ما هو الحل الذي كان من المفترض أن يحدث ..؟
 

السلام عليكم

كيفكم جميع من ادنى واحد لاقصى واحد وللبنات انثوها :d

انا عندي مشكله مو مشكله اللي رفعت ضغط طبعا انا لا ناقه لي ولا جمل بالموضوع لان الموضوع بالدرجه الكبيره يخص الوالده اطال الله في عمرها

السالفه من البدايه

كان عرس ولد خالي يوم الخميس الماضي في الرياض وعرس اخت زوجه اخوي الخميس هذا بكره يعني بس خارج الرياض زوجه خالي وجده زوجه اخوي خوات من الاب الدعوه فيها شربكه ماعليش خخخخخخخ

عموما حصلت حاله وفاه لولد اخوهم صغير في السن(8 سنوات) توفي الاثنين اللي قبل الماضي الله يرحمه ويسكنه جنات النعيم

طبعا الزواج الاول اللي هو زواج ولد خالي للرجال صار في موعده يوم الخميس الماضي اما بالنسبه للحريم فتوقعوا في اي يوم حطوه

نفس يوم زواج اخت زوجه اخوي اللي هو يوم الخميس اللي هو بكره!!!!!

طبعا الدنيا قامت وقعدت بين الخوات اللي هي ام ولد خالي واختها جده زوجه اخوي ليش حطيتوه نفس يوم زواجنا وليش وليش طبعا زوجه خالي قالت انهم يوم اجلو الزواج المره الاولى القصر قالهم ما فيه الا يوم الخميس اللي هو نفس يوم الزواج الثاني قلنا معهم حقد بس للاسف اتصلنا بالقصر وقالوا ان القصر فاضي يوم الاثنين والثلاثاء يعني امس وقبل امس وهنا حصلت المشاكل بين الخوات
طبعا المعني بالموضوع امي لانهم ما تدري وين تروح لزواج ولد اخوها ولا لزواج اخت زوجه ولدها
طبعا خالي الله يهديه ان شالله مسكني قبل يومين وقالي انت امك فيها كذا وسوت كذا ودايم تعطي الحريم اكبر من حجمهم وتحترمهم بزياده وبالاخير تكتشف غير الكلام هذا طبعا وش مناسبة الكلام هذا ما ادري وليش يقولي انا بالذات ما ادري جلس ربع ساعه يتكلم فوق راسي وانا طبعا احتراما وتقديرا له صح معك حق لا غلطانه الوالده على قولتهم اسايسه ويوم خلص وسكت قلتله اترك عنك كلام الحريم وحركاتهم تراك رجال؟؟؟

طبعا عطاني نظره حقد وتركني ومشى

طبعا انا راح احضر الزواج بكره ومعي زوجتي لاني الحركات هذي ما احبها ولا ادانيها رجال يتدخل بشؤن الحريم

وقلت للوالده تعالي معي اخوك ما يستاهل تحضرين زواج ولده!!!

مع ان ولد خالي مسكين وضايع دكتاتوري لدرجه ان ولد خالي بعد ما تاجل الزواج وتغيرت كل حجوزاته اللي كانت على النمسا وجاء خالي حجزله فنادق في ماليزيا وحجزله سياره خاصه للتنقلات والولد ما يبي ماليزيا وقلنا لخالي ياخي حرام عليك طبعا عن طريق خوالي قال ماليزيا حلوه وانا جيتها العام طيب ياخي ولدك ما يبيها ليش تحجزله !!!

طبعا حجز الطيران ما تأكد ولا حصل الى الحين !!!!
والولد متضايق من حركات ابوه بس ما باليد حيله

انا طبعا امون على ولد خالي وقلتله بالحرف الواحد ياخي يوم صار زواج الرجال وعشان برنامج شهر العسل كان قلت لاهلك ما ابي زواج حريم ابي اخذ زوجتي واسافر واذا رجعنا من شهر العسل اعزموا وسوو زواج على كيفكم
بس وش نقول حكم القوي على الضعيف

انا ادعي من كل قلبي لولد خالي انه يتوفق بزواجه والله من جد حالته النفسيه سيئه جدا الله يعينه بس

انا ما ادري اخلي الوالده تحضر زواج ولد خالي ولا زواج اخت زوجه اخوي؟؟

افيدوني

مع ان الوالده متردده بعد تقول انا احضر زواج اللي عزموني بالاول ليش ياجلون زواجهم لنفس اليوم؟؟


اسف على الاطاله

سلااام

الأولى ان الوالدة تحضر زوج ولد اخوها لانها عمت العريس ولو لم تحضر ربما تحصل قطيعة رحم وهذا الامر انتو بغنى عنه اما الزوج الثاني فمكن يعذرونها وهم بالقرابة ابعد وعسى ان تكرهوا شيئا وهو خير لكم ولاتكبرون الموضوع وتخلون الشيطان يدخل بينكم

انا اقول تحضر زواج ولد اخوها ومحد راح يلومها

أنا أشوف ان الوالده تروح زواج ولد أخوها علشان ما يكون فيه قطيعة رحم وبعدين هو في الرياض اقربلها وأكيد اهل الزواج الثااني بيعذروونها لانه زواج ولد أخوهاا ........... والله يعينا على المجاملااااااااات الاجتمااعيه

8
8
8
8
8
انا هذا رأئي ميه بالمية

مشكووررين على تفاعلكم مع الموضوع

والوالده فعلا راحت لزواج ولد اخوها بالرياض وبالنسبة لنا رحنا للزواج اللي خارج الرياض

تفرقنا الرجال للي خارج الرياض وامي واختي للزواج اللي بالرياض

مع اني كنت ابي الوالده تروع معنا بس غيرت في اخر لحظه

وتسلموون على ردودكم الحلووه

سلاام

انا اقول تحضر زواج ولد اخوها لانه ااقربون اولاء بالمعروف حتى ولو كانوا اخت زوجه اخيك محددين العرس قبلهم
وانتوا رواحو عند اخت زوجه اخيك كذا ترضوا كل ااطراف