطرها بالخطبه ولا ينكسر ساعه يشوفها بالعرس وماتعجبها ويتركها ...وصاااااااااارت كثيييير...

اختى كلامك صح قبل يمكن عشر سنوات الحين الناس تغيرت صدقينى واتفهمت ومن حق الزوج يشوفها
انا عن نفسي لو عندى بنت او اخت ما برضي تتزوج حتى تشوف الرجال وتفكر وانتى اظن نفس الشي
مع انى للحين ما اتزوجت وبتزوج بعد شهرين

اخوكم نواف

السلام عليكم ورحمه الله وبركاته،،
 

يمكن عندكم هالشيء تغير بس للحين هالمبدى ماتغير عندنا ....وغير قابل للنقاش...
وياااااااااااااادوب
وبمحايله ممكن يخلونها تشوفه ...:confused:
ومن بعييييييييييييييييييييييييييد .."اكيد الي خلاها عقليته متفتحه شوي مين قده دارس برا.:D " وممكن لأ..

صدقينى اى بنت او اى رجال يتزوج بدون ما يشوف البنت اكبر خطاء لانه بيكون هو وحظه يمكن ينجح ويمكن يفشل
ويمكن بعد اذا شافها ينجح او يفشل كل شي بيد الله
بس انا اقول اذا هم غير متعلمين بنعذرهم بس اذا كانو متعلمين ويمكن جامعيين بقول شفايده التعليم
الطريقه مفروض البنت ترفض الزواج وتشترط تشوف الرجال
والرجال مفروض يشترط يشوف وما يستحون من البدايه
ويكون اول شرط النظره الشرعيه
ليش الناس يحرمون شي حلال
اخوكم نواف

http://home.att.net/~scorh2/Heart1v1.gif

وانا اتفق مع رمش..

تحياتي..

http://home.att.net/~scorh2/Heart1v1.gif

اي والله هذا الشي يقهر والي يقهر زياده ان اهل المعرس بس يهتمون بالشكل ما يهتمون بالاخلاق او المستوى التعليمي،، وبعدين يتوهقون بالبنت ،،،،،،،،،،،،


سلااااااااااااااااااااااااااااااااااااااام:)