اللي يبغاني ادعيله في جوف الليل يدخل
 

الموضوع باختصار ان احنا شرينا بيت جديد ودفعنا العربون 170 الف الين يكمل البنيان ,ومن ثم ندفع باقي المبلغ 600 الف ريال بعد ما ينباع البيت اللي احنا ساكنين فيه . وهو ــ يعني البيت اللي احنا فيه ـــ على شارع حيوي عام والكل شجعنا على بيعه على اساس انه يسوى مليونين>>>عذروني ما عرفت اكتبها بالارقام , موجه نعمى <<<<<<< والمشكلة ان البيت الجديد باقي عليه اقل من شهر ويخلص واحنا محلك سر ؟؟؟؟؟؟؟؟؟
البيت ماشفنا له بيعة محترمة ... وخايفين يطير علينا العربون .
افيدوني جزاكم الله خير . وش العمل ؟؟؟؟
ملاحظة :
ارجو ان الاقتراحات تكون في كيفية تدبير باقي مبلغ البيت علما اني انا وزوجي علينا قروض للبنوك>>>>>>>>> لا بارك الله في الاسهم<<< يعني اي بنك ماراح يعطينا قرض جديد , ساعدوني اخواني ترى الموضوع خطير والله لايحط احد هالحطة ....ارجو سرعة الرد . واسفة على الاطالة..................... ومشكورين مقدما

عزيزتى ..
اسأل الله العلى العظيم ان يفرج همك .. وان يجعل لكم من كل ضيق مخرجا ..

بس حبيت ادعيلك .. عشان تدعيلي في ظهر الغيب :22:

<<<<<<<<<<<< لاتنسيني من خالص دعواتك في جوف الليل ان ربي يحققلي مرادى وومنايا يارب انا وكل بنات المنتدى :17: :17:

اختك بتول

وش رايك نقط بالمنتدى باقي المبلغ اذا البنوك ماراح تسلفكم مافي الا البيت القديم



تبيعونه وتشرون الجديد وبس او الرهن اذا لقيتوا احد يعطيكم المبلغ

اختي الحل بيعوا دهبكم واذا عندكم سيارات وراح يتدبر ممكن نص المبلغ والنص الباقي خذوه سلف من احد اقاربكم
ولما تجيكم بيعه للعماره بيعوها واشتروا سيارات جديده ودهب على كيف كيفكم

أعرضوا البيت على مكاتب العقار

والله يفرج همكم وهم المسلمين

من قلبي اشكر كل اللي دخلوا والله يوفقهم ويقضي حاجتهم ويكفيهم شر الدنيا وبلاويها ..
اما فكرة القطية من جد رفهت عني وخلتني اضحك ..وفكرة الاخت انا احنا نبيع الذهب والسيارات هي فكرة زينه بس لو كان عندنا ذهب وسيارات ما صار هذا حالنا .
ترى تونا باديين حياتنا وما عندنا سند نلجا بعد الله الا دعاؤكم وخبرتكم ..
فلا تقصون باقتراحاتكم

اذا في شوية وقت ولو أسبوعين ممكن تنحل المشكلة
العقارات سوقها ماشي و حركة البيع و الشراء جيدة
اعرضوا البيت على شركات العقارات ممكن تلاقوا زبون و ربنا ييسر

غير كذا لا تنسوا الدعاء ربنا يفرج عليكم

الله يسر امركم ويعينكم يارب عليك بالدعاء ان الله يفرجها ولا تنسوا الاستغفاروالاكثارمنه

أدعي لي ربي يرزقني بتوأم :D

أنا أشوف بما إنه عندكم ( بيت ) القديم .. يعني عندكم شئ أكيييد بيجيب لكم فلوس إن شاء الله

فليه ما تستدينوا المبلغ من أي أحد و حتى الشخص اللي ( اتدينتوا ) <- مدري كيف تنكتب :D

لو طالب بفلوسه ، وقتها تضطروا تبيعوا بيتكم القديم وإن شاء الله يكون وقتها جاكم مشتري للبيت و بمبلغ يستاهل :)

لا تنسي تدعي لييييييي .. ترى دخلت جري عشان الدعوة :D