مشكلتي مع ابنتي
 

انا ام لطفله واحده تبلغ من العمر سنتين بس بنتي وايد وايد شقيه يعني في الشقاوة محد غلبها والحمد له االمهم انا احاول امسك نفسي وما اعصب بس للاسف من غير شعور الاقي نفسي اضربها وبعدين اتحسف وقعد اصيح خصوصا اذا نامت ساعات افكر هل بنتي شقيه شقاوة اطفال او انها مو طبيعيه لانها ساعات تاخذ العابها وطخ على راسي ما ادري هل كثرة الضرب اثرت عليها بحيث خلتها اكثر شقاوة؟ او انها هيك يعني طبعيتها؟ ومتى بتصير اشوي حلوة مثل اليهال ؟وشلون اتماسك اعصابي وما اضربها؟ ابي نصيحه بلييييييييييييييز .اتصدقو اذا قلت انا حامل بالثاني ولما رحت المستشفى قال لي ان قلبي دقاته مو منتظمه انا كنت احس بالم في قلبي كلما عصبت عليها بس ما اتوقعت عندي مشاكل فيه مثل ما قالت الدكتورة صدقوني انا بنتي كاسرة خاطري بس ايش اسوي

اختي بنتك عاديه جدا و هذه حلاوه هذه المرحله حب الاستكشاف

المشكله في الاهل يريدون ابناء مبرمجين مثل الكومبيوتر و بايدينا ريمونت كنترول
زر للنوم زر للضحك
و اهم شي زر كبير للسكوت و عدم الحركه

هذه احلى مرحله في عمر الطفل

و تقليدها للكبار في طريقه الكلام و الحركه لا تضيعين الفرصه بالعصبيه و العقاب
طولي بالك و اقعدي معها و تكلمي و العبي


حاولي انك تفتحي عينها على الالعاب البناتيه

و حركات البنات الحلوه
و الاكسسوارات و تسريحات الشعر و الفساتين المنفوشه يحبوها البنات
و الاحذيه و الصنادل
في ملابس مخصوص للاميرات و اكسسواراتها في محلات الالعاب
و العبي معها
و طول ما انت تلعبين معها رددي عليها
فلانه حبيبه ماما فلانه عيون ماما و قلب ماما
لان البنات يحبو الي يتغزل فيهم

الله يصلحها و يحفظها الكم
و مبروك على الحمل و ان شاء الله تقومي بالسلامه

مثل ما قالت لج الاخت ام اثير بنتج طبيعيه ومو بس انتي الوحيده اللي تعانين هامشكله انه عندي ولد عمره 6 سنوات وبنتي عمرها سنه و8 شهور لكن مرويني نجوم الظهر انه لو اروح المستشفى افحص اتوقع ان بيطلع عندي سكر وضغط والقلب وكل شي متوقع هههههههههه الله يعينج ويعيني على عيالنا