كتير مننا واحنا قاعدين في البيت بنبص شمال ويمين ونلاقي إن البيت ناقصه حاجة مهمة قوي.. حاجة مكملة لجمال المنزل..

هي فعلا ممكن تكون موجودة بس احنا مش حطينها بالطريقة الصحيحة..



http://www.66n.com/pics/hosted/ts928...cpqrv1xdkx.jpg


فن التعامل مع التابلوهات

بتعتبر الصور أو التابلوهات الفنية من الإكسسورات المهمة اللي بتضفي لمسة من الديكور والجمال على جدران منزلك، ده بالإضافة إلى إنها بتعبر عن شخصية صاحبة المنزل بس كل الحكاية إنها محتاجة فن في التعامل معاها علشان لما تعلقيها تضيف فعلا لمسة من الجمال على الحيطة

عايزة تعرفي ازاي؟ تعالي أقول لك..

http://www.66n.com/pics/hosted/649a1...m3j7owj54e.jpg

تعليق التابلوهات له أصول

فيه كام نقطة مهمة لازم تاخدي بالك منها وإنتِ بتعلقي الصورة أو التابلوه على الحيطة وهي:

أولا: اللون

لازم تراعي إن لون التابلوه أو الصورة يكون مناسب للون الحيطة اللي هيتعلق عليها، وعلى فكرة مش شرط أبدا إنك لازم تعلقي تابلوه على حيطة بيضاء.. لا، إنتِ كمان ممكن تعلقيها على حيطة ملونة أو مزخرفة وكمان ممكن إنك تعلقي التابلوه أو الصورة على ورق حيطة مزخرف بس ده هيحتاج منك إن الصورة أو التابلوه يكون إطارها كبير ومافيهوش نقوش كتير.. كمان لازم تراعي إن لون الصورة أو التابلوه ده يكون مناسب للون المفروشات وسجاد الغرفة اللي هيتعلق فيها.

ثانيا: الحجم

تاني حاجة مهمة كمان وهي حجم التابلوه إنه يكون مناسب لحجم الحيطة، يعني مش ممكن إنك تعلقي تابلوه حجمه صغير على حيطة كبيرة، أكيد ده هيشوه منظر الحيطة أو العكس، كمان مش معقول إنك تعلقي تابلوه كبير على حيطة حجمها صغير..

ثالثا: عدد التابلوهات وتناسقها

لو هتعلقي أكتر من تابلوه على الحيطة يبقى لازم تاخدي بالك إن عدد التابلوهات دي يكون مناسب لحجم الحيطة، يعني مش مقعول إنك تعلقي 7 تابلوهات على حيطة مساحتها صغيرة، كمان لازم يكون فيه تناسق في ألوان التابلوهات المعلقة على الحيطة الواحدة مع بعضها البعض.

رابعا: الارتفاع بالنسبة للأثاث

خلّي بالك إن أنسب ارتفاع للصور عن الأثاث إنه مايكونش أكثر من 20- 25 سم على الأقل بحيث إنه يكون في نفس مستوى البصر، بحيث لا يضطر اللي ينظر للصورة إنه يرفع رأسه عشان ينظر لها.

خامسا: الارتفاع بالنسبة للأرض

بيعتبر الارتفاع المثالي لأي تابلوه أو صورة تعلق على الحائط هو ارتفاع مستوى النظر، ومن الأحسن إنه لو مافيش تحت الصورة أي قطعة من الأثاث إنك ماتخليهاش فاضية وتحطي تحتها بعض الإكسسوارات مثل "أباجورة" أو حوض زرع لأن ده هيضيف لمسة من الديكور أحسن.


سادسا: المسافات بين التابلوهات

خدي بالك من المسافات بين التابلوهات اللي على الحيطة الواحدة إنها تكون مناسبة ومتساوية بينهم، بحث تبعد فيها كل صورة أو تابلوه عن التانية بمسافة متساوية ولتكن بحجم كف اليد.

سابعاً: اختبار التعليق

لو كنتِ عايزة تعلقي أكتر من صورة يبقى لابد من تحديد الأماكن أولاً، وبدلاً من ثقب الحائط ممكن إنك تستخدمي صورة صغيرة أو حتى صفحات من الجرائد اليومية وتلصقيها علي الحائط وتشوفي إذا كانت الأماكن مناسبة لك أم لا؟

وياريت إنك تاخدي بالك إنك ماتستخدميش مادة لاصقة في تعليق الصورة على الحيطة وخاصة في الأماكن اللي فيها نسبة رطوبة عالية حتى لا تعرضها للسقوط والكسر، وأحسن وسيلة لتعليقها هو الحمالة التي تثبت على مسمار في الحيطة.


ثامنا: التنوع

ياريت كمان إنك تحرصي على التنويع في إطار الصور أو التابلوهات المعلقة على الحيطة الواحدة، ما بين مربع ومستدير ومستطيل لأن ده بيعطي إحساس بالجمال وبيكون مريح للعين أكتر. وخاصة لو الصور كانت ذات أحجام متماثلة، بس خلي بالك إن نجاح الموضوع ده بيعتمد على نجاحك في التنسيق.

تاسعا: الإطار

عند اختيار إطار الصورة يفضل أن يراعى الانسجام بينه وبين موضوع الصورة نفسها، يعني إنك مثلا تختاري إطار خشبي للوحة تمثل مجموعة أشجار أو إطار من الخشب المبيض لمنظر الشاطئ وده لتحقيق الانسجام بين الإطار والصورة.

وكمان ياريت إنك تبعدي في اختيارك للإطار عن إن لونه يكون مقارب للون اللوحة أو التابلوه علشان تحصلي على تنوع في الألوان.


أفكار مبتكرة لتعليق التابلوهات



وعلشان تضيفي لمسة أكتر من الجمال، فيه شوية أفكار مبتكرة ممكن إنك تسخدميها في تعليق الصور أو التابلوهات وهي:


الفكرة الأولى

http://www.66n.com/pics/hosted/rmg6k...fpzlin1gzh.jpg

اختاري زاوية في مدخل البيت وعلقي عليها مجموعة الصور المتماثلة في الحجم بس خلي بالك إنها تكون متناسقة من حيث المضمون.


الفكرة الثانية

http://www.66n.com/pics/hosted/wg9mx...p116kkubtw.jpg

وهي عبارة عن وضع صورتين أو أربعة متطابقين في الحجم والشكل وتفصلي بينهم بقطعة من الإكسسوارات المنزلية ولتكن بشمعدان جميل وهذا التنسيق يضيف لمسة ساحرة على الحيطة.




الفكرة الثالثة

[IMG]http://www.66n.com/pics/hosted/uxpfl2or4ajec8kp1***x3rgwj69sa1d.jpg[/IMG]


وهي إنك تجمعي مجموعة من الصور العائلية ذات الحجم الصغير وتحطيها كلها في في إطار كبير.



الفكرة الرابعة

http://www.66n.com/pics/hosted/lgyyf...8xanznkrdb.jpg


وهي إنك تعلقي مجموعة من الصور ذات تسلسل زي مثلا تعلقي صورتين بجوار بعض الأولى فيها وردة لسه بتفتح والثانية فيها وردة متفتحة، والمنظر ده بالذات يبعث على التفاؤل والأمل..



الفكرة الخامسة

http://www.66n.com/pics/hosted/i34vh...7t9ne6ech3.jpg

وهي إنك ترتبي مجموعة من الصور على الحيطة بشكل ياخد درجات السلم... بس خلي بالك إن الشكل ده مش هينفع إلا إذا كنتِ بتعلقي الصور بجوار سلم.



الفكرة السادسة

وهي عبارة عن تعليق مجموعة من الصور غير متساوية في الحجم أعلى كنبة الأنتريه مع مراعاة اللوحات الكبيرة ناحية الشمال واللوحات الصغيرة تكون ناحية اليمين، وعلى فكرة الترتيب ده بيكون مريح جدا للعين وبيعطي منظر في منتهى الروعة.


الفكرة السابعة


وهي عبارة عن وضع لوحة رئيسية مربعة وأعلاها مجموعة من اللوحات الصغيرة على شكل أطباق وهذا الشكل يعطي عند النظر إليه شكل شعاع الشمس


أفكار تقليدية



وعلشان انا بحب أرضي جميع الأذواق هقول لك كمان على شوية طرق تقليدية لتعليق التابلوهات أو الصور..

الفكرة الأولى

http://www.66n.com/pics/hosted/98j73...gfc6x4nti2.jpg

هي عبارة عن وضع صورة كبيرة واحدة على شكل مستطيل على الحيطة وعلى فكرة الشكل بيعطي إنسايبة شديدة.


الفكرة الثانية


http://www.66n.com/pics/hosted/evhcv...wqbikbpi5a.jpg

والفكرة دي كتير مننا بيستخدمها وهي وإنك تحطي الصورة أو التابلوه فوق أحد الرفوف.



الفكرة الثالثة

http://www.66n.com/pics/hosted/a3o0p...bkaszqg77g.jpg

هي إنك تحطي الصور أو التابلوهات اللي بيكون حجمها صغير على المكتب أو على أي ترابيزة عندك فى البيت أو على التسريحة.


الفكرة الرابعة

http://www.66n.com/pics/hosted/n8ekn...g07z12149e.jpg

وهي إنك تحطي الصورة أو التابلوه بجوار أي مصدر إضاءة وليكن بجوار شباك أو بجوار الأبليكات.


المرايات

http://www.66n.com/pics/hosted/34flb...i3b2zmmm1u.jpg

فيه حاجة كمان ممكن إنك تعلقيها على جدران منزلك وهي المرايات.. وعلى فكرة المرايات مش بس بتعطي لمسة ديكور دي كمان بتعطي إحساس باتساع الغرفة خاصة في الحجرات الضيقة أو الممتلئة بالأثاث.. بس خلّي بالك وإنت بتعلقي المرايات من شوية الحاجات دي..

1- لا تضعي مرايا لمجرد إنك عايزة تحطي مرايا، وإنما بعد التأكد من أن المنطقة أو الزاوية التي سوف توضع فيها مرايا بحاجة إلى ذلك وسوف تحقق الغرض الجمالي المطلوب، وياريت قبل ما تعلقي المرايا تعملي التجربة دي.. تحضري إحدى المرايات وتقومي بتجربة تركيبها بالموضع المحدد ورؤية المرايا من عدة اتجاهات مختلفة والتأكد من إنها تخدم ذلك الموضع جمالياً ولا تعكس مناظر غير جميلة لا تريدين رؤيتها.


2- كمان ياريت إنك تبعدي تماما عن وضع مرايا على حائط يكون له مقابل حائط آخر علشان ماتعكسش عيوب الحائط المقابل له زي عيوب الدهان أو عيوب في الحيطة نفسها.


3- خدي بالك إنك ماتعلقيش أكتر من مرايا بارتفاعات وعروض مختلفة في حجرة مملوءة بالأثاث لأن بكده المرايات هتعكس كل اللي في الغرفة من قطع أثاث وإكسسوار وتشعري بأن الحجرة أصبحت ضيقة أكتر ومزدحمة.

http://www.66n.com/pics/hosted/g88u4...lsxhqs4kxp.jpg

4- لازم تاخدي بالك إن حجم المرايا يكون مناسب لحجم باقي الأثاث لأنك ببساطة مش معقول إنك تعلقي مرايا يكون حجمها أكبر من حجم الشباك الموجود في الغرفة.

5 - ياريت إنك تحرصي في وضع المرايا إنه يكون المنظر المقابل لها هو نباتات زينة أو أحواض زرع أو سمك لأن المنظر ده بيعطي لمسة ديكور مريحة جدا للعين.

http://www.66n.com/pics/hosted/a8byz...4hbuzw1j3g.jpg

6- من الأماكن الجيدة للمرايا المنطقة المقابلة للشباك بحيث يتم تركيبها بزاوية قائمة لتزيد من كمية ضوء النهار الداخل للغرفة وتعكس مناظر جميلة للفراغ الخارجي لتستطيعي الاستمتاع بالخارج وأنتِ في الداخل.


بس كده خلاص خلص عددنا النهارده..
مستنية آراءكم وتعليقاتكم الجامدة قوي.