جئتكم ثانيا ولكن هذه المرة عندي قرار واريد مشورتكم
 

بسم الله الرحمن الرحيم

أخواتي واخواني اعضاء المنتدي جئت لك اليوم بالجديد الذي حدث في موضوعي وللتذكرة وضعت رابط الموضوع
http://www.66n.com/forums/showthread.php?t=90388

اخواني بعد ان كتبت اليكم بمشكلتي حدثت بعض الأشياء الجديده بهذا الموضوع واحببت ان اتحدث اليكم بخصوصها ربما تساعدوني في وضع حل .

يوم الخميس الماضي كنت معاه في العمل وكعادتنا هذه الفترة مشدودين دايما وبنتكلم وكل واحد فينا حاطط وش بيضحك علشان ميكبرش الموضوع المهم كي لا اطيل عليكم قال لي هيا بنا نذهب الي المكان الذي اعتدنا الجلوس فيه ربما يحدث شيئا يغير ما نحن به فوافقت علي الفور وذهبنا وهناك وجدت اننا اثنين غيرنا اول مرة بندخل ومش بنعرف نتكلم زي الاول طلب لنا الوجبه الرئيسية بتاعتنا واكلنا واحنا مش بنتكلم وكل واحد منا مش عارف يقول ايه وجه صوته فجه ليلغي كل الصمت الرهيب اللي كنا فيه وبدأ يتحدث في المشكلة ومن ضمن الحديث سالته انت ليه متغير كدا ليه حاسس اني حابه اخد مكانك قالي هو فعلا كدا كلامك مع والدي كله بحس انك عايزة توصلي له علي حسابي وتكبري علي حسابي قلتله انا عمري ما قصدت كدا واذا كان دا ضايقك ليه مقلتليش قبل كدا قالي مش مهم المهم اني بجد ابتديتاحس كدا كمان مش عارف ليه فعلا انا ابتديت احس اني مش بشتاقلك زي الاول بقيت احس ان مش عايز اشوفك بالرغم من اني حاسس اني بحبك بس مش عارف ليه بيحصل كدا المهم قلتله جايز في حاجه مزعلاك مش قادر تقولي عليها قولي يمكن اغيرها لقيته بيقولي احنا بجد في مشكلة انتي عندك استعداد اننا نكمل مع بعض ونقف للمشكلة دي قلتله اكيد دا انا عمري كله بيروح ست سنين حياتي كلها بتدور علي محور واحد هو انت قالي خلاص ربنا معانا والمحنة دي تعدي انتهي الكلام ولاول مرة اخرجد من المكان دا وانا حاسة اني مكسورة وموجوعه قوي وبرضه مازلت محتفظة ببرودة اعصابي حتي لا يتصعد الموقف جينا البلد اللي بنعيش فيها وتاني يوم الصبح كان فيه مشكلة في الشغل مع عميل فانا كنت طرف فيها لاني كنت بدخل شريك في مشروع مع العميل دا وكان بعلمه المهم بعد كدا هو وافق وقالي خليكي انتي بعيده وانا اللي هاشارك العميل دا قلتله اوك المهم في الكلام غلطوا في بعض وهما بيهزرو وفوجئت بانه بيلغي كل علاقته بالعميل دا مع العلم بان الكل اجمع انه هو اللي غلطان مش العميل وجيت اتفاهم معاه صعقت علي كلامه وهو بيقول لو اتكلمتي او تدخلتي في الموضوع دا اعتبري كل اللي بيني وبينك منتهي سمعت ومقدرتش اتحمل وملقيتش غير وانابقلع دبلته وبقول له انا مش عايزاك مش علشان العميل لا علشان اللي انت قلته دا وتدخلت والدتي اللي كانت موجودة معانا وهدتنا وقالت اتكلموا بالراحة مش كدا وعدي الموضوع علي خير وانا جوايا مكسور لتاني مرة ومازلت بقيه علي حبي له ومازلت حاسة انه بيحبني والنهاردة اداني فلوس اوصلها لشركة وكانت الشركة دي كنت بشتغل فيها قبل كدا رحت وقابلت مديرها وعطيته الفلوس وجلسنا نتكلم في الشغل حوالي ساعه والتفاصيل اللي بينا وبينه اتصل عليا خطيبي وقتها يستعجلني ويلح في سؤاله علي انتو بتتكلموا في ايه وطبعا في الوقت دا كان الناس حواليا فقلتله لما اجي حاضر هاعمل كدا علشان اداري الموقف ثار عليا وقفل التليفون في وشي المهم رحت خلصت بسرعه مع الراجل ومشيت لقيت واحده صديقة مقابلني وقفت تسلم عليا الا وهو جي بص لاقني بسلم علي صديقتي دي من بعيد راح واخد بعضه وماشي قلت مش مهم استحملي مشيت وراه للمكان اللي وقف فيه ورحت السلام عليكم رد بالعافية ولقيت سؤال واحد باصرار بيقول ممكن اعرف انتوا كنتوا بتعملوا ايه كل دا لسه هارد لقيته دور السب في صاحب الشركة وفيا وفي الدنيا دارت الارض بيا مبقتش عارفه اقوله ايه غير اني روحت وانا في قراري شئ واحد اني اسيبه ؟؟؟؟؟؟؟؟؟؟؟؟؟ نهائي وماما عماله تقولي كلام الناس ومينفعش واهدي وانا خلاص فاض بي بجد ارجوكم دلوني لحل وقولوا لو شايفين فيه حاجة غلط اصلحا انا بقالي 10 ايام مش عارفه انام ولا حسه بطعم حاجة ساعدوني الله يخليكوا
في انتظار ردودكم فلا تتأخروا عليا

أختي في الله أسأل الله أن يعينكي على ما أنت فيه
أولا استخيري الله وأطلبيه كثيرا كثيرا ،ثانيا حطي النقاط على الحروف واجلسي مع نفسكي جلسة تكونين فيها الحكم فتعطي لكل ذي حق حقه .ولاتنسي أنكي تساعدين والدكي فهل يا ترى ان تزوجته سيدعكي تعملين+ان امكن لكي العمل في مكان آخر فافعلي لأنه يرى أنكي أحسن منه وهذا قد يسبب لكي المشاكل
ان أخطأت فمن نفسي والشيطان وان أصبت فمن الله

والله مو عارفة اقولك شي

غير الله يكون في عونك استخيري الله وشوفي شو الصواب

الله يوفقك

الأخت الفاضلة أم معاذ

اشكر لك حضورك الكريم ولي تعقيب بسيط علي ما قلتيه وهو انني بالفعل فعلت ماقلتيه فوجدت في نفسي انني احبه لكن لم اري انه يصلح زوجا لي لان هناك اختلافات بيني وبينه في اشياء كثيرة في العمل والحياة مما وضعني في حيرة اكبر من امري وهو هل امشي مع قلبي ام عقلي فقلبي يريده وعقلي يرفضة ولا اعلم كيف اتصرف

love _heart اشكرك لك مرورك الكريم جزاك الله كل خير

أختي في الله ،والله لاأعرف ماذا أقول لأن الحيرة التي تعيشينها هي أصعب من المشكلة بحد ذاتها ،ولهذا أقول لكي استخيري الله مرة أخرى ودعي الله يفعل ما يشاء بمعنى آخر وقفي علاقتكي به وذلك انطلاقا من أن هناك اختلافات كثيرة بينكما وفي هذه الفترة وباذن الله ستتوضح لكي الأمور والله لاأعرف ان كانت مشورتي في محلها ،اسفة ان أخطات
حبيبتي مهما قلتي لنا فستبقى هناك أمور بينكما أنتما ولهذا أنتي وحدكي من يستطيع أن يقيم الوضع ،كوني شجاعة ولتنظري لحياتكما معا من جميع الزوايا حتى تضح لكي الرؤية وحتى لاتندمي على أي قرار قد تتخدينه واعلمي ان الزوج رزق من الله فان كان فعلا هو نصفكي الثاني فسوف تجتازين هذه المحنة ونصيحتي لكي أختي والتي سأكتبها على شكل معادلة:زواج ناجح =تنازل ذكي+أن العبرة ليست بالانسجام ولكنها بالقدرة على الاحتمال
ان أخطات فمن نفسي والشيطان وان أصبت فمن الله
وشكرا

شغل وطريقتك في تعامل مع العملاء هي سبب مشاكلك لو تتركي راسة اليه وتحاولي تتخالي عن عادتك في تدخل في شغل بصفتك عارفة احسن منه وما تعنديه
حاولي الحاجة الي تقلق تتعاملي معاها بليونة وما تخليها تاتر على علاقتك بيه
عملكم مع بعض بافكار مختلفة سبب معاناتك

فكري لعقلك لا بقلبك ...........وانت لسه على البر

خطيبك من النوع اللي مش بيحب يحس ان زوجته ناجحه عنه ومتفوقه و محبوبه من الناس والعاملين اكتر منه
يمكن بيخاف من تعاملاتك مع العملاء عشان ما تنجحيش وتعلي اكتر
غير احساسه بأنك مازلتي مخطوبه له وعمرك ما هتسيبيه عشان تفضلي تعلي على حسابه ودا اللي بيخليه يعاملك المعامله دي
واظن ان العيب دا ممكن تلاقيه في اي راجل شرقي ودي انانيه وخوف في انك تكوني صاحبة القرار في بيت الزوجيه
وفي رأي ان مفيش قدامك غير حلين يا اما تشوفي وظيفه تانيه وتبعدي عن المجال دا و تكملي معاه
ويا اما تفضلي في مجالك وتسيبيه وانتي ادرى باللي يناسبك والله اعلم