|
ابي رايكم اخواتي المطلقات
السلام عليكم ورحمة الله وبركاته اخواتي المطلقات انا عايشه بجحيم مع اللي اسمه زوجي بالاسم الحين منفصلين من سنين بس عايشين مع بعض في بيت واحد صابره عشان عيالي اكيد مرت عليكم مشكلتي بقسم المتزوجين والحين اناافكر اني اطلب الطلاق لاني تعبت ومو قادره استحمل اكثر بس فيني مخاوف اول شي عشان عيالي ماابي اظلمهم وافرقهم عن ابوهم ولو انه مايدري عنهم واحسن لهم انه يبتعدون عن هالطاغوت اللي مايعترف بالاسلام ويشرب ليل ونهار وثاني شي من ظلم المجتمع للمطلقه ونظرتهم لها حتى لو انهم يدرون بعيوب الرجال بس لما تتطلق الحرمه حطوا كل شي عليها ابي رايكم لانكم مجربين وش تنصحوني اطلب الطلاق او اتم عنده واتحمل حراته وظلمه وقهره لي بس ارجوكم قبل لاتردون اقروا مشكلتي بعالم المتزوجين والله يجزيكم الف خير
|
الطلاق ياأختي حالة لاأنصح بها إلا إذا كانت لوجه الله تعالى
كأن يكون الزوج لايصلي ...... |
الله يجزاك الفخير على الرد واللي اسمه زوجي مايصلي ويشرب الخمر ليل ونهار
|
<< بنت ماتزوجت
الله يفرج عليك اختي بسألك انت موظفة؟؟ اذا موظفة او تستطيعين تعولين نفسك وعيالك ووجود زوجك زي عدمه الراحة منه أفضل.. وماعليك من كلام الناس هم متكلمين كذا ولا كذا بالعكس يمكن يعرفون تصرفاته ويتكلمون عن جلستك عنده وعيالك بعد صح؟؟ والله الوظييييفة زينة ومهمة جداا للمرأة في زمنا الحين حسبي الله على وزارة االمعارف اللي حرومنا من حقنا الله يريح بالك اختي ويخليلك عيالك وعساك تفرحين فيهم ويرفعون راسك ياااااااارب |
اختى منبع الأحزان
لاحول ولا قوة إلا بالله ، اختى إبحثى عمن ينصحه بالعودة لربه لعل الله يفتح على قلبه ويهديه حاولى وإن يئستـى فاسألى أهل العلم هل يجوز البقاء مع زوج لايصلي وعلى فتواهم اتخذى قرارك وتوكلى على الله الذي لايضيع أحد اسأل الله العلي القدير أن يمن على زوجك وكل ظال بالهداية 0 |
انا مع اخى الكبير
الموضوع يعتمد عن الشرع اما عن كلام الناس فكما قالت الحبيبه شوبارد الناس تتكلم تتكلم توكلى على الله واسالى من الناحيه الشرعيه |
الله يجزيكم الف خير كلن باسمه انا سئلت مشايخ واجد وكلهم اكدوا لي انه مايجوز اني اجلس معه لمجرد انه يشرب بس فمابالكم بترك الصلاه والهجر وعدم النفقه والاهمال واحب اقول لاختي شوبارد اني مو محتاجه له ماديا لاني انا الي اصرف عليه وعلى البيت يعني انا الرجال والمراءه وياليت محصله منه كلمة شكر او تقدير اقولك احنا منفصلين عن بعض من سنين بس بنفس البيت وتسلمون على الرد
|
بما أن مافيه فود وحاولتي فيه ولا شفتي نتيجة
توكلي على الله وافتكي منه والحمدالله عيالك حولك وتصرفين على نفسك هذي من نعمة من ربي والجأي لربك وادعيه دايم الله يفرج عليك ويحفظ لك عيالك يارب ويكفيك شر الدنيا |
اختي قريت قصتك قبل و اشوف ان الآدمي هذا البعد عنه غنيمة و ان شاء الله الله بيرزقك باللي يقدرك و يحترمك و ما تدرين يمكن بعد ما تتركينه يبدأ يراجع حساباته. المهم استمرارك على وضعيتك الحالية غلط في غلط. الله يوفقك.
|
الله يجزيكم الف خير اختي بنت رجال وشوبارد وانشالله اني بطلب الطلاق بس انا الحين انتظر تتعدل شوية ظروف ببيت اهلي الله اعلم متى وبعدين ان شاء الله يحلها الف حلال
|
| الساعة الآن 09:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©