أرجوكم تساعدوني ماعندي وقت
 

السلام عليكم ورحمة الله


انا الحمد لله مو في مشكله ولا شي بس حبيت أستشيركم في موضوع جدا مهم لي وهو:

إنه تقدم لخطبتي شاب وأريد أخذ رايكم

هو عمره 19 سنه وانا 23 سنه

بالنسبه للتعليم انا عندي بكلوريوس هندسه وهو ماكمل إبتدائي!!!!

بس هو يباني و أهلي وأهله موافقين (جدا متحمسين) وهذا اللي مشوش علي وماأعرف أقرر
أيضا عنده مميزات كثيره مثل إنه يصلي بالمسجد مع أبوه ورحيم جدا على أمه وخواته وإنسان ملتزم ويشتغل من 4 سنين بوظيفه محترمه بالجيش وماعليه ديون وهو أكبر خوانه وعقله أكبر من سنه بوااايد حتى إنه أخوي فكر عمره 25 سنه

المهم هذا اللي عرفت أكتبه الحين وأرجوكم تساعدوني أقرر لأنه هلي بيردوا يوم السبت ومثل ماقلت لكم عاجبهم بشكل كبير ويضغطوا علي أوافق.

(انا اللي مخوفني فرق السن والتعليم)

وأي سؤال انا حاضره المهم أرسى على بر

وجزاكم الله خير

شكرا على الرد 0555

(ولحسم الأمر تأكدي من المميزاتي اللي ذكرتيها)


متأكده والحمد لله

(وفرصك في الزواج عنصر مؤثر في القرار)

الحمد لله فرصي كثيره وأكثر عن مره إنخطبت
انا الحين في هالخطبه الحاليه لأن الشاب عاجب هلي وايد وانا مو قادره أقرر ومشتته وأهلي يقول لي

إذا أتاكم من ترضون خلقه ودينه فزوجوه. يعني ماأشار الرسول الكريم صلى الله عليه وسلم للسن والتعليم الأولويه جاءت للخلق والدين. وانا محتاره الفرق مو سهل.

الغالية عليج بالإستخارة والدعاء

ومدام عقلة أكبر من سنه وخلوق توكلي على الله

ياما ناس دارسين وكبار في السن لكن عقولهم عقول أطفال

أكثري من الدعااااااء

وإن شاء الله ربي يسهل لج أمورج

الف الف مبروووووووووووووووك

ما اعتقد انه فيه شي يعيبه دامه صاحب خلق ودين ورحيم

الله يهنيكِ معاه وترى بالعكس اذا هو اصغر منك عادي مافيها شي

اني بعد زوجي اصغر مني بسنتين

الله بقدم الا فيه الخير

لا تنسين صلاة الاستخارة استخيري الله وشوفي شنو نصيبج

الف مبرووووووووووووووووك مقدماً

التعليم ليس له علاقة بالزواج



ليه انتم ياللي تفاخرون بالتعليم
وش يسوي لكم التعليم في حياتكم الزوجية


انا حاصل على بكالوريوس
وزوجتي لم تدر إلا محو الأمية
ومع ذلك عايشين بسعادة ولله الحمد

وزوجتي مثقفه واسلوبها يجنن وتفكيرها حلو وواقعي




ياجماعه
ترى اسلوب البنت وثقافتها

ليست من التعليم

بل من الأهل واثر التربية في ذلك

والله يوفقكم

الذئبة

مشكوووره على الرد ويزاج الله ألف خير

متوكله على الله تماما ودائما أكثر من الدعاء وأطلب من الله يرزقني الزوج الصالح

والحمد لله يمكن هذي الخطبه نتيجة دعواتي. الله يسهل علي ويسر أموري

ومشكوره مره ثانيه

مشكور كاتم الاّهات على ردك ودعائك لي

وانا خلاص توكلت على الله ومو ناويه أرفض والله يقدم اللي فيه الخير

(أنا كذا)

يمكن التعليم ماله دور مثل ماتقول بس ثقافة الإنسان وبيئته تلعب الدور الاكبر

وايد متعليمين وعندهم شهادات ومايعرفوا غير في تخصصاتهم وبس

انا متوكله على ربي والله مابيضيعني