قلبي يعورني .......
 

السلام عليكم ........

لن أبدأ بسرد مقدمة ولكن سوف اتكلم عن الموضوع مباشرة .............

لأن قلبي يؤلمني ........ وما نمت من القهر ......... وعيني غرقانه بالدموع ........ مشكلتي يمكن البعض يشوفها هينه بس
بالنسبة لي كبيرة مــــــــــــــــــــــــــرررررررةةة .....


المشكلة إني متزوجة من سنة و4 شهور ومن 8 شهور وأنا أتعالج عشان الحمل وكل مره ربي ما يكتب وهالشهر الدكتورة اعطتني 8 أبر وتصوير وتعب وحبوب يعني هالمره كثفت العلاج عشان تعلا نسبة حدوث الحمل .....

المهم أمس الدكتورة اعطتني إبرتين وقالت لي لازم يصير جماع بينك وبين زوجك بعد 36 ساعه بالضبط عشان يصير الحمل بإذن الله .......

تخيلوا عاد شكلي وأنا متجهزة لزوجي ومتعدلة وبلآخر يجي ويحط راسه على المخده وينام المشكله إن الدكتورة كلمتني قدامه وكل هالكلام كان معاي وكان يشوف وشكثر اتعب واتعذب عشان الإبر هذا غير عن التكاليف الباهضه والمصاريف حقة العلاج ..........

والقهر يبغى أطفال ........ بالله عليكم وين الاحساس أحس بقهر وبألم بقلبي أنا ماني ميته على النومة معاه بس ابغى أطفال أبغى يكون لي طفل يونسني والله تعبت من العلاج والحين طافت الساعات المحددة وربي احس مقهورة قريت قرآن واستغفرت ربي بس مو قادرة ابغى احد افضفض له ومالقيت غير المنتدى ............

يارب هون علي مصيبتي ......... اللهم لا تذرني فرداً وأنت خير الوارثين .............

حياتي والله قطعتي قلبي
يارب تحملين وترتاحين يارب
الله يعينك وترى منتب اول ولا اخر وحده
تحملي ومابعد الصبر الا الفرج

خلك إيجابي جزاك الله ألف خير والله كلامك ريحني انا يكفيني اني في بلد بعيد ع ناهلي ومتغربة وما أقدر اشكي بثي وهمي وحزني سوى الا ربي اللي خلقني وان شاء الله اكلمه بكرة بالموضوع لاني لو سكت احس اني بنفجر خصوصا إني ما عندي أحد غيره بالبلد ..............


عاشقة الورد شكرا اختي على ردك ويارب يفرجها على كل أمة محمد ........

مو قادرة يا أختي انام قلبي يعورني جد من أروح للغرفة احس نفسي مخنوقة فقلت بجلس لحد صلاة الفجر اصلي وأنام مرة وحده ........ وان شاء الله بحاول أكون هادية مرررة والله يعيني المشكله اخاف افتح معاه الموضوع وابكي لاني مو متحملة اي شيئ بالذات هالموضوع الكل يتكلم اهلي واهله الكل يلومني وانا الحمد لله ما فيني شيئ الدكتورة تعطيني مجرد مقويات بس يعني الحمد لله ما فيني امراض بس هو ما يحس بالضغط اللي يجيني من نظرات الناس ........

الحمدلله يارب
الله يرزقك بالذرية الصالحة يارب امين
انا وزوجي مانبغى اولاد الان وعاملين مانع عشان لسة بدري وانا كمان احس نفسي ماني مستعدة للاولاد وغيري نفسو في الاولاد من جد كأنو الواحد يرفس النعمة برجلو بس من جد انا احس نو قلبي قاسي لأني ماأحب الاطفال جدا وحتى زوجي عندما قالي انو نأجل الخلفة ما اعتت ولا زعلت بالعكس فرحت مع انه ماما واخواتي بهدلوني لكن انا مافرقت معاي

لكي في قصة الخضر مع موسى عليه السلام عبرة عندما قتل الغلام خشية على ابويه من كفرهما

لعل الله عزوجل لم يرد لك ذرية تكون سببا في شقائك

اذهبي وتوضاي وصلي واستغفري واطماني

النحلة الصغيرة : شكرا على مرورك الكريم وفعلا لا تعرف قيمة الشيئ الا اذا فقدته

أمي h أشكرك على ردك وبالفعل انا توضأت وصليت ........ والله يفرج هم كل مكروب