|
عقد قراني بعد اسبوع وانا اكتم هذا السر!! ساعدوني
السلام عليكم ورجمة لله وبركاته
هذي اول مشاركة لي بهذا المنتدي.. واملي في الله ثم فيكم كبير انكم تساعدوني وتشاركوني مشكلتي والله الشاهد ان هذا السر كاتمته في قلبي من 9 سنوات حتى خواتي واقرب صديقاتي مابحت لهم بها الشي .. وانتم اول من يسمع قصتي وهذا من ثقتي فيكم وفي ارائكم ؟؟؟ وقبل ما اسرد لكم قصتي باختصار ابي وعد من الكل .... يتفاعل معاي ويشاركني ويقول رايه لان راي اي واحد او وحدة بالمنتدي يهمني كثيييير ومن فرج على مسلم فرج الله كربته يوم القيامة.. انا الحمد الله خطبني واحد قبل 10 اشهر وان شاء الله انه طيب واخلاق وسمعته الحمد لله طيبه واهلي مقتنعين فيه .. وبعد كم يوم راح يعقد قراني عليه لكن السر اللي انا كاتمته في صدري مضيق علي وماني قادرة افرح بهذة المناسبة مشكلتي تبدأ من قبل ما ابلغ بسنه لاحظت تغيرات في عضوي التناسلي وخفت كثير وسكت وماعلمت امي بعدين قلت بيني وبين نفسي ومن جهلي يمكن هذا شي طبيعي يحدث للبنات بهذي الفترة المهم التغيرات اللي صارت _اسفه على الصراحة_ لاحظت ان الشفرتين الكبيرتين في عضوي التناسلي الانثوي عندي انتفخت (أي اصبحت متورمه لكنها لاتؤلمني) واصبحت تقريبا حجمها كبر الفستق ملاحظة\ قبل مايصير معي هذا الورم كنت اشعر بحكة واكلان في تلك المنطقة هل يمكن ان يكون السبب بكتريا او ميكروبات في تلك المنطقه في البدايه صار هذا الشي في الشفرة اليمنى و بعدها بكم شهر صار في الشفرة الاخرى وعلى قد ما قرأت من كتب طبية ماوجدت مثل حالتي وياريت اذا احد عنده معلومة اويعرف عن سبب هذا الانتفاخ يفيدني ويريحني وماعندي الجرأة بصراحه اصارح اهلي او اذهب للمستشفى لاني كتمت السر اكثر من 9 سنوات عنهم والحين محتارة وشلون اتصرف ؟؟ اخلي عقد القران يتم بسلام بعد كذا اتفاهم مع خطيبي و قبل الفرح بشهر افاتحه بهذا الموضوع ؟؟ وهل اذا كتمت هذا الشي وتم العقد راح يكون عقد باطل لاني خبيت عنه هذا العيب فيني ؟؟؟(جاوبوني) بس احيان اقول انا الحمد لله انسانه شريفه وماني منحرفه وهذا الشي مالي سبب ولا ذنب فيه واكيد خطيبي مايهمه هذا الشي لانه ان شاء الله ماراح يعيق الاتصال الجنسي بيننا واكيد راح يعجب باخلاقي وتعاملي معاه لاني الحمد لله انسانه محترمة وخلوقه و اخاف الله بشهادة الكل ... احيان اقول مومهم امي واهلي يعرفون او اهله يعرفون المهم هو لان هذا من حياتنا الخاصه وهذا السبب اللي يخليني افكر اكتم السر عن الجميع واقوله هو بس بعد القران انتم وش رايكم؟؟؟ وبصراحة مادري بعد العقد راح تجيني الجرأة افاتحه ولا لا؟؟ وكل ما احاول افاتح امي اخاف وارتعش واشيل فكرة الاعتراف ووالله قررت من يوم ماكبرت اني ماتزوج واخلي هذا السر الى موتي لكن يوم خطبني هذا الشخص ارتحت كثير بعد الاستخارة و شفت الفرحه بعيون اهلي فوافقت وانا قلبي على يدي ووكلت امري لله والله ماتصدقون قد ايش خايفه وبس افكر واتخيل اني يوم افاتحه بهذا الموضوع بيكرهني ويطلقن الله لا يقدر هو اكيد بيزعل لاني خبيت عنه وعن اهلي واهله بس الله العااالم انا كيف عايشه وموقادرة على مصارحتهم حتى مهري اللي اعطوني اياة اخاف اصرف منه ريال خوفي يطلقني بعد مايعرف هذي الحقيقه واللي ابيه منكم الله لايحرمني منكم ارائكم واذا عندكم اقراحات... يعني ابي اعرف راي الشاب الشرقي وش رايه وكيف بتكون ردة فعله لو كان هو بنفس هذا الموقف وهل راح تهتز ثقته في زوجته ؟؟ وهل قد حصل لك امر مشابه لهذي الحالة؟؟؟ وانتي ايتها القارئه ماذا تفعلين لو كنتي مكاااني ؟؟ وانتي الام كيف بيكون شعورك وتصرفك اذا عرفتي ان بنتك عندها مثل هذا الامر ومخبيته عنك؟؟ اللي قاهرني ومحسسني بالذنب ان علاقتي مع امي قوووووووويه جدا وما اخبي عنها شي لكن اخاااااااااف ابوح لها بهذا السر ماادري ليه ؟؟ مابي اخسر امي وابوي او اخسر خطيبي واهله لانهم طيبين مرة مابي اصغر بعيونهم والله القلق ذابحني مو قادرة افكر زين ... واخيرا اتمنى من الجميع المشاركة وشكرا لكم.... والرد في اسرع وقت وعدم تجاهل موضوعي |
لو اني مكان زوجك
لأفرح فرح ما فرحته من قبل لأني بعرف أنك بنت حريصه على نفسك وتخافين ربك ولا تبوحين بسرك لأحد إلا لزوجك أختي حسب معلوماتي أن هذا الشي طبيعي والله اعلم يا بنت انبسطي وافرحي بالعكس الموضوع بسيط وما يحتاج تشيلين همه هذا اللي صار لأنك كنتي في مرحلة البلوغ فكل شخص في مرحلة البلوغ اعضائه التناسليه تكبر وتتغير شكلها فتطمني مابك إلا كل خير |
اخي عاشق الحور اشكرك على المرور والله الشاهد انك اثلجت صدري بكلامك و عيني دمعت يوم قريت ردك
بس اللي انا متأكدة منه ان اللي صارلي مو شي طبيعي حاله شاذة الله يسامحكم 40 شاهدوا الموضوع ولا ردوا خيبتوا ضني وخليتوني اندم لاني بحت بسري |
حبيبتي انتي شو دراج انها حاله شاذه يمكن شي طبيعي بس انتي خايفه وحالتج خاله.. والله ماعرف بشو انصحج.. حاولي انج اتكلمين حد من خواتج الكبار واتروحين معها المستشفى عشان تتاكدين من الطبيبه وجي راح ترتاحين نفسيا.. وان شااء الله مافيج شي غناتي لا اتحاتين.. |
أنا ومن وجهة نظري كرجل شرقي
أرى أنني اذا كنت واثقا من زوجتي واعرفها جيدا فلن اشك بها ابدا ولن القي للموضوع تلك الاهمية والصراحة واجبة في هذه الحالة وإذا عرف زوجك بصراحتك معه فإنه سوف يتمسك بك أكثر فمن واجبك كزوجة أن تقولي لزوجك معاناتك واتمنى لك التوفيق |
أحكي لأمك .
لأنها أكثر وحدة يهمها أمرك ولا تخفي عليها شيء ولا تنسي تزوري طبيبة بصحبة أمك ولا تخبي عنها شيء أبداً .. ولا تخافي من الأمر كثير ربما يكون شيء طبيعي.. |
ان شاء الله ان الموضوع عادي مافيه لا انك تلروحين للطبيبه بروحك وممكن تقولين لاهلك انك بتفحصين قبل الزواج وعادي الكل يسوي فحوصات ماقبل الزواج علشان تطمنين ولو صار الي انت خايفه منه ممكن تعلمين خطيبك بس لان من حقه يعرف والله يوفقك انا حاسه ان الموضوع مايستاهل كل هالتفكير توكلي على الله
|
بصراحه ماني عارفه شلون اشكركم ريحتوا بالي الله يريح بالكم جميعاااا
انا مو خايفه من الحاله اللي فيني انا خايفه كيف بتكون ردة فعل خطيبي اذا حكيت له واخاف اصغر بنظر امي لاني ماحكيت لها من زمان عالعموم مشكورين ومشكورات على الرد واتنمى من الباقين الرد والتفاعل مع موضوعي وبالذات الشباب ابي اعرف لرايهم لو كانوا مكان خطيبي؟؟؟ وشكرا |
مرااحب أختى
ادعو الله العلى القدير أن يكون الذي بك مجرد وهم ولا بكي الإ العافيه بس أنصحك أن تبوحي بهذا السر إلى أحد المقربين إليك الذى يقدر أن يوصلك إلى الحل او إلى المستشفى ولا مانع من أمك إذا انتى توقعين منها مساعد أو لأختك أو لى قريبه لك او عبر الهاتف تتصلى على مستشفى أخصائيه لكى تسأليها على ما تروريدين وإن شاء الله مافيك الإ العافيه أما ان تخبرى خطيبك فإن شاء الله يمديك تسوين شي قبل هل أسبوع ولو ما امداك توكلى على الله واذا تم عقد القران حاولى تسوين بالى قلت لك وإذا صارت الحاله إيجابيه فالحمد الله او بعيد عنك سلبيه أخبرى خطيبك وقوليله بالى حصل بأتصال منك له . بس هذا لى عندى وإن شاء الله تلقين الحل الذى يسعدك فمان الله |
اختي جود
أولا مبروك ياأحلى عروسة ثانيا يمكن انتفاخ بسيط ووزوجك ماراح يلفت نظره كثير نصيحة مني .. صح اني بنت بس والله اني بالدوام اغلب جلساتي مع متزوجات وعرفت كل اهتمامات الرجال اذا مالفتي نظره بيحس انه طبيعي صدقييييييييني زي مثلا بنت لها كرشة وبنت لا. يدينها نحيفة والثاينة لا وهكذا ... صح ولالا؟؟ انت اسكتي وخلك واثقة ولو تكلم مع ان عندي احساس ماراح يتكلم قولي شفيك عادي كل البنات كذا وصدقيني ماراح يقولك شي. صديقتي زوجها شاف التشققات اللي بجسمها وكانت كثيرة وتوها عروس قالها وشو هذا؟ قالت الحمدالله ماتعرفه؟؟؟ كل الحريم لازم فيهم وبكل ثقة تكلمت على طول سكت ولاعلق ولارجع يقولها مرة ثانية وفعلا كثيييييير حريم ويوجد فيهم قلبي ..وسعي صدرك وافرحي بأحلى لحظات حياتك ولاتروحين لأحد ولاتقولي لأمك ولاشي اهم شي اللحظات هذي اللي تمرين فيها من أحلى وأسعد لحظات عمرك لاتفوتينها بالهواجيس هذي الله يسعدك ويوفقك وياااااارب تصيرين قمر عند زوجك |
| الساعة الآن 02:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©